الكتاوت هى ببساطة مفتاح بيقفل الدايرة الكهربية .. بس بيقفل الدايرة الكهربية بناءا على اشارة بتيجى ليه من مفتاح تانى .. يعنى مثلا النور العالى .. متوصل بدايرة كهربية ... اللى بيتحكم فيها هو كتاوت النور ... و اللى بيتحكم فى كتاوت النور هو مفتاح النور اللى موجود فى التابلوه او الدراع ... طيب ليه بنعمل اللفة دى ؟ ما نعمل مفتاح مباشر للنور و خلاص بدل ما نحط كتاوت ؟
علشان النور العالى مثلا بيبقى الوات بتاعه عالى فا لو وصلناه مباشرة على الزرار فى التابلوه او الدراع ها يحرق الدراع او الزرار لانه مش بيتحمل الاحمال الكبيرة و ها يسخن و يبوظ و تغيريه بيكون صعب .. فا بيحطوا كتاوت تستحمل الاحمال دى و يبقى سهل تغيريها لما تتحرق .
اما سؤالك عن تزويد نور الماروتى فا طبعا لو ها تغير نوع اللمات عندك لوات اعلى زى 120 على 200 مثلا فا بتستخدم كتاوت اعلى علشان ما تسخنش منك و تبوظ بسرعة ... حاجة بسيطة و اى كهربائى يقدر يعدلها فى نص ساعة ... و لو ها تغير كتاوت انصحك تجيب ماركة كويسة زى الفاليو او الدنسو مثلا .. ابعد عن البوش و البيرو لانه كله مضروب ,
المفضلات