مميزات يمكن ضبطها وتعديلها في كورولا 2014

**Mohamed.Hany** · 26-02-2014 05:40 PM

بسم الله الرحمن الرحيم

زى مقلتلكم ووعدتكم ان الكورولا لسة فيها مواضيع كتيرة للنقاش و التوضيح, النهاردة جبتلكم تفصيصة لبعض الاوبشنز و المميزات التي يمكن ان تتحكم بها و تعدلها في التوكيل بدون اي مشاكل مع مهندسي الصيانة.

1. لنظام الدخول و التشغيل الذكي ووحدة الريموت كنترول :

1.1 انوار الاستوب او الفلاشر تعمل اوتوماتيكيا و يمكن ايقافها.
1.2 التحكم في المدة قبل تفعيل وظيفة قفل الابواب التلقائية للامان وتكون 30 ثانية ويمكن تعديلها الي 60 او 120 ثانية.
1.3 صوت تنبيه عند قفل العربية و الباب مفتوح و يمكن ايقافها.
1.4 فتح شنطة العربية من الريموت اضغطه و ابقه مضغوطا و يمكن تعديله لضغة قصيرة او ضغتتين او ايقافه.

2. لنظام الدخول و التشغيل لذكي :

2.1 تشغيل او ايقاف.
2.2 عدد مرات قفل الباب المتتالية مرتين و يمكن تعديلها لاي عدد من المرات.

3. لوحدة التحكم بالريموت :

3.1 تشغيل او ايقاف.
3.2 وظيفة فتح السنتر و قفله لجميع الابواب و الشنطة و يمكن تعديلها لجميع الابواب بدون الشنطة.

4. زراع الاشارة :

4.1 عدد مرات وميض الاشارة لو حركتها في الاتجاه المراد حركة بسيطة و ليست كاملة و تكون 3 مرات وميض و يمكن تعديلها لتكون 5 او 7 مرات و يمكن ايقافها.

5. نظام التحكم التلقائي للاضواء :

5.1 ضبط حساسية السنسور و يكون علي مستوي 3 و يمكن تغيره من مستوي 1 الي 5.

6. الاضواء الرئيسية الامامية :

6.1 المدة المنقضية لاطفاء الاضواء الامامية اوتوماتيكيا 30 ثانية و يمكن تعديلها 60,90 او 120 ثانية.

7.الاضاءة :

7.1 المدة قبل اطفاء اضواء الكابينة او المقصورة 15 ثانية و يمكن تعديلها الي 7,5 او 30 ثانية او ايقافها.
7.2 تشغيل انوار المقصورة بعد غلق المحرك ووضع المفتاح علي وضع الايقاف و يمكن ايقافها.
7.3 تشغيل انوار المقصورة عند فتح السنتر و يمكن ايقافها.
7.4 تشغيل انوار المقصورة عند الاقتراب من السيارة بالمفتاح الذكي و يمكن ايقافها.

ايه رائيكم بقا في المميزات دي و مين نفسه يعدل فيها ؟

**walyamw** · 26-02-2014 06:53 PM

مساء الفل يا بشمهندس محمد هاني

أحب أحييك علي المشاركة الجامدة دي وكمان علي المناقشه الهندسية الممتازة مع بشمهندس هاني بعنوان (تقرير تركيب زينون على الفوج لايت للكورولا 2014).

بكل تاكيد وعن تجربة أنت تعرف عن الكورولا 2014 اكتر من موظفي مبيعات تويوتا نفسهم.

انا قرأت كاتلوج الكورولا 2014 بالكامل وفيه جزء بيتكلم عن التعديلات اللي ممكن تتعمل في التوكيل ذي ما حضرتك مشكورا عملت ملخص ليهم (مجهود رائع) ولكن أنا عندي سؤال: هل حضرتك اتكلمت مع أحد مهندسي التوكيل وقالك أنهم بيعملوها فعلا ؟

**saddam** · 26-02-2014 06:54 PM

صديقي المواطن
شكرا للشروح التوضيحية المفيدة المبسطة لفائدة ملاك الكورولا من أعضاء المنتدى الكرام ولا تحرمهم من كل جديد لك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**hossam_elwani** · 26-02-2014 07:29 PM

ايه الى عملته توبوتا ده من النقيض الى النقيض مقارنه بالموديل القديم الى اﻻمام

تحياتى على الموضوع الجميل

**Mohamed.Hany** · 26-02-2014 07:59 PM

المشاركة الأصلية كتبت بواسطة hesham alaa

مشاء الله عليك و على مواضيع و فعلا تستحق منسق القسم دا المعلومات الى حضرتك لسة قايلها مستحيل الى بيبعلك العربية يكون عارفها

اشكرك هشام باشا علي كلامك الجميل

المشاركة الأصلية كتبت بواسطة walyamw

مساء الفل يا بشمهندس محمد هاني

أحب أحييك علي المشاركة الجامدة دي وكمان علي المناقشه الهندسية الممتازة مع بشمهندس هاني بعنوان (تقرير تركيب زينون على الفوج لايت للكورولا 2014).

بكل تاكيد وعن تجربة أنت تعرف عن الكورولا 2014 اكتر من موظفي مبيعات تويوتا نفسهم.

انا قرأت كاتلوج الكورولا 2014 بالكامل وفيه جزء بيتكلم عن التعديلات اللي ممكن تتعمل في التوكيل ذي ما حضرتك مشكورا عملت ملخص ليهم (مجهود رائع) ولكن أنا عندي سؤال: هل حضرتك اتكلمت مع أحد مهندسي التوكيل وقالك أنهم بيعملوها فعلا ؟

بالفعل يا استاذي الفاضل،
لما كنت في التوكيل فرع العباسية في صيانة الالف كنت بعمل تفعيل للاوتو بارك لانه مكنش شغال.
التفعيل عمله مهندس صغير في السن و اسمه اسامه بصراحة انسان غاية في الاحترام و الخلق وفعل الاوتو بارك بالكمبيوتر و مدرب علي العربية.
سالته بخصوص تفعيل بعض الخصائص و اكدلي يمكن التفعيل مفيش مشكلة .
بس نصيحتي للي عاوز يغير حاجة يسال علي المهندس ده بالتحديد عشان ممكن اي حد تاني يكبر دماغه و يقولك مينفعش.

المشاركة الأصلية كتبت بواسطة saddam

صديقي المواطن
شكرا للشروح التوضيحية المفيدة المبسطة لفائدة ملاك الكورولا من أعضاء المنتدى الكرام ولا تحرمهم من كل جديد لك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اشكرك صدام باشا

المشاركة الأصلية كتبت بواسطة hossam_elwani

ايه الى عملته توبوتا ده من النقيض الى النقيض مقارنه بالموديل القديم الى اﻻمام

تحياتى على الموضوع الجميل

اشكرك يا حسام بيه.
فعلا انا يوم عن يوم بيزيد اعجابي بالجميلة الكورولا و دايما في شغف اني اعرف كل حاجة عنها و اشارك الناس معايا.
كلمة النقيض الي النقيض دي مش هيفهما غير واحد تويوتاوي قديم و جاب ٢٠١٤ و عارف يعني ايه اعتمادية و عرف مؤخرا يعني ايه ثبات و امان و اوبشنز.