الموضوع: انواع انظمة التعليق او العفشة

المشاركة الأصلية كتبت بواسطة بيشوى_رمزى

100 100 الموضوع ده
و فى نوع اسمة watt's ( خلفى) نازل فى الاسترا الcosmo عايز اعرف ده نظامة ازاى ؟

الواتس او الz link ده اضافة وفي الاسترا راكب على التورشن العادى عبارة عن 2 بار مربوطين بمحور ارتكاز على شكل حرف z

بار منهم مرتبط بالعفشة من فوق من جنب والبار التانى بالعفشة من تحت في الجنب التانى

الصورة دى تحفة بصراحة

المكفيرسون بقى ده الامامى هو اكتر نظام موجود في اغلب العربيات من الصفات المميزة له عشان لما تبص لعفشة العربية تعرف على طول هى انهى نوع:

وجود مقص واحد في كل جانب
ان المساعد في قلب السوستة والاتنين مع بعض اسمهم strut وبيلفوا مع بعض بالكامل مع لف الدركسيون في كل جنب




النوع التانى اللى موجود في الفئات العالية غالبا
double wishbone

السمات المميزة :
وجود مقصين علوى وسفلى في كل جنب
المساعد والسوستة ممكن يبقى في قلب بعض وممكن لا ، بس المهم انهم مش بيتحركوا مع الدركسيون

من ضمن المميزات انه بيسمحلك تظبط زاوية الـ camber (العجلة قالبة لبرة او لجوة ) وده بيديله ميزة في العربيات الرياضية
عكس النوع الاول اللى مفيهوش ظبط للزاوية دى وبتاع الزوايا بيتأكد منها بس ع الجهاز بس مش بيظبطها ولو فيها حاجة بيقولك غير المساعد او الشمعدان ..



اسمه دبل ويشبون بسبب وجود مقصين في كل جنب على شكل عضمة الترقوة


صورة توضيحية :




صورة للمقارنة بين النظامين جنب بعض لجنب واحد



طبعا على مدار السنين وتطور العربيات ونوع المركبة ، كان في انظمة كتير امامى وخلفى بس في الفترة الحالية يكاد يكون دول النظامين الوحيدين اللى موجودين للتعليق الامامى