الموضوع: مشكله فوانيس الشبوره

المشاركة الأصلية كتبت بواسطة mr_revenger

طب لو الراجل حب يركب لمبه محترمه اضائتها تبقى قريبه للزينون ولا محتاجه كتاوت ولا موديول ولا لعب فى الكهربا،،،يفك ويركب. على طول،،،تنصحوه وتنصحونى معاه بايه !؟

المشاركة الأصلية كتبت بواسطة haisam ali

خش على قسم الإضاءة فى المنتدى العام .... انا شوفتهم مره بيتكلموا عن لمبه فيليبس وبيقولوا عليها انها حلوه اوى

المشاركة الأصلية كتبت بواسطة amr elsisi

لسة جايب اتنين فيلبس h4
للشبورة ب50ج

اللمض اللي في الفانوس فيلبس بس بحس ان الزينون اقوي بكتيير علي الطريق

المشاركة الأصلية كتبت بواسطة بيشوى_رمزى

انا جربت ال 200/260 مع احترامى ليها مفيش مقارنة بالزينون
انا كنت جايب طقم 881 ب280 35w
نوعه ايه واسمه ايه ومعاه اللمض ولا لا

انا كنت حاطط الموديول فى كيس و لفيته بشريط لحام لحد ما يبانله اصحاب و بعدين كيس تانى و ثبته من جوه فى قلب الاكصدام كان مريحنى جدا لحد الحادثة الباغات اتكسرت و الطقم سليم و شغال زى الفل لما اجيب جوز جديد هركبه تانى

هو فعلا انا قريت عن موضوع اللف في كيس علشان العزل.. بس السؤال هو التركيب صعب ولا سهل

المشاركة الأصلية كتبت بواسطة mohamedebaid75

نصيحة اشترى الوش والزقة بسيلكون ولما ينشف ركب زينون ولف الجهاز بكيس بلاستيك وشيكرتون زى ما بيشوى عمل وانسى لان الزينون مش بيسخن زى العادى وانا جايب طقم صينى من الى موجود فى السوق بس w55وشغال زى الفل وعلى فكرة انت لازم تحل الاكسدام وانت بتغيرهم والاجهزة حطها فى تجويف الشاسية وانسى

تمام يا باشا ... حل الاكصدام مش مشكله لاني حليته قبل كده وعارف مكان كل كلبس ومسمار فيه
بس نفسي حد يقولي علي نوع كويس من مكان ثقه

المشاركة الأصلية كتبت بواسطة m7nsh

ايه موضوع الحادثه ده يا بيشوى ؟؟! قريب ولا من زمان ؟

المشاركة الأصلية كتبت بواسطة بيشوى_رمزى

محمد باشاااااا ازيك عامل ايه يا كبير
الحادثه دى من 7 شهور حوالى الساعة 01:30 الصبح مروح و بجرى فى شارع رايل فى حلوان و واحد بتاع ميكروباص طالع بيجرى من شارع فاديته بالعافيه يدوبك عديته و لقيت موتوسيكل بيقطع الطريق جيت افاديه العربيه لفيت 3 مرات "الاسفلت هناك سىْ جدا و مفيش تراكشن بين الكاوتش و الاسفلت " و دخلت فى عربية لانوس راكنه على جنب , بوظتله البابين و العتب و الدنجل الخلفى " من شدة الخابطه العربية اترزعت فى الرصيف و الفرده اليمين ورا زعلت و اتلوحت" عندى الاكصدام و شاسيه الاكصدام انتنا و4 أسنان من الخبطه فى الطارة :) خدت عربية الراجل صلحتها عند الصنايعيه اللى هو بيصلح عندهم و غيرتله الدنجل وعندى جبت اكصدام تايوانى و شاسيه اكصدام استيراد و استعدلت حته فى الكابوت على البارد و دمتم بس بصراحه انا اللى غلطان انى كنت بجرى "الشارع بليل مغرى على الجرى :) " و بتاع الميكروباص بصراحه طالع بيجرى من جوه الشارع الجانبى عايز يمسك الشمال على طول و الناس اللى كانوا واقفين ساعتها بيقولوا لصاحب العربية انى مليش ذنب قالهم ولا انا فقلت الحمد لله انها جت على قد الصاج و عملت العربيتين و الحمد لله

الف سلامه عليك وفداك... بس فعلا الاوبل صاج براميل ... وربنا يكفينا شر الحوادث

اللى يفقعك ان السمكرى كان عمال يبص على العربيتين و فى الاخر بصلى و قالى "بايع يا باشا" قولتله يا عم طب صلح و بعدين نبقى نبيع قالى "يا باشا العربيات دى محترمة اوى دى بص عاجنه الانوس و هى اكصدام اتكسر , كل ده و صاحب العربية التانية واقف كان نفسى اقوله الله ي... بيتك هتسخن الراجل :))

قولا واحدا "الاوبل باشاااااااااااا"

المشاركة الأصلية كتبت بواسطة medosalah

للاسف الفانوس صيني وشكلي كده هجيب جوز استيراد افضل

هيبقى افضل طبعا و مشهتشغلك بالك بان الزينون يبوظ الفانوس او لا
و بالنسبة لعزل الموديول سهل جدا و تثبيته سهل