ايه الي ممكن يحصل للعربيه لو اكلت مطب علي 90 وطارت من عليه

انا النهرضه وانا ماشي علي الدائري
وطالع من النزله الي تحت الكوبري
وهوووووووووووب
علي 90 العربيه طارت متر او اكتر في الهوا وبعدين اترزعت رزعه
وانا مش عارف اعلارف هي اتضرت ولا لا ازاي
اروح التوكيل واشوف ولا ايه
وايه هي الخسائر المحتمله
وايه احسن حل لما الواحد يشوف مطب؟
ياريت لو حد ليه تجارب يقولها
وحسبي الله ونعم الوكيل فالناس الي عملاه للانتقام من الكائن العجيب الي اسمه عربيه الي كل الي راكبينه تجار مخدرات وحراميه وناس معاها فلوس
لابد من تخسيرهم اموالهم حقد طبقي منهم لله وحسبي الله ونعم الوكيل
وشكر خاص علي المجهودات الجباره والطرق المسفلته والغير موجود بها حفر
وادي جزات الي يجيب عربيه زيرو
عموما الحمد لله

قدر الله و ماشاء فعل
ان شاء الله ميكونش فيه حاجه حصلت بس اهم حاجه انك متكونش سمعت اى صوت غريب فى العربيه بعد الخبطه دى
جرب كدا تحود الدركسيون وتفرمل و شوف النظام لو حاجه لتطقطق ولا بتتهز
اكيد هيكون فى حاجه تضررت
بس ان شاء الله سليمه

بس يا باشا انا مره ماشي علي 100 و عارف ان في مطب و قبل المطب بفتره انا حاسب مقدار المسافه و كده و كانت المطره بتندع و هوووب ادوس فرامل الاقي العربية وخدها زحف علي مطب لو حد شافه يتخد و يفول ده لو انت خدته علي 20 حرااام برده

عموما خد المطب و عديت التقاطع في الهوا والله عديت التقاطع بس الحمد لله ملقتش اي اضرار الحمد لله

انا حاسس ان شوارع مصر بمطباتها دي اختبار جامد لقدرات السيارات علي الطيران
بفكر نعمل رالي العتبه ورالي مدينت نصر ورالي مصر الحديده ونشوف انهي اكتر عربيه هتصمد ادام المطب
انا اعدت اجرب العربيه فرامل وحجات ده لسه مظهرش حاجه

عموما مستني ردود اهل الخبره وشكرا للناس الي ردت

انا مره اخذت مطب بسرعه جدا مش فاكر السرعه كانت كام
فى عامود تحت العتب مباشرا الى بيتركب عليه الكوربيك
المهم العامود ده اتنى

شوف يا سيدي..
طالما مفيش حاجة اصوات ولا حدفة ولا حاجة يبقي خلاص عدت علي خير..
لو وانت ماشي بسرعة لقيت مطب.. فرمل خالص بقدر الامكان.. لحد ما ت
خل ع المطب خلاص.. سيب رجلك من ع الفرامل.. و سيببها تلبس المطب..
اقصي حاجة تلبس ف المساعدين و خلاص..
و المساعدين مش هتتكسر من حاجة زي كده.. عادي يعني.. متقلقش..
و ربنا يسترها ان شاء الله..

عادى أنا ياما خدت مطبات على 90 و 100 و غالبا مبيحصلش حاجة,
العربية مش مصنوعة من البلاستيك, لكن طبعا مطب على مطب على مطب هتتسبب فى أضرار بالغة على المدى الطويل مش فى ساعتها.

