الموضوع: صوت العربيه بيعلي لوحد

ﻻ مش مع الفرامل لان ممكن اكون واقف بعد المشوار وبرضه صوت العربيه عالي

اعتقد ممكن يكون سلك الاكسرتير بتاع البنزين عاوز يترش عليه w40 علشان الصدا او يخليه انعم و اكثر ليونة لاني اعتقد ممكن هيكون عاوز يتغير ... او بوابة البنزين عاوزة تتفك وتنضف و تتغسل عند الميكانيكي اذا كانت عربيتك كاربرتير ..

ردي على حسب ما فهمت شكوتك .. و اتمنى اني اكون افدتك :))

فعلا متشكر جدا علي الرد بس العربيه فيرنا 2006 رشاشات مش كربيراتير وان شاء الله ابقي اروح لميكانيكي وقولكةا ايه اللي تم باذن الله

نضف حساس الأيدل والبوابة وهتظبط ان شاء الله

سيدى الفاضل:-

حضرتك كده محتاك تنظيف لحساس الأيديال والكشف عليه بسكانر , ولو محتاج يتغير اكيد هايتغير ,
واعتقد يااما الجوان بتاع حساس الايديال مش راكب ففيه تهريب, او الأيديال بايظ ومحتاج يتغير ,
بس الأول تجرب نظافته وبعدين تشوف لو مظبتتش بلغنى , وانا هاكون معاك خطوه بخطوه, ولو تحب تعرف طريقة تنظيفه بايدك انا هاكون معاك للمساعده

المشاركة الأصلية كتبت بواسطة moe gawad

سيدى الفاضل:-

حضرتك كده محتاك تنظيف لحساس الأيديال والكشف عليه بسكانر , ولو محتاج يتغير اكيد هايتغير ,
واعتقد يااما الجوان بتاع حساس الايديال مش راكب ففيه تهريب, او الأيديال بايظ ومحتاج يتغير ,
بس الأول تجرب نظافته وبعدين تشوف لو مظبتتش بلغنى , وانا هاكون معاك خطوه بخطوه, ولو تحب تعرف طريقة تنظيفه بايدك انا هاكون معاك للمساعده

انا متشكر جدا انا فعلا رحت للميكانيكي ونظفت الحساس والحمد لله العربية ظبطت بس الدواسه بتاعت البنزين تقيله شويه واشتريت w40 بس ياريت اعرف ارشه علي الوير من الخرطوم اللي الوير ماشي جواه ولا فين بالظبط ومتشكر جدا علي الردود

المشاركة الأصلية كتبت بواسطة medo_omara2009

انا متشكر جدا انا فعلا رحت للميكانيكي ونظفت الحساس والحمد لله العربية ظبطت بس الدواسه بتاعت البنزين تقيله شويه واشتريت w40 بس ياريت اعرف ارشه علي الوير من الخرطوم اللي الوير ماشي جواه ولا فين بالظبط ومتشكر جدا علي الردود

حضرتك لازم ترشه دلوقتى فى مكانين , اولا السوسته الموجوده على النافول وعلى البكره السوداء اللى عليها السوسته فى الكبوت ولافف حواليهم الواير بتاع البنزين
ثانياً تحت اكسيراتير البنزين بداخا السياره من اعلى هتلاقى سوسته تانيه بردوا رش عليها ,

وبس كده