-
بطارية العربية اتسرقت!!
العربية طبعا لادا و هى من الموديلات الغير مؤمنة من ناحية الشنطة و الكبوت زيها زى الفيات بأنواعه (القديم) :_Alshmokh08[1]: و اللى بيتسرق دايما من الموديلات دى الاستبن و البطارية لصعوبة فتح كبوت و شنطة السيارات الحديثة علما بأنى قبل كدة اتاخد الاستبن الاصلى و مكنش اتحط على الارض الهى يتشلوا فى ايديهم :019F3B~14:
المهم كانت العربية راكنة تحت البيت على شارع رمسيس بس فى شارع جانبى بس المهم انها تحت البيت و لانى عادة بروح الشغل من غيرها العربية بتقعد بالاسبوع و ساعات اكتر مش بتطلع و مكنتش متغطية و كله من الكسل لانى الغطا بيخلى الحرامى ميحطش العربية المتغطية فى اول اهتماماته اسهل له اللى من غير غطا
العربية ليها حوالى 4 - 5 ايام واقفة و طبعا الحرامى اكيد مراقب الموقف المهم رجعت من الشغل قلت لما ادورها شوية بفتح السنتر مفتحش شكيت فى الريموت و فتحت بالمفتاح و اول حاجة عملتها دوست كلاكس مفيش كلاكس و دورت ملقتش اى مارش و لا عدادات اتحركت و قلت اكيد البطارية نامت خالص و شديت شداد الكبوت و المفروض الكبوت اول ما بفتح بيتنطر لفوق مسافة حوالى 5 سم لكن لقيت الكبوت مش بيفتح زى عادته فعرفت انى البطارية اتقلبت :angry26: و فعلا اتاكد الخبر بعد فتح الكبوت بصعوبة :waaaht: و للاسف انى الكلام ده حصل و انا خلاص ببيع العربية و حضطر بعد ما كنت هقول للى هيشترى انى البطارية جديدة حقوله البطارية احتمال كبير تتغير قريب لانى مش هغشه و هقول على اللى فى العربية كله لان هشترى مستعمل انا كمان و نفسى اتعامل بنفس المعاملة و هحط سلسلة حوالين البطارية بقفل لحد ما يتم البيع بس بجد بقى شئ مقرف و مقزز لانى الشئ اللى اخد البطارية مش هيبيعها بتمنها و لا حتى بنص تمنها و حيلبسنى انا فى 150 او 200 جنيه على الاقل فى بطارية نص عمر عشان يغور فى داهية يجيب حتة حشيش و لا كام شريط كيميا و زفت من اللى بيطفحوه :angry06:.
و اللى غايظنى انى العربية فيها انذار لكن واضح انى حساس الكبوت فيه مشكلة و الحمد لله على اد كدة بس لازم الحكومة تشوف حل فى قلة الامان دى!!
-
الحمد لله على كل حال بص ياباشا جارنا معرفوش يفتحوا العربية علشان يسرقوا البطارية ولعوا فى العربية
-
قدر الله وماشاء فعل مدايئش نفسك فداك ميت بطاريه والحمد لله انهم سابولك العربيه .
-
-
يا باشا الحمد لله .. عربيتى كنت بركنها قدام البواب و الكاسيت إتسرق 3 مرات و البطارية مرتين و غيرنا البواب كلة الحمد لله .. و دة كانت شاهين و بإنذار بس الحرامى كان قرد تقريبآ
-
ادي حال مصر من ساعة ما الشرطة سيبتهم علينا
مفيش حد في مصر الا واتلط
ربنا ينتقم منهم بعدله في الدنيا والاخرة
-
اشكركم جميعا على الردود و الحمد لله انى العربية موجودة دى اهم حاجة.
-
الحمد لله انها جت في بطارية
منهم لله اللي بيسرق حاجة مش ليه
-
السلام عليكم
عندي حل يمكن يعجبكم
يرجى تغيير مسامير أو صواميل ربط البطارية و الجنط بأخرى ذات لقمة خاصة مثل المستخدمة في الأطارات - ودي موجودة في التوفيقية بكثرة
مع الشكر
-
ربنا يعوض عليك وينتقم منهم قادر يا كريم
Content Relevant URLs by
vBSEO 3.6.0 PL2