شوف ياباشا انا حقولك علي تجربتي و حضرتك تتحكم بلانوس و علي 120 و كنا 4 في العربيه
اصحابي قالولي ان العربيه لما اترزعت طلعت نار من تحت اكتشفت ان دا نتيجة ان بطن العربيه خبط في الارض و نتج عن اللخبطه دي حكه مع الاسفلت و طلعت شراره كده خفيفه و خلاص و بعد كده عملت شويه حاجات كده في العربيه للتاكد ان العربيه سليمه زي مثلا تمشي براحه و تجرب المناوره من غير فرامل علي اساس تعمل اختبار للعفشه و كده لو حاجه ناويه تحصل تسمع اي صوت غريب او جديد علي الاذن و تشوفوا جي من فين كده يعني و بعد كل دا لقيت الحمد لله العربيه سليمه
و ربنا يسترها معاك و معانا

دالموضوع مش فردي بقا كله بياكل مطبات تحيا مصر

WELCOME TO EGYPT
balad beta3et mattabat sa7eeeee7

افضل شئ في مصر يكون معاك عربية جيب او دفع رباعي
عشان ميهمكش المطبات

انا فى اعتقادى ان الميكانيكية وبتوع العفشة هم اكثر الناس المستفيدة من المطبات اللى فى الشوارع وهما بيدعوا ان الطرق كلها مطبات عشان العربيات ؟؟؟؟؟

إن شاء الله ماحصلش حاجة لإن قبل كده مرة كلت مطب على 120 ومحصلش حاجة ملفتة
لإن معظم الرزعة كلها بتقبى في الشاسيه
بس طبعا مبدئيا تروح تظبط زوايا لأن أكيد الزوايا باظت

انا اخدت مطب برضه على 100 ولما سالت الميكانيكى قالى العربية ممكن كده تفتح

شاسية ربنا يستر وفضلت متنكد بعديها باسبوع ومتغاظ من الحكومة

اقتباس:

---

المشاركة الأصلية كتبت بواسطة osos_lion

انا النهرضه وانا ماشي علي الدائري
وطالع من النزله الي تحت الكوبري
وهوووووووووووب
علي 90 العربيه طارت متر او اكتر في الهوا وبعدين اترزعت رزعه
وانا مش عارف اعلارف هي اتضرت ولا لا ازاي
اروح التوكيل واشوف ولا ايه
وايه هي الخسائر المحتمله
وايه احسن حل لما الواحد يشوف مطب؟
ياريت لو حد ليه تجارب يقولها
وحسبي الله ونعم الوكيل فالناس الي عملاه للانتقام من الكائن العجيب الي اسمه عربيه الي كل الي راكبينه تجار مخدرات وحراميه وناس معاها فلوس
لابد من تخسيرهم اموالهم حقد طبقي منهم لله وحسبي الله ونعم الوكيل
وشكر خاص علي المجهودات الجباره والطرق المسفلته والغير موجود بها حفر
وادي جزات الي يجيب عربيه زيرو
عموما الحمد لله

---

ma3alesh

bas 3mooman matab 3ala 90 ar7am men 70fra 3ala 90

ISA tegi saleema

عربيتك نوعها اية ؟! الاول ؟

بص زي ما احمد علاوي قالك
طالما ما سعمتش اي صوت او اي خبطه
و ما حستش باي هزه في الدركسيون او رعشه
او الدركسيون بيحدف شمال او يمين
يبقي مافيش حاجه اطمن ان شاء الله:)
لو انت شاكك روح لعفشجي قول يربط علي العفشه
و يكشف عليها
لكن في الغالب مافيهاش اي حاجه

عربيتي نيو اكسنت 2008 بقالها معايا شهريين

زمان كانت معانا اسكودا 120 جى اى اس ودى ماتورها ورا وبرضه حصل لى اللى حصل ده وكنا ماشيين ف طريق وكان مظلم وفجاءة طرنا فى الهوا ومش شفنا المطب الا بعد ما عديناه وفعلا العربية طارت مع انها كانت محملة ناس
والحمد لله عدت على خير

ربنا يسترها معاك
و ينتقم من اللي المفروض يحاسبو عن مجرد شاه تعثرت في الطريق
ما بالك بقي ببني ادمين