الموضوع: ٣٠٠٨ ٢٠١٤ حابب اعرف مواصافتها ورآيكم فيها

طبعا باكد كلام اخويا و صديقى المهندس مصطفى و اللى كان ليه الفضل انى اتعرف على العربيه و اسوقها و اجربها

المشاركة الأصلية كتبت بواسطة trytob

ربنا يوفقك اولا و انا اؤيدك فى اختيار ال 3008

العربية 1600 سى سى 158 حصان و الموتور فيه تيربو شنطة 3 مستويات مشاء الله تشيل شنط اكتر من اى عربية فى الفئة دى الهاى لاين بتاعها الجديد facelift و سقف بانوراما اوتوماتيك و ستيب ترونيك 6 نقلات هاند بريك اوتوماتيك يعنى الهاند بريك بيشتغل و يفضل مع حركة العربية او ثباتها طبعا كلها ازاز كهربا بس للاسف مافيش وحدات رفع بس معوضيتها بان فى وقت بعد القفل ممكن تقفل بيه الازاز حوالى 30 ثانية.

الكراسى حلوة جدا و 3 يقعدوا ورا مرتاحين بالاضافة لتكييف مزدوج و فتحة تكييف خلفية و فتحات مخارج كهربا حوالى 3 و فتحة aux فى المسند و للاسف مافيش usb مع ان فيها 6 سماعات صوتهم نقى جدا اه صحيح المسند ممكن تحط فيه حوالى ازازتين مية كبار و ييجى 3 او 4 كانز و هيفضلوا ساقعين :)

الجنوط 17 ميشلان و الشنطة من غير زرار بتفتح مع السنتر و ليها حساس يتفتح منه و الفرش قماش. مساحات التخزين الداخلية ممتازة و فى درج كبير تخت الدركسيون.

طبعا باركنج سنسور و شاشة الكاسيت بتقلب عشان توضحلك ان كان فى عائق فى الرجوع و لا لا و كمان فى شاشة فوق قريبة من المراية يتحس بعدد الركاب و تبتدى تدى انذار انك ما ربطتش الحزام صحيح هىليها فترة و بتفصل بس لو الراكب اتحرك من على الكرسى الانذار هيشتغل تانى :)

العربية 6 ايرباج و aps و ebd و مانع انزلاق و شاشة headup display جميله جدا بتظهرلك السرعة و انت سايق كانك شايفها على الزجاج.

العربية اتزان تحسد عليه و شكلها جذاب جدا انا جبت بيها 190 كيلو مرتاح و كان ال rpm على 4 و اخدت طريق السخنة الجديد بتاع الجيش طول الطريق اقل سرعة كانت 150.

وتحت امرك فى اى سؤال تانى و اتمنى اكون افدتك.

فضلا سؤالي هل يوجد مانع سرقة و جي بي أس و مثبت سرعة

شكرا

معايا بيجو ٣٠٠٨ ٢٠١٤ بأكد كلام trytoB في ان اداء العربية علي الطريق وفي الملفات فوق الممتاز واستجابة وقوة الماتور في السحب من الصفر مبهر ، وبستخدم بنزين ٩٢ من ساعة ماشترتها و الحمد الله مفيش اي شكوي منها حتي الان

المشاركة الأصلية كتبت بواسطة Ammpage

معايا بيجو ٣٠٠٨ ٢٠١٤ بأكد كلام trytoB في ان اداء العربية علي الطريق وفي الملفات فوق الممتاز واستجابة وقوة الماتور في السحب من الصفر مبهر ، وبستخدم بنزين ٩٢ من ساعة ماشترتها و الحمد الله مفيش اي شكوي منها حتي الان

ربنا يبارلك فيها

سؤالي هل توجد شاشة كمبيوتر و لو موجود هى لمس و جربتها ! و حسب موقع الشركة هل يوجد منفذ usb + aux

تسلم