الموضوع: ورشة سوزوكي الحديثة - مهندس توكيل سابق

المشاركة الأصلية كتبت بواسطة ah.farid

صباح الخير يا بش مهندس

عندى مشكلة فى الماروتى 2007 وانت ماشى بتجرى اول ما تخف رجلك من على دواسة البنزين تسمع صوت ازيز فى العجل الخلفى (ازيز كأن صوت صاجة بتترعش) اول ما تزود وتكمل بنزين الصوت يختفى تخف البنزين الصوت يظهر

اقف وانزل ابص تحت العجل واهز العجل واهز الاكصدام الخلفى مفيش حاجة بتخبط شاكك فى الشكمان

تفتكر اية اللى ممكن يعمل الزن كان صاجة بتتهز مع تخفيف البنزين كدة ,,,,ولك كل الشكر

شيك علي الفرامل والطنابير

السلام عليكم
سؤال و اشكر حضراتكم مقدما.
لو عندي و العربيه دايره سلانسيه الدركسيون تقيل و لما ادوس سنه بنزين و انا واقف يخف. و اثناء المشي ساعات يبقى خفيف و ساعات يتقل. هل دي تعتبر مشكلة طرمبة باور و لا علبة دركسيون. م العلم اني مغير طرمبة باور جبتها استيراد لان القديمه باظت خالص مع المالك السابق. العربيه جراند فيتارا ٢٠٠٦.


شكرا

لسلام عليكم و رحمة الله و بركاته

الأعراض كالتالي:
بدور العربية الصبح عشان اسخنها بتدور بعد مرة او مرتين و بشد الشفاط و اسيبها شوية الاقي العربية تبطل لوحدها قبل ما تسخن و كأن الشكمان مسدود و تبطل اجي ادورها تاني متدورش غير بعد ما اقرص عالمارش جامد الحركة دي كانت بتتكرر على فترات كبيرة دلوقتي بقت كل يوم تقريبا.

مع العلم بأني لسة مغير البوجيهات و فلتر الهواء من يوم 8/12/2013.
الابلاتين و الكوندنسر غيرتهم يوم 13/3/2014
مغير زيت موتور يوم 15/2/2014 بدون تغيير الفلتر
لقيت الوصلة الثلاثية اللي بين العمة و اكربراتير و غرفة الحرق مقطوعة و متاكلة و معرقة زيت غيرتها من يومين تقريبا.

ممكن يكون السبب في ايه؟؟؟؟؟؟
انا شخصيا شاكك في الابلاتين و فلتر البنزين ؟؟؟

انا غيرت فلتر البنزين و كان مكتوم شوية بس سحب العربية بقى وحش جدااا جداااا و بتقطع و بتتعبني في التسخين

السلام عليكم
انا محتاج اعرف مكان ميكانيكي محترم للسوزوكي
sx4
في منطقه مصر الجديده و ما حولها مع العلم اني هجيبلو قطع الغيار اللي يطلبها اصليه
لأن التوكيل زي قلتو

السلام عليكم يا هندسة
انا عندس سوزوكي نيو سوفت 2009 و عاوز اجيب يايات (سوست) علشان الي عندي كانو مقصوصين و عاوز الاصلي ممكن تنصحني اجبهم منين و كمان عاوز اعمل صيانة للعربة بس برة الوكيل اروح فين؟

بسم الله الرحمن الرحيم

الباشمهندس الكريم

لك جزيل الشكر على هذه الخدمات الجليله. لن أطيل على حضرتك لأن سؤالى بسيط جدآ

عندى ماروتى 2009 سعة المحرك 800 سى سى و أريد أن أركب فيها تكييف

1 - ما مدى تأثير ذلك على عمر المحرك؟

2 - ما تأثير ذلك على سحب السياره و سرعتها أثناء السفر؟

3 - ما مدى تأثير ذلك على إستهلاك الوقود؟

4 - من أين أشترى مكونات التكييف؟

5 - و ما هى الماركات التى ترشحها حضرتك و تناسب الماروتى؟

6 - أين أقوم بتركيب هذه المكونات؟

7 - كم إجمالى تكلفة الشراء و التركيب؟

جزاك الله الخير كله و بارك الله لك فى علمك

السلام عليكم و رحمة الله و بركاته

اسف لعدم ردي علي المشاركات لابتعادي فترة طويلة