قدامي فيكترا موديل 2000 رخصتها سنة موتور 2000 اوتامتيك محتاج رايكم ؟؟

**ammada** · 24-02-2014 12:37 AM

لو سمحتم قدامي فيكترا عاوز اشتريها موديل 2000 موتورها 2000 في الرخصة بس الموتور مكتوب عليه جنب الرقم x18 فانا شاكك انه متسقط و انه 1800cc؟؟؟
وفيها جنوط 16 لونها اسود وفرش الابواب جلد طبيعي
بخلص فيها على 50.000 بالضبط تسوى ؟؟؟؟ ايه رايكم ؟؟؟؟؟

**haisam ali** · 24-02-2014 01:02 AM

طاب ما تحاول تدينا شويه معلومات كده كمان عن الحاله ...... وعموما لو عايز تعرف العربيه دى نازله ٢٠٠٠ cc ولا متركبلها او متسقطلها بص ياسيدى الفاضل اولا إمبير ٢٦٠ ثانيا ٤ زجاج كهرباء ثالثا السقف من جوه فيه فانوس مضىء من قدام و٢ فانوس مضىء خلفى ....... وبتلاقيها طابلوها اسود وفيه قطعه ابانوس فى النص ..... وعلى العموم كود الموتور اللى انت بتقول عليه ده اعتقد انه متسقط وانه ١٨٠٠cc ..... وكالعاده هتستنى راءي اخواتنا الاساتذه هنا .... هذا وبالله التوفيق

**فادى محمد** · 24-02-2014 01:23 AM

الموتور ال1800 مطابق لحد كبير لل2000 سي سي في الشكل .
بس للاسف ال1800 قطع غياره قليله جدا واستيراد بس علشان كده
الموتور ده سعره رخيص.. مانصحكش بيه . ال2000 سي سي افضل كتير

**hagagatc** · 24-02-2014 04:50 AM

المشاركة الأصلية كتبت بواسطة ammada

شكرا لردك واهتماامك
هوا الامبير 260 و2 زجااج كهرباء انا متهيالي هوا الملترو متسقط و1800cc بس شكل الموتور نفس شكل 2000cc انا اكتشفته عن طريق الرقم x18 هيا لو الماترو متسقط ومش على وضعها تسوى الخمسين الف ؟؟؟
هيا رشه رش خااارجي بالكامل..الداخلي فابريكه... انا لقيت زرار الفتيس اللي تحت منور اللي عامل زي الشمس كده مش قصدي على زرار الs اللي في العصااية قصدي للي تحت اللي بيتقل العفشه تقريبا منور بيقول هوا بينور دايما مع الدوارة عادي
محتاج رايكم ضروري في السعر ؟؟؟

الزرار ده اسمه مانع الانزلاق بيستخدم في حاله الامطار او الارض المبتله
هو بيبقي منور بسيط مع الدواره لاكن لما تدوس عاليه بينور اكتر
وهي موديل كام
بالنسبه للموتور عايزك تطابق الارقام الاخيره مع الارقام الي في الرخصه لو غير كده يبقي مسقط مكنه

**ammada** · 24-02-2014 09:41 AM

المشاركة الأصلية كتبت بواسطة hagagatc

الزرار ده اسمه مانع الانزلاق بيستخدم في حاله الامطار او الارض المبتله
هو بيبقي منور بسيط مع الدواره لاكن لما تدوس عاليه بينور اكتر
وهي موديل كام
بالنسبه للموتور عايزك تطابق الارقام الاخيره مع الارقام الي في الرخصه لو غير كده يبقي مسقط مكنه

طابقت الارقاااام هيا اللي في الموتور هيا اللي في الرخصة بس الرخصة مكتورب 2000cc والماتور x18 تقريا المروور مش عارفين انه 1800
هيا موديل 2000 لونها اسود سعرها كويس ؟؟ اخلص فيها ؟؟؟

**haisam ali** · 24-02-2014 11:05 AM

مره كنت شارى عربيه كورسا ١٠٠٠cc وكانت مثبوته فى الرخصه ٢٠٠٠cc ...... المرور بيغلط كتير جدا ..... واحنا مازلنا مصممين برضه تحكيلنا عن حاله العربيه .... التكييف ، البرومه ، العفشه ، الصالون ، الكاوتش ، البطارية ، الحاله العامه للعربيه

**ammada** · 24-02-2014 11:33 AM

الصالون الابواب الاربعة جلد طبيعي الاصلي والصالون حالته كويسه وفيها 2 ايرباج بس تقريبا مش شغال عشان لمبته ملغية منورتشي معايا اصلا مع الكونتاك
وش العرية مضبوط مفيش فروقات وظهرها والشنطة مضبوطين