مشكلة فى الدريكسيون

**BASOOMVIP** · 27-02-2014 01:55 PM

عندى مشكلة مش عارف من ايه ... فى اول لفة الدريكسيون شمال بيبان زى صوت تكة كدة من تحت العجلة الشمال بيبان اول لما اجى اركن و بيبان وانا واقف ..بس الصوت مش بيبان الا بعد ما امشى كتير بالعربية يغنى اول 30 كيلو كدة مفيش حاجة بعد كدة تبتدى تحس بيه بس فى المشى العادى مش هتحس بحاجة ... هو الصوت مش هتسمعه الا لو ركزت او لو فى جراج مثلاً بس انا حساس شوية فى العربية ... هو مش عامل اى مشاكل بس فى مشكلة كنت قولت عليها ان الدريكسيون بيرد بعد الملفات ببطئ شوية مش عارف دا ليه علاقة بالموضوع و لا دا حاجة تانى .. من فضلكم الى عنده قكرة يساعدنى .. على فكرة علبة الدريكسيون معتقدش فيها حاجة عشام مفيش بوش و لا تخبيط و زيت الباور مش بينقص

**hakeemkimo** · 03-03-2014 01:32 PM

انا اعانى من نفس مشكلتك دى وخلاص هاتجنن لسبب بسيط انه مجرد صوت تكات متتابعة او صوت طقة خفيفة بس ومش مؤثر على اداء اي من اجزاء العفشة . انا معايا ليون 2008 ومش شايف المشكلة فى علبة الدركسيون بس شكلها كدة يايات وبطاحات عاوزة تتشحم او ان المساعد نفسه بيلف مع الياي
ياريت حد يفيدنا ويطمنا

**hakeemkimo** · 03-03-2014 01:53 PM

وممكن تبقى كبالن !!!!

**john55** · 05-03-2014 10:19 AM

ممكن علبه الدريكسيون ودي تعتبر اول اعراضها تسمع صوت طقطقه لما بتلف الدريكسيون من الثبات وتسمعه في مكان هادي

**Abo.Moazz** · 08-03-2014 05:06 AM

متابع .....
نفس المشكلة ... هيونداى نيو أكسنت 2008
وكل ميكانيكى يقولى عيب شكل لحد مازهقت
صوت طقطقة بسيط لما بلف الدركسيون على الواقف أو على سرعة بسيطة ربع لفة ناحية اليمين فقط

**hakeemkimo** · 12-03-2014 12:11 AM

بالنسبالى طلعت زلطة صغير محشورة بين الاسكترا والقنطرة من ناحية اليمين العفشجى طلعها وبقت الحمد لله تمام بس هوا اول مابص على العربية خلانى الف الدركسيون وحط ايده على اليايات علشان يتاكد ان اليايات مفيهاش حاجة

**التائب اليك** · 06-04-2014 04:24 PM

المشاركة الأصلية كتبت بواسطة hakeemkimo

وممكن تبقى كبالن !!!!

+11111

**م أحمد** · 07-04-2014 02:13 PM

اذا كان الصوت فى وضع الحركة و لف تارة الدركسيون ........كبالن

اذا ظهرت الحركة فى وضع الوقوف مع لف تارة الدركسيون......علبة باور

وممكن و لا كدة و لا كدة

تطلع الكارتيرات مقطوعة و بتحك مع العجل