الموضوع: مساعدة فى شراء b2 اوتوماتيك

المشاركة الأصلية كتبت بواسطة halimo

محتاج فيكترا b2اوتوماتيك 1600 cc بس حالة كويسة وعداد مش عالى .

ابعد عن الموتور ده لو قريت مواضيع قديمه هتلاقى كله بيقولك ان العربيات اللى موتورها ١٦٠٠ ايكوتك منصور الكمبيوتر بتاعها بيبوظ عالطول وبيهنج عشان هوه متثبت على الموتور وبيسخن جامد ..... ( انا عن تجربه كان معايا واحده شخصيا وحصل آلاتى كنت فى القاهره والعربية عطلت منى بطلت مره واحده اتصلت على الميكانيكى بتاعى فى دمنهور قالى صعب اجيلك بس افتح الكبوت هتلاقى علبه فيوزات فيها فيوز كبير هتلاقيه ضارب ( فيوز طرمبه البنزين ) وفعلا لاقيته ضارب قالى غيره بواحد تانى غيرته قام ضارب تانى فى ثانيه اتصلت عليه تانى قالى لا كده تجيبهالى او خالى اى ميكانيكى جنبك يغيرلك الطرمبه بينى وبينك انا موسوس جدا جدا قولتله لا انا هحملهالك على ونش واجيلك بيها وفعلا دوخت على ونش يقبل ياخد منى فلوس كويسه اللى عايز ٧٠٠ جنيه واللى عايز ٥٠٠ المهم ربنا رزقنى بواحد محترم خد ٣٥٠ وحملت العربيه وروحت بيها دمنهور نزل ياعم العربيه وهات يابنى فيوز ركب الفيوز ودور وهوبا قامت جايه دايره هههههههههه اه والله وماعملتهاش تانى ) فنصيحه منى لو عايز واحده هاتها نظيفه اوى اوى اوى وحافظ عليها جدا جدا جدا لان العربيه دى جميله جدا وهتعجبك اوى باذن الله ...... وكالعاده محدش هيفيدك غير اساتذتنا الكبار هنا ...... هذا وبالله التوفيق

المشاركة الأصلية كتبت بواسطة maam

بس ياهيثم اول مرة اعرف ان الموتور ده بتاع منصور !
مش انت بتتكلم على الموتور ال z16xe ؟

وللعلم يا هيثم لو جاب كنترول تقدر تجيب واحد استيراد ب 1500 جنيه من ebay
وهنا تمنه 2500

sent from my htc

لا ياستاذ محمود انا مش قصدى ان منصور اللى عامله ..... بس قصدى انه ايكوتك غير اللى بينزل فى أوربا اللى بيجي فى العربيات الاستيراد المعوقين مثلا ده حاجه وده حاجه تانيه خالص .... أسف جداً على الخطأ الفنى انا ببقى بحاول أرد كده مبداءيا لحد مايجيى حد منكم يفيده اكتر منى ( اعتبرونى مسكن كده ) ههههههه معلش أسف جداً على اخطاءى