مشكلة فى 128

**احمد شهاب** · 23-02-2014 07:20 PM

ارجو من الاساتذة الكرام فى المنتدى افادتى بخبرتهم فى المشكلة التى تواجهنى .. قمت بتغيير طقم الدبرياج وبعد كام يوم وجدت السيارة بتدردر اثناء بدء التحرك اشتريت اسطوانة جديدة وقشطت الفولان وغيرت الديسك ولم تختفى الدردرة ومشيت بيها 1000 كيلو ولم تطبع فهل العيب فى الفولان .
انا عملت طقم شنبر ومن يوم ما استلمتها وجدت ان العربية بتسخن فى الطوالى لكن لاتتجاوز90 وتستمر المروحة شغالة مدة كبيرة .. ظبطت تاكيهات ونظفت الرداتير وغيرت زيت ولم تحل مشكلة الحرارة ولاحظت وجود فقاقيع مياة داخل الرداتير مثل فقاقيع المشروبات الغلزية ولا وجود لاثار زيت مطحن فى المقياس او غطا الزيت .
السؤال هل بعد قشط وش السلندر كذا مرة ووضع جوان عالى او جوانين يؤدى ذلك لسخونة الموتور
افيدونى افادكم اللة

**eng.salama93** · 23-02-2014 07:40 PM

ايوه بالتأكيد قشط الوش اكتر من مره ووضع جوانين يخلي العربية تسخن جدا

**احمد شهاب** · 23-02-2014 07:52 PM

مشكور يا باشمهندس .. لكن هل هناك حل للسخونة بدل شراء وش سلندر واسطوانة الدبرياج التى بترعش غيرتها ملرتين ولم تحل المشكلة هل ممكن الفولان يكون السبب
وشكرا لحضرتك

**eng.salama93** · 23-02-2014 08:07 PM

أعتقد الفولان ممكن يكون السبب
و كدا كدا هتضطر تجيب وش عشان اللي عندك تقريبا اتعدم
و استني اراء تانيه برضو

**احمد شهاب** · 23-02-2014 08:20 PM

فى انتظار اراء خبراء المنتدى الكرام افيدونى افادكم اللة

**aw2100** · 23-02-2014 10:57 PM

غلط خرط الوش اصلا جيب وش استيراد نظيف وركبة بجوان واحد وحتحس انك راكب عربية طلقة قشط الوش بيضعف عزم الموتور ويسخنة وياكل بنزين ويخلى العربية تكركر مع البنزين ال80 بالنسبة لترس الفلام برضة خرطة غلط وافضل ليك تركب واحد استيراد نظيف على وضعه واتأكد من قواعد الموتور علشان بتعمل رجرجه فى الطلعة خصوصا الشداد اللى فى النص او ممكن يكون عندك اكس معووج وربنا يقويك !!