الموضوع: مشكلة في فتيس وخشونة

السلام عليكم ورحمة الله وبركاته

ازيكم يا شباب اول مره ادخل القسم هنا والصراحه انهبرت كعادتي بالمنتدي دوما بالناس الي فاهمة وعارفه كل حاجة

اولا انا مراتي معاها اكسبلوجن زوتي 1300 ماتور ميسوبشي

المهم من بعد الانتهاء من الصيانة الاخيرة وهي صيانة تأخرت لمدة كبيرة

من 2008 لحد الان


المهم


وانا ماشي بيها بسمع صوت زي ونه انا حكة عارفين لما تيل الفرامل بيخلص ويحك في الطنابير كانه صوته طيارة

المهم اتأكدت انه من الفتيس عن طريق الميكانيكي

تقولي ليا ازاى

العربية حضراتكم في السلانسية ولما تكون واقفه مفيش صوت تمام

وهي ماشية

سامع الصوت جامد

غيرت الزيت بتاع الفتيس الراجل قالي خليه 140 اتقل وكده


روحت بنزينه كالتكس لاقيت الراجل بيقول الزيت الي عندي 90 -140

وطبعا غيرته

3 لتر ونص ب 82 جنيه

والصوت كان موجود


قولنا نشوف زيت الكارونه لاقيناه كويس

فكيت العربية كشفت علي البلي

لاقيته مشكلة في البلية الشمال

غيرتها

غيرت الاتنين

الصوت مستمر


المهم بقالي كام يوم بقرا هنا وهنا عاوز اوصل لحل للمشكلة

عربية المدام واكيد حضراتكم مقدرين وفاهمين يعني ايه دور الزوجة المصرية في الزن والنكد

وغير تلميحات من بعيد لبعيد لحماي واخوها ان العيوب ديه ظهرت بعد الصيانه وان العربية كانت ماشية كويس وانا الحمار الي عملتها كده

ههههههههههههههههههه

ماعلينا شكل طلاق وخراب بيتي قريب .....:(
الحمد لله

انا النهارده هاروح اضبط موضوع الزيت تاني مش بنزينه التعاون هاجيب 3.5 كيلو او الجركن 140 واشوف الصوت هيروح ولا مش هيروح


عدد الكيلو مترات 40.000
تاريخ الصناعة 2008

الف شكرا يا استاذ بيشوي هاشوف واقول حضرتك بارك الله فيك