الموضوع: حد من اسكندرية عايز حاجة من التوفيقية

الميدالية هتلاقيها عند واحد بتاع ميداليات واقف قصاد مول التوفيقية فى السوق بالنسبة للعلامة كمان هتلاقى واحد على الناصية اللى بين التقاطع بتاع السوق وشارع زكى مش اللى واقف على ناصية السوق عنده علامات بيجو وعلى حسب الخامة الدواسات لسة هشوف إن شاء الله يوم السبت وهبقى اقولك وفى هناك ستاير كبس للعربية عاملة 75 جنية وفيها فصال بس منصحكش بيها اولآ علشان المرور ثانيآ علشان العربية مش معاك فمش هتتأكد من المقاس والفرش هناك ل301 نوعين فى نوع عامل 230 جلد ونوع تانى عامل 420 جلد برده بس خامة جيدة بالتركيب
ودى صورة تانية للميدالية بتاعتى

المشاركة الأصلية كتبت بواسطة abohend

يا أخي إنت و الله راجل محترم
بتساعد من غير مطلب مساعدتك
ربنا يباركلك و يكرمك
و مبروك الميدالية و إن شاء الله نباركلك على الدواسات
إن شاء الله هكتب تقرير للزملاء بعد الزيارة
و ربنا يستر متهش هناك و أعرف أوصل أساساً

يا باشا الله يكرمك احنا هنا اخوات وبنساعد بعض والمشوار ميتوهش انت لو هتيجى بالقطار اول لما تنزل محطة مصر مش محتاجة تاكسى تركب المترو من قدام المحطة اتجاة حلوان وتنزل فى محطة جمال عبد الناصر يعنى هتفوت محطة واحدة بعد ما تركب المترو وتنزل اللى بعدها وتطلع السلم اللى مكتوب عنده دار القضاء العالى اول لما تطلع اسأل على سوق التوفيقية واى حد هيشاولك علية اول لما تدخل شارع السوق اسأل على مول التوفيقية اقف قدامة وادى ظهرك ليه وبص هتلاقى واحد واقف حاطط ميداليات كتير اوى ولو احتجت حاجة قولى على العموم يوم السبت ان شاء الله هبقى اقولك اخبار الدواسات ايه

يا ابو هند لو فيها غلاسة ممكن تجيبلى ميداليه معاك