سيراتو شكل الجديد جنط 17 ال sx

**shifoo68** · 20-02-2014 10:58 AM

شباب المنتدى اخدت لفة امبارح قولت اشوف الاسعار وصلت لاية تقريبا فى المعارض عند القرش والمصرية والليثى كلة اشتغالة ,,,,,بس طلعت بمعلوماة انة كلهم اتفقوا ان ابعد تماما عن الجنط ال17 واشترى سيراتو جنط 16 والجنط 17 قليلة جدا خليجى وحتى الوكيل والتوكيل من فترة كبيرة ماجبش فى المعارض بتاعتة جنط 17 تقريبا بيجيبها طلب ,,,,وبيقولة ان الجنط ال 17 فى اعادة البيع بتخسر قوى كتير ,,,مع انها هيا الفئة اللى تتركب فى السيراتو عن الجنط 16 مافيهاش حاجة شكل بس والاوبشن اقل كتير والواحد محتار واحتار زيادة ,,,,,وكمان اتفرجت على الكورولا المتعدلة بصراحة اتصدمتتت شفتها فى العباسية كانها متعلقة فى الهواء وخصوصا من وراء وقدام عليت برضة بس الشكل النهائى الاول كان احلى فكرتنى بايام ال128 لما كان الواحد يعليها تلاقيها متعلقة لوحديها وبرضة استلام متاخر 3 شهور حد ادنى,,,,, حد يقوللى ويفيدنى فى موضوع الجنط ال17 ويقوللى راية,,,شكرا

**amgomaa** · 20-02-2014 12:34 PM

مهو اي معرض لازم يبيع اللى عنده وبالفعل السيراتو متتركبش الا الفئة ال 179 وبالنسبه لاعادة البيع اى عربية زيرو نتخسر 15 الف اقل واجب ما دام اتركبت لو عايزها احجز فى التوكيل تقريبا الاستلام بعد شهر ولو عايز حاجه زى الكورولا وفيها ثبات الكترونى وعفشة مالتى لينك روح اتفرج على السيفيك احسن من الكورولا فى كل حاجه وعليها خصم 10 الاف ج 188 الف

Sent from my GT-S5282 using Forum Runner

**spidars** · 20-02-2014 05:07 PM

انا معايا الشكل الجديد الفئه القبل الاخيره بجنط 17 ولا كان العربيه بجنط 15 ناعمه جدا ومتحسش بالجنوط علي عكس القديمه

**شريف السيد** · 20-02-2014 06:07 PM

انا معايا موديل 2014 جنط 17 ليدات وشفتات وفتحة سقف ومثبت وتكييف خلفى العربية ناعمة جدا عفشة وعزل وثابتة بعكس الشكل السابق انا جربتة وجربت الالنترا الجديدة وما عجبونيش العربية خليجى عند سمير ريان حاليا ب 166000 والضمان تريببل a بالفين جنية ومعترف بية

**shifoo68** · 20-02-2014 11:31 PM

المشاركة الأصلية كتبت بواسطة amgomaa

مهو اي معرض لازم يبيع اللى عنده وبالفعل السيراتو متتركبش الا الفئة ال 179 وبالنسبه لاعادة البيع اى عربية زيرو نتخسر 15 الف اقل واجب ما دام اتركبت لو عايزها احجز فى التوكيل تقريبا الاستلام بعد شهر ولو عايز حاجه زى الكورولا وفيها ثبات الكترونى وعفشة مالتى لينك روح اتفرج على السيفيك احسن من الكورولا فى كل حاجه وعليها خصم 10 الاف ج 188 الف

sent from my gt-s5282 using forum runner

شكرا لرد حضرتك الهوندا من زمان احسن واحلى عربية يابانى بس انا شوفتها امبارح عند القرش ب 215000 كتيرة شوية الايام دى مع انها تركى

**shifoo68** · 20-02-2014 11:35 PM

المشاركة الأصلية كتبت بواسطة spidars

انا معايا الشكل الجديد الفئه القبل الاخيره بجنط 17 ولا كان العربيه بجنط 15 ناعمه جدا ومتحسش بالجنوط علي عكس القديمه

ما هيا دى الفئة اللى عاجبانى بس الناس مخوفنى من الجنط 17 والبلالين بتاعة الكاوتش والمطبات حتى المناديب بتوع المعارض اوعى من الجنط 17 ,,,, العربية اللى مع حصرتك خليجى ولا وكيل

**shifoo68** · 20-02-2014 11:38 PM

المشاركة الأصلية كتبت بواسطة شريف السيد

انا معايا موديل 2014 جنط 17 ليدات وشفتات وفتحة سقف ومثبت وتكييف خلفى العربية ناعمة جدا عفشة وعزل وثابتة بعكس الشكل السابق انا جربتة وجربت الالنترا الجديدة وما عجبونيش العربية خليجى عند سمير ريان حاليا ب 166000 والضمان تريببل a بالفين جنية ومعترف بية

رايك يعنى الخليجى احسن من الوكيل هو بصراحة فى فرق فى الفلوس بتاع 13000 تقريبا وحضرتك معاك الوكيل ولا الخليجى وشكرا

**spidars** · 20-02-2014 11:46 PM

المشاركة الأصلية كتبت بواسطة shifoo68

ما هيا دى الفئة اللى عاجبانى بس الناس مخوفنى من الجنط 17 والبلالين بتاعة الكاوتش والمطبات حتى المناديب بتوع المعارض اوعى من الجنط 17 ,,,, العربية اللى مع حصرتك خليجى ولا وكيل

وكيل هو الجنط مش هقلك مش عاوز محافظه في حكايه النقر بس غير كده مفهوش مشاكل وبيخلي العربيه ثابته احسن من 15 و16 وشكله اشيك ومريح مش متعب

**شريف السيد** · 21-02-2014 05:04 PM

المشاركة الأصلية كتبت بواسطة shifoo68

رايك يعنى الخليجى احسن من الوكيل هو بصراحة فى فرق فى الفلوس بتاع 13000 تقريبا وحضرتك معاك الوكيل ولا الخليجى وشكرا

الخليجى افضل وهو معايا ولسبب بسيط عند اعادة البيع بيتساوى السعر

**amgomaa** · 21-02-2014 05:46 PM

المشاركة الأصلية كتبت بواسطة شريف السيد

الخليجى افضل وهو معايا ولسبب بسيط عند اعادة البيع بيتساوى السعر

الهاى لاين الخليجي ناقصه حاجات عن الوكيل اللى متاكد منه مفيش مفتاح start stop مفيش انوار ترحيب مفيش التحكم فى درجة الباور لو حسبتها كده مع الضمان ال 5 سنين هتلاقي الوكيل احسن

Sent from my GT-S5282 using Forum Runner