بخصوص المكن المفوت

**shoudy2005** · 30-09-2008 04:17 AM

السلام عليكم و رحمه الله و براكاته ليا سؤال مستغرب منه لحد دلوقتى انا كنت بشد مع عربيه toyota tercel 95 انا كنت جبت الواد و عديته و مره واحده عدانى بمسافه كبيره و شفت كميه دخان ابيض ريحته زيت مليه الشارع السؤال هنا انا كنت شديت مع النوع ده كذامره و كنت بعديه و بختفى من المرايا عندىازاى المره ديه مكنه مفوته تقدر تجرى جامد كده هو المكن المفوت مش مفروض انو الكبس بتاعو بيبقى ضعيف ارجو الافاده

**waled369** · 30-09-2008 04:24 AM

عادي ايه المشكلة أكيد كان دايس ع الآخر حتى لو مكنته مفوته أكيد فيها عزم و بدوسته هوه معطي الماكينة أقصى عزم فيها بس دي بتكون فترة مؤقتة لغاية ما تجيب آخرها

**blazer** · 30-09-2008 04:47 AM

ممكن كمان يكون مركب تيربو و المكنه تكون مفوته بس 2400ccمثلا
عزمها هيبقى جامد حتى لو مفوته هتكون اقوى من مكنه 1600 جديده

**mohamed ibiza** · 30-09-2008 05:20 AM

معروف ان اي مكنة خفيفة بتسحب و بتجري جامد جداا

**blazer** · 30-09-2008 05:50 AM

المشاركة الأصلية كتبت بواسطة mohamed ibiza

معروف ان اي مكنة خفيفة بتسحب و بتجري جامد جداا

طب ليه !!؟

**hazem_khidr** · 30-09-2008 08:35 AM

علشان الموتور بيبقي مفتوح علي بعضه و مافيهوش اي احكام
و دا بيخلي العربيه تسحب اكتر

**Ahmed Samy** · 30-09-2008 08:50 AM

انا فعلا لما البي كانت بتفوت كانت بتجري شوية كده (أو يمكن إحساس) الله أعلم

بس ما عتقدش ان الموتور لما يفوت أداؤه يتحسن .....

حد يفهمنا القصة دي

استر يارب

**Nour_Peugeot** · 30-09-2008 09:01 AM

غريبه اوووي انا اول مره اسمع الكلام ده

**shoudy2005** · 30-09-2008 09:47 AM

بس انا ماكنتى 2300 cc عزم 201 نيوتن 136 حصان و اكيد عربيته متبقلش حاجه اكتر من 1600 علشان الكبوت صغير

**Sameh** · 30-09-2008 12:19 PM

لما المكنة بتفوت عزمها بيقل أوى فى أول طلعة ، وبتجمع ببطء ممل ، ولو طالع كوبرى أو مطلع ممكن ما تطلعش كمان ، عشان القصور الذاتى للعربية وهى واقفة بيبقا كبير عليها أوى (طاقة الوضع potential energy) إنما لما العربية بتبدأ تكتسب سرعة (طاقة حركة كينتيك إنيرجى) بيدخل عامل تانى هو إن البساتم إحتكاكها ضعيف فى حجرة السلندر فالمقاومة أقل كتير من الأول زى ما قال حازم ، فالمحرك ينطلق والعربية تجرى أكتر ما كانت سليمة ، وتجرى فجأة بدون سابق إنذار بمجرد إكتسابها لسرعة ترفع الحمل الكبير ده عن المحرك

أنا مجربها فى شاهين 1300 ، ولولا إنها كانت قارفانى فى المطالع وبتاكل زيت كنت سيبتها كدة ، أحلى لحظة لما بتبقا بتجمع ببطء واللى وراك كلاكسات ومتغاظين من العربية العيانة دى ، وبعدين يطلع جنبك ونظرات سخط وإشمئزاز ، وهوب تلاقى عربيتك فتحت وحسسته إنه سلحفا :)

الموضوع: بخصوص المكن المفوت

LinkBack

أدوات الموضوع

عرض

-

-

-

-

المواضيع المتشابهه

انا عايز اسعار المكن الترلة

استفسار بخصوص مخالفات المكن

المكن العالى والزحمه

المكن الهندى الجديد bajaj

المحرك المفوت

الكلمات الدلالية لهذا الموضوع

المفضلات

المفضلات

ضوابط المشاركة