انا نزلت جربتهالك دلوقتي.
العربية مبطلة طبعا و لفيت الدركسيون مع عقارب الساعة من الوضع الطبيعي في النصف عشقت بعد اقل من ربع لفة، و في اتجاه عكس عقارب الساعة لفيت نصف لفة كاملة و معشقتش و مقدرتش اكمل لان الدركسيون كان تقيل جدا .
عرض للطباعة
انا نزلت جربتهالك دلوقتي.
العربية مبطلة طبعا و لفيت الدركسيون مع عقارب الساعة من الوضع الطبيعي في النصف عشقت بعد اقل من ربع لفة، و في اتجاه عكس عقارب الساعة لفيت نصف لفة كاملة و معشقتش و مقدرتش اكمل لان الدركسيون كان تقيل جدا .
الف شكر علي الرد السريع يا دكتور ابوفندي و يا باشمهندس محمد منسق تويوتا الهمام والحقيقة انتم الاثنين كنز في المنتدي.
أنا رحت النهارده التوكيل وشرحت لمهندس الاستقبال مشكلة مسوجر الدركسيون وقلتله أن كل عربيات الكورولا 2014 اللي في التوكيل بتسوجر الدركسيون من ربع لفة يمين وعربتي نص لفه شمال فأفتي ان الكورولا 2014 بينزل منها اصدارات مختلفه بعضها زي عربيتي وبعضها زي عربيات التوكيل (طبعا الكلام ده مدخلش دماغي)
المهم دورت علي مهندس تاني يكون فاهم شويه فاخد العربية وفك الدريكسيون وعدله بحيث يسوجر علي ربع لفة يمين فقلت انقل تجربتي للجميع علشان لو حد عنده نفس المشكلة يعرف حلها ايه.
وقلت وأنا هناك أستفيد من تجارب الدكتور أبوفندي و المهندس محمد هاني (ربنا يجازيكم خير) واركب فوج 55w و اعلي صوت الكلاكس.
ربنا يزيدكم علم وايمان
اشكرك بنيانة عنى وعن المهندس محمد هانى
عن كلامك الجميل ودعائك الاجمل
ربما يجعلنا كلنا سبب ف معرفة وتثقيف بعضنا البعض
واى معلومات او استفسارات سواء انا او المهندس محمد هانى او اى حد هنا مبيبخلش سواء بمعلومة او جتى تجربتة ونقلها بحلوها ومرها حتى لو اتسبب ف مخاطر سواء للمجرب او السيارة نفسها
وتقريبا يوميا ان ع اتصال بالمهندس محمد هانى وهو ع اتصال بيا فى اى جديد او معلومات او حتى اى خبر
اشكرك علي الكلام الجميل ده و يارب اكون افدتك.
هو عموما موضوع المسوجر ده مش مهم لان في الغالب حضرتك بتبطل العربية و مش بتلف بعديها الدركسيون ، مفيش اي سبب منطقي يخليك تعمل كدة. و في الغالب كمان بتبطل العربية و الدركسيون متوسطن.
حضرتك بتقول المهندس عدلك المسوجر يبقي يمين، يعني هو دلوقتي بيسوجر ربع لفة يمين و شمال ولا يمين بس ؟