الموضوع: نتشه فى الموتور بعد تعبئه البنزين

السلام عليكم و رحمة الله
انا مستلم عربيتي بعد ما اترشت دوكو من اسبوعين

بعد ما استلمت عربيتي على طول لاحظت ان العربيه اول لما افولها بنزين تبداء تنتش بقوه من قبل ما حتى اطلع من محطه البنزين و بتبقى ملحوظه اوى اول لما اكبس بنزين او مزود بنزين لكن مش بتظهر على السلانسيه خالص و لا حتى عند الضغط الخفيف على البنزين
و النتشه دى تقل تدريجيا بعد استهلاك اول 5 ~ 10 لتر بنزين تقريبا و بعد كده تمشى سلسله و ممتازه

فإيه سر النتشه دى
مبدئيا نستبعد تقطيع الكهرباء لإن النتشه دى فى اول 5 لتر بس
- هل فيه عيب فى طلمبة البنزين ؟؟؟ بس المفروض ان العيب ده يبقى موجود سواء التانك مملوء او شبه فارغ
- هل فيه احتمال ان يبقى العيب فى خرطوم الفايظ بتاع تانك البنزين ؟ لأنى لاحظت ان تقفيل السمكره ماكنشى حلو اوى و خرطوم الفايظ اللى راكب فى ماسوره تعبئه البنزين كان متركب قدام الفرش الفبر بتاع الشنطه فانا خليته يبقى مدارى وراء فرش الشنطه زى الاول لكن ما أتكدتش ان كان الخرطوم نفسه مسدود و لا لاء فواضح ان السمكرى لعب فى المنطقه دى لأنى لاقيت كمان غطاء التانك مكسور
- هل احتمال ان المشكله تبقى فى شوائب البنزين ؟؟ - بس اشمعنى دلوقتى انا طول عمرى بفول من نفس المحطه و هل لو كان فيه شوائب معقول انها تتركز كلها فى اول 5 لتر ؟؟ مش المفروض انها تتركز فى اواخر البنزين