المشاركة الأصلية كتبت بواسطة ahmed amin
أولاً مبروك علي العربية وربنا يباركلك فيها.
بالنسبة للعزل كان أستاذ أسلام eleanor وضح نقطة بخصوص صوت الهواء,
وهوا آنك بعد ما بتقفل الازاز بيكون فيه جزء صغير جداً مفتوح عشان الضغط جوا الكابينة وعشان اللي مشغلين تكييف علي طول عشان تجديد الهواء بالكابينة.
فا بعد ما تقفل الأزاز كله, ابقي أضغط علي زرار رفع الازاز مرة كمان عشان تقفله للأخر وشوف كدا هيطلع معاك ينة صغيرة ولا لأ.
بالنسبة للدبة ما بين نقل الغيارات من p إلي r فا دي هتبقي محتاجة تربيط عفشة لما تروح الوكالة المرة الجاية.
بالنسبة للأنخفاض اللي بتحس بيه في التسقيط فا دا ممكن يكون محتاج تعود منك لسه علي العربية, خصوصاً إنك بتقول مش بتحصل كتير وخصوصاً كمان لو كنت سايق كوري قبل كدا, لأن فتيس الأوروبي مختلف في النقلات عن الكوري.
بالنسبة لضغط الكاوتش فأنت أمشي زي ما الكتالوج بيقول وزي ما الاستيمر اللي علي القايم بيقول,
الموضوع مالوش علاقة بان دا في أوروبا واحنا في السعودية, الضغط اللي علي القايم وفي الكتالوج هوا اللي مناسب للكاوتش والعربية حتي لو في الصين.
بس روح لحد بيملي الكاوتش نيتروجين عشان هتحس بفرق كبير في الراحة للكاوتش والعفشة والعربية,
وعشان الهوا العادي بيتمدد بالنهار ومع الحر وبيخلي الكاوتش ناشف ويرزع,,
وبليل في البرد والرطوبة الكاوتش هيريح وهتلاقي ضغطه بقي أقل وتحس إن الفردة مريحة ودا بيحصل لما تقلل الضغط في يوم حر كانت الفردة فيه مظبوطة بس تمددت بالحرارة.
وعشان كدا برضه هتلاقيها بتنام بليل لما الفردة بترجع لدرجة حرارتها الطبيعية بعد مانت فضيت منها هوا الصبح عند بتاع الماوتش وهتلاقيها مريحة تاني يوم.