تعديل لانسر بومه من مانيوال لاتوماتيك

**ahmedsaiad** · 24-02-2014 12:51 AM

السلام عليكم ورحمة الله وبركاته يا احل اعضاء فى احلى منتدى والله ليا استفسار انا معايا لانسر بومه 1600cc مانيوال موديل 2007 فيها ايرباج وabs انا مشكلتى انها مانيوال عشان الشوارع الزحمه بفكر احولها توماتيك والميكانيكى بتاعى عرض عليا الفكره وقالى انا معدلها فى لانسر زيها ايه رأى الاعضاء ياريت محدش يبخل عليا بمعلومه مع العلم انى مش ناوى اغير عربيتى فى الظروف اللى فى اوضاع البلد وكمان اسعار العربيات زادت اوى بشكل مبالغ فيه وانا مش بفكر اشترى عربيه استعمال لان دى عربيتى وانا حافظ كل مسمار فيها ياترى هذه الفكره مناسبه ام خطوه فيها مغامره ولو حد عدلها يقولى ايه المشاكل اللى ممكن تحصل انا اسف جدا انى طولت على حضراتكم

**muhmado_furp** · 24-02-2014 01:08 AM

موضوع التعديل سهل مش صعب وبلاش الميكانيكي بتاعك خليك في عملو الموضوع كذا مره
الحرفيين فيها ناس ياخدها منك مانيوال ويسلمهالك اوتو وبالاتفاق العملية تدخل في 8 الاف تقريبا
انت هتغير فتيس برديتاتير بكونسول بعدادات بكنترول بضفيرة

**ahmedsaiad** · 24-02-2014 01:42 AM

المشاركة الأصلية كتبت بواسطة muhmado_furp

موضوع التعديل سهل مش صعب وبلاش الميكانيكي بتاعك خليك في عملو الموضوع كذا مره
الحرفيين فيها ناس ياخدها منك مانيوال ويسلمهالك اوتو وبالاتفاق العملية تدخل في 8 الاف تقريبا
انت هتغير فتيس برديتاتير بكونسول بعدادات بكنترول بضفيرة

يعنى ياباشا هل هى فيها مشكله انا من اسكندريه مش من القاهره

**hugan** · 24-02-2014 01:45 AM

تتغير ياباشا عاددي
الاسبرانزا يوميا بيتسقط ليها مواتير لانسر اوتو يوميا
بالنسبه ليك
هايتكلف حوالي 4000 جنيه
لاءن الاسبرانزا بتتكلف 10 موتور بفتيس بردياتير
بكله شاكب راكب
هاتسلم وتستلم

**amr_8800** · 24-02-2014 02:58 AM

يا فندم هم 4000 جنيه
وهيغير فتيس وكنسول وطقم دواسات وعدادات وكنترول وضفيره وريداتير
وطبعا هياخد القديم الي عندك
وزي مقلتلك الفرق هيكون 4000 جنيه بالمصنعيه بكلو
متدفعش مليم زياده
انا عاملها قبل كده في لانسر 2006
بس ركبلي الفتيس الي فيه d3 2 1 l
مش الفتيس ال فيه ds

**ahmedsaiad** · 24-02-2014 06:11 AM

المشاركة الأصلية كتبت بواسطة amr_8800

يا فندم هم 4000 جنيه
وهيغير فتيس وكنسول وطقم دواسات وعدادات وكنترول وضفيره وريداتير
وطبعا هياخد القديم الي عندك
وزي مقلتلك الفرق هيكون 4000 جنيه بالمصنعيه بكلو
متدفعش مليم زياده
انا عاملها قبل كده في لانسر 2006
بس ركبلي الفتيس الي فيه d3 2 1 l
مش الفتيس ال فيه ds

باشا حضرتك عملتها فين انا من اسكندريه يعنى اروح اعملها فى القاهره والا فين بالظبط والانسر اللى انت عدلتها كان فيها مشاكل بعد التعديل ولما بعتها بعتها على اساس انها توماتيك انا اسف جدا استفساراتى كتير بس من عشمى

**sherif omar** · 24-02-2014 11:04 AM

فتيس ايه اللى ب 10 اخطف نفسك وانزل الحرفيين واسال كذا واحد وشوف ومستمعش كلام ميكانيكى

**amr_8800** · 24-02-2014 11:04 AM

المشاركة الأصلية كتبت بواسطة ahmedsaiad

باشا حضرتك عملتها فين انا من اسكندريه يعنى اروح اعملها فى القاهره والا فين بالظبط والانسر اللى انت عدلتها كان فيها مشاكل بعد التعديل ولما بعتها بعتها على اساس انها توماتيك انا اسف جدا استفساراتى كتير بس من عشمى

يا باشا اللانسر سهله ومحفوظه واي ميكانيكي شاطر يعملهالك وهو مغمض
انا حتى معرفش مين الميكانيكي الي عملهالي
انا اتفقت مع الراجل بتاع قطع الغيار الاستيراد على كل حاجه وعلى السعر
وهو اخد العربيه الصبح منيوال رجعهالي الساعه 9 بليل اوتوماتك
واخد كل الحجات الي فكها من عندي
ودفعت فرق 4000 جنيه زي ما قلتلك
وكنت متفق معاه على ان اي حاجه تحصل في الفتيس خلال 6 شهور الفتيس بتاعو ويديني واحد تاني
بس محصلش اي حاجه الحمد للله وركبتها سنه ونص بعديها
واتباعت بعدها والي اخدها لغايه دلوتي محصلش معاه اي مشكله في الفتيس

بس خلي بالك اتفق معاه يركبلك كل حاجه بتاعة عربيه شمال
عشان ممكن يركبلك كونسول وعصاية فتيس بتاعة عربيه يمين هتلاقي الحروف الي مكتوبه جمب العصايه موجوده الناحيه تانتميه مش جمب السواق

**ahmedShafie** · 24-02-2014 12:26 PM

السلام عليكم ورحمة الله وبركاته

لو هتاخد براى بيع العربيه اسهل واشترى عربيه اتوماتيك افضل واحسن لحاجات كتير اولا مهش هتصرف فلوس كتير وكمان هتوفر وقت كبير وتدوير على الحاجات اللى هتجبها وكمان عمر التعديل ما يكون زى الفبريكا اللى على اصله هذا راى ولو انا مكانك هعمل كده وريح راسى والموضوع كله راجعلك فى النهايه انت اللى هتقرر