الموضوع: يعني ايه شيك مرتد

المشاركة الأصلية كتبت بواسطة secret-man

طب انا معايا شيك من سنه كان لعميل والمبلغ مش كبير كان تقريبا 5 او 6 الاف جنيه والشيك اخد رفض من البنك رسمى انه مفيش رصيد

فهل لو قدمته اقدر اخد حقى بيه ولا ملوش لازمه لان اكتر من محامى قالى المبلغ صغير مش مستاهل تصرف على القضيه


هل الكلام ده صحيح ؟

حتى لو المبلغ قليل لو اخدت حكم على صاحب الشيك هو اللى بيدفع الاتعاب

انا رفعت مره قضيه بشيك على واحد ب3 الاف جنيه بس رحت له بالشيك علشان استرد قيمته منه بلغه السوق اتنطط ومش هتقدر تعمل لى حاجه وقالى اعلى مافى خيلك اركبه وقال وقت الحكم هدفع قدام القاضى كمان سنه علشان اجراءات التقاضى وكان اسلوبه قمه فى القذاره فقلت له لو هصرف ع الشيك ده اضعافه بس هعرفك تتعامل مع الناس ازاى ورحت للمحامى قلتله انا عارف ان اتعابك عليه لو جبت له حكم ولك كمان الفين من الشيك بس تجيبه باسرع وقت
وفعلا جالى بعدها باسبوعين ورجعت له آدميته تانى ودفع الشيك والمحامى ظبطه ورجع تانى انسان محترم بيعرف يتعامل مع الناس ازاى

متسيبش حقك مع المتعجرف بس لو فعلا هو متعسر اصبر عليه على قد ماتقدر ولو تعسره شديد سامح فى المبلغ

المشاركة الأصلية كتبت بواسطة al_manara

هي القضية بتاخد وقت اد ايه ؟

يعني لو معايا شيك وهارفع قضية . يتحكملي فيها بعد اد ايه ؟

لا دى تبع المحامى وشطارته لهم اساليب تعرف تجيب من الاخر وبسرعه