اجيب سيبا برايد ولا بلاش فيدونى بالله عليكم

**مدام علا** · 25-02-2014 02:35 AM

السلام عليكم يا ريت يا جماعه اللى يعرف حاجه عن السيبا برايد او اشتراها من فتره يقولى عامله ايه معاه وقطع غيارها وفعلا عربيه حلو ولا متستاهلش وحتقعد معايا سنه وتفتح بقها انا مش معايا غير 25 الف ومش عايزة اجيب مستعمل فقلت ادفعها تقديمه للعربيه ويتبقى عليه نص تمنها وتبقى خفيفه عليه هى تقريبا عامله 50 الف ولا اغلى من كده؟؟؟؟فيها تكييف وسنتر طبعا وسيدان وجزاكم الله خيرا انا محتارة قوى قوى ونفسى اجيبها بس خايفه

**the magice** · 25-02-2014 10:39 AM

هي العربيه دي اصلا صناعتها ايه لو دي العربية الايراني اللي شبه الكيا برايد سيدان يبقى بلاش منها وممكن تفكري في سوزوكي التو

**saddam** · 25-02-2014 08:27 PM

صديقتنا المواطنة
قولا واحدا
رغم كرهي وإحتقاري لكل ما تمثله دولة إيران لكن قولة الحق لا بد منها
العربية إقتصادية جدا في مصروف البنزين ومش بتحب تعطل كتير ومقارنة بسعر أخواتها فهي إختيار جيد جدا جدا جدا وقطع غيارها خارج مصر أخت البلاش بس أطلب منك قبل الشراء تروحي التوكيل بتاعها وتطلبي منهم يوروكي مخازن قطع غيارها هل كل حاجة موجودة ولا نص ونص
وأحب أقلك إن العربية دي التكسي رقم واحد في سوريا ﻹقتصاديتها وبتستحمل تعب وشقا أكتر من عربيات كتير زي أفيو مثلا وممكن تشمميها قطنة بنزين حتمشي وهي في منها مكن 1100 سي سي وفيه منها هاتشباك وشنطة والتكييف بتاعها متوسط
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**مدام علا** · 28-02-2014 12:08 PM

المشاركة الأصلية كتبت بواسطة the magice

هي العربيه دي اصلا صناعتها ايه لو دي العربية الايراني اللي شبه الكيا برايد سيدان يبقى بلاش منها وممكن تفكري في سوزوكي التو

ايوة هى الايرانى بس انا شفت سوزوكى ماروتى مش حلوة وقريت كتير انها مش عمليه وخصوصا انى بسافر وممكن اشتغل بيها تاكسى بس على خفيف يعنى اسدد قسطها وكمان عايزة تكييف وشنطه ودى احتياجاتى بس كل المواضيع اللى هنا عنها قديمه من 2009 وكانت لسه حديثه ومحدش جربها كتير

**مدام علا** · 28-02-2014 12:12 PM

المشاركة الأصلية كتبت بواسطة saddam

صديقتنا المواطنة
قولا واحدا
رغم كرهي وإحتقاري لكل ما تمثله دولة إيران لكن قولة الحق لا بد منها
العربية إقتصادية جدا في مصروف البنزين ومش بتحب تعطل كتير ومقارنة بسعر أخواتها فهي إختيار جيد جدا جدا جدا وقطع غيارها خارج مصر أخت البلاش بس أطلب منك قبل الشراء تروحي التوكيل بتاعها وتطلبي منهم يوروكي مخازن قطع غيارها هل كل حاجة موجودة ولا نص ونص
وأحب أقلك إن العربية دي التكسي رقم واحد في سوريا ﻹقتصاديتها وبتستحمل تعب وشقا أكتر من عربيات كتير زي أفيو مثلا وممكن تشمميها قطنة بنزين حتمشي وهي في منها مكن 1100 سي سي وفيه منها هاتشباك وشنطة والتكييف بتاعها متوسط
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

متشكرة لردك ويا رب يوفقنى اصلى انا مرشحاها لزوجى وخايفه يجيبها وتطلع وحشه يقولى انتى السبب انما انا بحبها وكمان مفيش نفس سعرها زيرو الا الماروتى وال128 واللادا كمان فكرت فى الاادا بس الناس قالو انها مش منظر وكمان بتاعه حرب مش رفاهيه ومتنفعش للستات وال128 متنفعش لزوجى اصله طويل وجسمه مليان وتقريبا مش حيرتاح فيها وكمان مشاكلها كتير ومش فيها تكييف

**the magice** · 03-03-2014 04:46 AM

ممكن صيني زي جيلي امجراند مثلا تنفع ولا ايه وهي كمان سعرها عالي يعني 80 الف

**J A G U A R** · 04-03-2014 04:34 AM

منصحش حضرتك ان تشتريها ومفيش حد يعرف عنها حاجه .. ممكن تصبرى عليها شويه وتشوفى ايه اخبارها بدل ما يكون فيها عيوب ولا نيله .. مجرد رأى .

**مدام علا** · 06-03-2014 11:42 AM

المشاركة الأصلية كتبت بواسطة the magice

ممكن صيني زي جيلي امجراند مثلا تنفع ولا ايه وهي كمان سعرها عالي يعني 80 الف

ناس كتير قالولى بلاش الصينى هو الواحد حيشترى عربيه كام مرة وكمان حندفع اقساط على حاجه مش مضمونه على المدى البعيد

**مدام علا** · 06-03-2014 11:46 AM

المشاركة الأصلية كتبت بواسطة j a g u a r

منصحش حضرتك ان تشتريها ومفيش حد يعرف عنها حاجه .. ممكن تصبرى عليها شويه وتشوفى ايه اخبارها بدل ما يكون فيها عيوب ولا نيله .. مجرد رأى .

على فكرة هى فى دماغى كذا سنه بس فعلا ناس كتير متعرفهاش وكمان مش منتشرة

وتقفيلها ردئ

انا بافكر فى مستعمل بيجو 405 عجبانى جداااا

بس الفلوس مش مكمله ححاول اكمل او اشوف تقسيط استعمال
الله المستعان

-

الموضوع: اجيب سيبا برايد ولا بلاش فيدونى بالله عليكم

LinkBack

أدوات الموضوع

عرض

-

-

-

المواضيع المتشابهه

يا جماعة بالله عليكم فيدونى

استشارة سريعة بالله عليكم فيدونى بسرعة

عربيتى البولو مش بتدور خالص بالله عليكم فيدونى

فيدونى بالله عليكم فى الافيووووووووووو 2009

بالله عليكم فيدونى قبل ما يفوت الأوان

الكلمات الدلالية لهذا الموضوع

المفضلات

المفضلات

ضوابط المشاركة