بفكر في الفيكترا سي

**MIDO_20071** · 28-02-2014 01:06 AM

ازيكو ياشباب
انا لسه بايع عربيتي وبفكر اشتري الفيكترا سي
كنت محتاج نصيحتكوا في الشراء عن العربيه من حيث قطع الغيار والاعطال المعروفه عن العربيه كمان معدل استهلاك البنزين لان الموضوع ده مهم جدا بالنسبه لي
كمان اشتري لحد كيلو متر قد ايه ولا في الالماني مبيفرقش
معلش كمان رينج الاسعار في الفئه الهاي لاين او التوب لاين
شكرا مقدما

**svneleven** · 28-02-2014 08:20 AM

العربية مع واح صاحبي اللي هي ال توب لاين أعلي حاجة. مو 2008 سعرها حوالي 115000 جنيه لأن ديه أعلي فئة اللي فيها فرش الجلد و فتحة سقف و سخانات الكراسي و ال Adaptive headlights و زينون واطي بس.
قطع الغيار غالية شوية. عيبها الرئيسي موبينة الحقن بتتغير كل حوالي سنتين تلاتة.
غير كده العربية حكاية و جميلة جدا بريستيج و ثبات خرافي.

**Dr-Daly** · 28-02-2014 10:32 AM

أهم حاجه في أي عربيه عموماً إنك تكشف عليها كويس كمبيوتر موتور وفتيس وتشيك عليها عفشه لو تمام توكل علي الله وعموما العداد مش بيفرق في الحاله لو متابع صيانات مظبوط،
أنا معايا العربيه بس الفئه الأقل لكن بأمانه مبسوط منها جداً من وقت ما إشتريتها من سنه والحمدلله وبرغم إني ركبت عربيات أغلي في السعودية لكن تفضل الفيكترا حكايه ولها مذاق خاص
ملحوظه: حاول تجرب سواقتها من صاحبك علي طريق ووسط الزحمة وتشوف هتتبسط قد إيه لو عجبتك والكشف طلعها سليمه يبقي توكل علي الله وإنتا الكسبان إنشاء الله

**ah-elgendy** · 28-02-2014 11:30 AM

جرب الفتيس بتاعها وشوف هيعجبك ولا لأ ولو معجبكش شوف فيكترا b

**haisam ali** · 28-02-2014 11:50 AM

فعلا جربها مع أى حد تعرفه كده ..... وبعد كده احكم وشوف .... كمان لو نويت حاول تعرفنا عشان نقدر نساعدك .... هذا وبالله التوفيق

**MIDO_20071** · 28-02-2014 06:20 PM

متشكر جدا ياجماعه على ردودكم
المشكله ان مفيش حد اعرفه عنده العربيه دي عشان اجربها
لكن واضح ان في مشكله معينه في السواقه عشان كده بتنصحوني اجربها الاول
كمان شكل الفتيس غريب شويه مش فاهم حاراته ماشيه ازي تحس انه حر كده بيتحرك في كل الاتجاهات زي المانيوال
انا بفكر في الفئه الهاي لاين اللي هي بعد الاليجانس وقبل التوب لاين
تفتكروا ايه المكان اللي اكشف على العربيه فيه وياريت لو في مكان قريب من المعادي زي صقر قريش مثلا
معلش لو هتقل كمان هو سعر الموبينه كام مدام هي دي اكتر حاجه بتتغير
واسف للاطاله

**FAR!D** · 28-02-2014 06:55 PM

الفتيس ده ايزي ترونيك يعني بشكل مبسط مانيوال و الدبرياش متحكم بيه من الكومبيوتر و الاخوه اللي قالولك جربها الاول قصدهم ان ليها طريقه سواقه خاصه مش اتوماتيك كامل يعني زي كده ال mmt بتاع التويوتا مش عيب فيها يعني مش تدوس بنزين وبس لا حتشتغل كانك مانيوال و ساعه نقل الغيار حتريح رجلك من على البنزين عشان متحسش بنتشه و اختيار موفق على فكره

**Hesham.H** · 28-02-2014 07:31 PM

المشاركة الأصلية كتبت بواسطة crazydeepman

الفتيس ده ايزي ترونيك يعني بشكل مبسط مانيوال و الدبرياش متحكم بيه من الكومبيوتر و الاخوه اللي قالولك جربها الاول قصدهم ان ليها طريقه سواقه خاصه مش اتوماتيك كامل يعني زي كده ال mmt بتاع التويوتا مش عيب فيها يعني مش تدوس بنزين وبس لا حتشتغل كانك مانيوال و ساعه نقل الغيار حتريح رجلك من على البنزين عشان متحسش بنتشه و اختيار موفق على فكره

الفتيس الايزى ترونك بيشتغل مانيوال واتوماتيك ... لما تجيبه على اليمين تشتغل اتوماتيك كانك مديها d
فوق وتحت يشتغل مانيوال بحركات ايدك دبرياج كهرباء
تحياتى