الموضوع: بيخوفوني منها

السيارات الصينية بصفة عامة سعر إعادة بيعها ضعيف إلى حد ما .. وده راجع لثقافة السوق المصري .. واللي أنا شايفه أنها ابتدت تتغير شوية شوية تجاه السيارات الصينية .

سيبك من الكلام اللي قولتهولك واللي بيقوله الناس .. أهم حاجة عند اختيار عربية لازم تحدد وتشوف أنت عاوز منها أيه وقطع غيارها أيه ومدى توافرها وأسعارها واعتمادية السيارة نفسها .

بس اشمعنى دوناً عن السيارات الصينية كلها اختارت اسبرانزا .. ليه مفكرتش في ماركات صينية أخرى .. ومش معنى كلامي أن الاسبرانزا وحشه ..

في النهاية يكفي أنك تاخد جولة في أقسام السيارات اللي أنت محتار بينها وتشوف أيه النظام وأيه اللي يناسبك في الاختيارات اللي أنت حاططها .

المشاركة الأصلية كتبت بواسطة elkholy22

الشكر وجزيل الشكر علي الرد
بس انا احب اشاركوا معايا انا بنسبه كبيره عمال اعافر من زمان عشان اجيب عربيه ومش هقدر اجيبها غير قسط فلازم تكون هتستحمل معايا فوقﻻال5 سنين وكمان كل الفئات اللي فالرنج ده قديم قوي فاخترت الاسبيرانزا كمعروفه اكتر واللي بشوفها اما من الصيني مثلا ام جي او بريليانس ودول قطع غيار غاليه والسعر مش متناول والانتشار من رايي مش قد كده واحتاج العربيه للشغل وللعائله فلازم تكون تستحمل كل شغلي سفر وطرق وحشه جدا وبردوا اعاده السعر علشان لوحبيت اجدد بعد عمر طويل بس ده معناه فعلا انها كده بنسبه كبيره والفيرنا والايمجراند صعبيين جدا فاكده معتش غير الاسبيرانزا واللانوس فامش عارف انتوا ايه رايكو....... وشكرا مره تانيه علي الرد

تمام .. أنت قفلتها معايا في بريليانس وأم جي وأمجراند بس مش عارف الامجراند لا ليه أيه هي الأسباب وكذلك البريليانس مع أنهم منتشرين وقطع غيارهم متوفرة ومتوفر البديل ليهم .. الأم جي بالرغم أنها سيارة ممتازة وتساوي الكوري في جودته ولكنها للأسف مش منتشرة ووكيلها مفطسها .. طب مفكرتش ليه في البي واي دي مثلاً .. مش معنى كلامي أن الاسبرانزا سيئة .. بس هو مجرد تفكير مع بعض بصوت عالي .

المشاركة الأصلية كتبت بواسطة besokate

هات لوجان وريح دماغك يا فيرنا

فعلاً لولا اختلاف الأذواق والأراء لبارت السلع .. وكل واحد ودماغه وطريقة تفكيره .. خالص تحياتي .