استفسار بخصوص تيريوس 99

**asem_shawky** · 29-09-2008 03:46 PM

سلامو عليكم
كل سنة وانتو طيبين يا جماعة
عندى سؤال كنت بفكر اجيب عربية مستعملة تيريوس موديل 99

بس فى شوية حاجات سمعتها كدا
انها بتبقى مش stbale على الطريق,
وان قطع غيارها غالية ومش متوافرة,,
انا من القاهرة
وكمان ياريت لو حد يعرف متوسط سعر المانويل و الاتوماتيك منها

الف شكر, وكل سنة وانتو طيبين

**yaso12** · 14-10-2008 06:28 PM

انا عندى واحدة جبتها لقطة عاملة 33 الف كيلو مانيوال عن تجربة لمدة سنة ونص و15000 كيلو فى جميع انواع الطرق المصرية الجميلة ممكن افيدك ببعض الملاحظات
1- المانيوال احسن من الاتوماتيك فى السحب (مجربها) لان العربية 1300 سىسى 85 حصان وده مش كفاية عشان تحس بسحب الاتوماتيك .
2- انا جبت سرعة لحد 155 كم على 6000 rpm وده مع العلم ان red zone عند 7000 و الكاوتش منفوخ نيتروجين على 26 (فكرة روعه) ولكن لا داعى للمغامرة مع العلم ان فى الخط المستقيم العربية بتثبت مع السرعة ولكن مع الحذر فى المناورة المفاجأة + ممنوع الملفات الحاده على السرعات .
3- ارتفاع العربية مناسب للطرق ذات المطبات الجميلة الاشبه بالاهرامات
4- العربية ضيقة من الخلف بمعنى ان اثنان متوسطى الحجم يكونوا مرتحين ومع ذلك ممكن تحشر الثالث جنبهم .
5- اسعار قطع الغيار زى اى عربية يابانى مع ملاحظة انها عربية 4*4 اى ان بعض قطع الغيار ممكن تكون اغلى شوية بس اقل من الشيروكى 99 مثلا او سوزوكى فيتارا.
6- حاجات التريوس من قطع غيار واكسسوارات متوافرة فى شارع زكى ومعروف والتوفيقية .
واى سؤال اخر يجى فى بالك اسأل ورنا يقدرنى وجوبك ومتخفش من العربية دى لانها عملية