صوت طقة خفيفة فى المشي البطىء

**temo85** · 26-02-2014 05:02 PM

السلام عليكم ورحمة الله وبركاته
ازيكوا ياشباب , عندى مشكلة فى العفشة انى بسمع صوت طقه خقيقه علي السرعات البطيئه مع بدايه الحركة و المشي البطىء و بتظهر تحديدا فى فواصل الكبارى على السرعات البطيئه ايضا , الطقة جاية من الناحيه الشمال عشان قدامى , بصيت علي زيت الباور عشان شكيت فى علبه الدركسيون لكن مستوى الزيت مظبوط , ياريت حد يفيدنى يا شباب عشان حاسس ان صوت الطقه بيزيد مع الوقت لطن مع المشي السريع ولا حاجه وكله تمام

العربيه سيراتو2011

**بيشوى_رمزى** · 26-02-2014 05:29 PM

متابع

**temo85** · 26-02-2014 06:49 PM

المشاركة الأصلية كتبت بواسطة temo85

السلام عليكم ورحمة الله وبركاته
ازيكوا ياشباب , عندى مشكلة فى العفشة انى بسمع صوت طقه خفيفه علي السرعات البطيئه مع بدايه الحركة و المشي البطىء و بتظهر تحديدا فى فواصل الكبارى على السرعات البطيئه ايضا , الطقة جاية من الناحيه الشمال عشان قدامى , بصيت علي زيت الباور عشان شكيت فى علبه الدركسيون لكن مستوى الزيت مظبوط , ياريت حد يفيدنى يا شباب عشان حاسس ان صوت الطقه بيزيد مع الوقت لكن مع المشي السريع ولا حاجه وكله تمام

العربيه سيراتو2011

أسف على الأخطاء اللكتابية , تم تعديلها

**temo85** · 01-03-2014 11:52 PM

ايه يا جماعه ولا رد !!! محتاج رأى خبراء العفشة

**akmm** · 03-03-2014 10:06 AM

شوف حضرتك من واقع اللى عرضته ممكن بنسبه 90% يكون كوبلن داخلى محتاج نظره ومعالجه .

**azwoz65** · 03-03-2014 11:08 PM

المشاركة الأصلية كتبت بواسطة akmm

شوف حضرتك من واقع اللى عرضته ممكن بنسبه 90% يكون كوبلن داخلى محتاج نظره ومعالجه .

+11111

**temo85** · 05-03-2014 02:16 AM

المشاركة الأصلية كتبت بواسطة akmm

شوف حضرتك من واقع اللى عرضته ممكن بنسبه 90% يكون كوبلن داخلى محتاج نظره ومعالجه .

شكرا لردك ياباشا
ممكن حضرتك توضحلى اكتر قصدك بنظره على الكوبلن او معالجه ؟؟ هل معنى كده ان الكوبلن باظ و محتاج تغيير ؟؟

**akmm** · 05-03-2014 10:35 AM

الكبالن من الاجزاء اللى بتتلف في العربيه وهى من مكونات اجزاء الجر في العربيات ذات الدفع الامامى ... وبتلف الكوبلن نتيجه عوامل كتيير اهمها العمر الافتراضى وقطع الكاوتشه المخروطيه بتاعته ويؤدى ذلك الى دخول الاتربه والرمال وتصفيه الشحم منه على مدار فتره بسيطه وبالتالى تلف المحاور او البلى اللى في الكوبلن وهما نوعين كوبلن خارجى ناحيه العجله اليمين من مكان السائق وهو اكثر عرضه للتلف السؤيع وتسمع صوت طقطقه في الملفات وحتى تتدهور الحاله ويقف وبالتالى تقف السياره عن الحركه او التوجيه شمال ويمين والكوبلن الداخلى وهو يقع يسار السائق ومتصل مباشره بالفيتيس بتاع العربيه ومسئول عن نقل بدايه التحرك للامام او الخلف من الفتيس الى محور دوران القضيب الخاص بالكوبلن وده اقل في التلف لطبيعه الحركه بتاعته للامام والخلف فقط وايضا في حاله تلفه تسمع صوت طقه او شبه خبطه في بدء التحرك باتلسياره للامام او الخلف ....... عموما بص على الكاوتشتين بتوع الكبالن وشيك عليهم عند اى ميكانيكى ... والكوبلن لو تلف لاجدوى من اصلاحه ولكن يجب تغييره .

**temo85** · 10-03-2014 12:52 AM

شكرا لاهتمامك
بعد الكشف طلعت بطاحه و تم تغيرها الحمد لله

**akmm** · 10-03-2014 10:06 AM

المشاركة الأصلية كتبت بواسطة temo85

شكرا لاهتمامك
بعد الكشف طلعت بطاحه و تم تغيرها الحمد لله

الحمد لله .................

الموضوع: صوت طقة خفيفة فى المشي البطىء

LinkBack

أدوات الموضوع

عرض

-

-

-

-

المواضيع المتشابهه

المشي علي السلانسي

صوت طك طك طك مع المشي .... المساعدة يا رجال

تـفتـفه ونـفـنـفـه في المشي

مشكلة مع المشي...

يعني ايه المشي علي السلانسيه

الكلمات الدلالية لهذا الموضوع

المفضلات

المفضلات

ضوابط المشاركة