صلي علي النبي..بعد الفانتازيا والمرسيدس..كنت بفكر جدياً في a7 ..بعدها قلقت من الفتيس وقولت بلاش..لحد ما قررت بعد تفكير كبير أوي ووقت لا بأس به..خلصت في باسات 1.4 tsi بالفتيس المخيف..

بعد ما جيبتها كي يطمئن قلبي نسبياً..خدتها في يوم عاملتها أسوأ معاملة .. حرق علي الغيارت وستيبترونيك وكيك داون عمال علي بطال وأقف وأجيب مرشدير أحرق عليه وأتعمد أقرص وأفرمل في الزحمة..كله تمام..قريت في مشاركة هنا من عضو كريم..عن أسلوب استخدام الفتيس ده وعربيته الله أكبر عليها عاملة 87 ألف كيلو متر الله أكبر عليها بسم الله ما شاء الله لا قوة إلا بالله مفيهاش مشكلة في الفتيس..

الطريقة دي إن في الزحمة..تستخدم الستيبترونيك مش الأوتوماتيك..لأن كتر تغيير السرعات في الزحام بيقصر عمر الفتيس..ولما تستخدمه ملكش دعوة بتسقيط الغيار لأن هو بيسقط الغيار المناسب لوحده حسب السرعة حتي لو علي الستيبترونيك..فقط تخليك في الـ + ... ولوصف أبسط من كده..في الزحام تخليف علي السرعة الأولي زيك زي المنوال.

والحاجة التانية في الإشارات..ممنوع تسيب العربية علي الـ d ..خليها علي الـ n

أتمني أكون أفدت حضرتك وصلي إستخارة وتوكل علي الله..مش هتندم