واحد صاحبى قالى لازم لما تجيب عربية تفتح(الشدة على التاء) الموتور ..
يعنى تجيب بيها السرعة القصوى و تحرق على النقلات ..
حد يعرف بقى ليه القصة دى كلها و فرقت فتختة ما فتحتوش؟؟
و شكرا جزيلا
عرض للطباعة
واحد صاحبى قالى لازم لما تجيب عربية تفتح(الشدة على التاء) الموتور ..
يعنى تجيب بيها السرعة القصوى و تحرق على النقلات ..
حد يعرف بقى ليه القصة دى كلها و فرقت فتختة ما فتحتوش؟؟
و شكرا جزيلا
مكن الكلام ده ينفع في عربية مسعمله علشان الموتور زي ما بلبلدي كده يتعود علي السرعة و مره في مره تلاقي الموتور بيجري
بس الكلام ده مبنفعش في عربيات زيرة غير بعد فتره التليين
++++++
تسلم ايدك يانور..
بعد التليين اللي هو بيبقي حوالي 1000 كم..
و بعد اول صيانة بعدها اللي هي صيانة ال5000
العربية بتبدأ تبقي ف الحالة الطبيعية بتاعتها..
ساعتها بقي ممكن تبقي تعمل الموضوع ده..
بس خلي بالك ان الموضوع ده مع الوقت بيقلل من عمر الموتور الافتراضي طبعا..
و عيز تشوف استجابة العربية بعد لما تتم العربية 5000 كيلو اعمل الانت عيزه بيبان كده قدرة العربية
اما قبل كده انت بتموت العربية
ان شاء الله بعد صيانه ال 5000 اعمل الانت عيزه
بس برده نقي وقت كويس و طريق نضيف هو حضرتك عربيتك ايه ؟؟
فترة التليين هى اهم فترة بتحدد اداء الموتور فى باقى عمر العربية و التحسيس على موتور العربية بيؤدى الى ضعف اداء الموتور بعد كدة... بصوا على الموضوع دة للاستفادة:
http://www.mototuneusa.com/break_in_secrets.htm
MMamdouh
هو في مدرستين في التليين عكس بعض تماماً، مدرسة بتقول افرك في الموتور في
اول ايامة وهو هيتعود على كدة، والتانية بتقول خليك حنين علية
في بدايتة.
و مين بقي حيجيلة قلب يفرك الموتور و هوا لسة زيرو ؟
العمال اللي بينقلوا العربيات للمعارض:)
نيههههههههه
انا حاولت اترجم من جوجل بس طلع كلام ما ينفعش ببصله - فمسحت المشاركه !
انا مش حترجم عشان لو ترجمت حيطلع برضة الكلام مش راكب بالاضافة الى ان حيطلع عينى
الموضوع باختصار ان النقطة اللى بيتكلم فيها صاحب الموضوع هى ان عملية التليين هى توافق اسطح الاجزاء المتحركة مع بعض و بشكل خاص اسطح الشنابر مع الشميز لاحكام غرفة الحريق و عدم تسريب اى ضغط... كلام جميل
فيه ناس بتقول ان التحسيس على الموتور و عدم التحميل عليه هو الافضل لان عملية التليين بيبقى فيها احتكاك و كدة و دة ممكن ياثر على عمر الموتور... الراجل قال ان لو فيه موتور فيه عيب فى الشنابر او البساتم او الشميز يبقى لو حسست عليه و لا عملتلة مساج حتى حيفضل معيوب و حيفوت فى فترة قليلة نتيجة العيب دة... مشاكل الموتور فى التليين بتحصل لما الموتور اساسا يكون معيوب
الجزء الاهم هو ان فى صناعة الموتور بيبقى اسطح الشنابر و الشميز فيها بعض الخشانة عشان تحصل عملية التاكل فى بداية التشغيل و على اساس التاكل دة الطبقة الخشنة بتتاكل حسب السطح المقابل و بتتحول الاسكح مع الاستخدام لاسطح ملساءمتطابقة مع بعضها و هنا بتعتبر فترة التليين انتهت
الفكرة بقى ان خلال فترة التليين نضغط على الموتور ولا لا؟
الراجل جاوب و قال بما اننا عرفنا ان الموتور مش حيبوظ فى التليين الا لو كان فيه عيب صناعة يبقى الخوف من اتلاف الموتور غير صحيح
النقطة المهمة فى الموضوع هى الحالة اللى بيحصل فيها تاكل بين الشنبر و الشميز... كلنا عارفين ان الاحكام بتاع الشمبر بيعتمد على ضغط الغازات المنفجرة جوة غرفة الحريق و بالتالى فى الاحمال الخفيفة (التحسيس) بيبقى الضغط دة قليل و الشنابر بتطبع على ضغط قليل... و بعد انتهاء فترة التليين و الضعط على الموتور, الضغط على الشنابر يختلف تماما و بيزيد و لان الشنبر متلينش على الضغط دة ...بيحصل تسرب للغازات المنفجرة فى غرفة الحريق و دة بيقلل من قوة الموتور و تلاقى العربية سحبها مش كويس مقارنة بعربيات نفس الموديل و يمكن عاملة كيلوات اكتر
الصور اللى محطوطة فى الموضوع لبساتم اتلينت بالطريقة دى و بساتم اتلينت زى ما بيقول اكتاب... طبعا باين اثار التسريب على جدران البساتم نتيجة عدم احكام الشنبر و صاحب الموضوع قال ان صاحب الموتوسيكل دة كان بيشتكى ان موتوسيكلة بطىء مقارنة بالموتسيكلات التانية و لما شاف البساتم مصدقش و قال انه اتبع تعليمات الكتالوج فى التليين بالحرف
MMamdouh
انا قريت الموضوع و شايف ان الكلام منطقي الى حد كبير. اكتر حته مكنتش فاهمها و فهمتها من الموضوع ده حكايه ازاي الشنبر بيحافظ على الكبس من غير ما يسربه: ضغط الشنبر نفسه (سوسته) على جدار الشميز ضعيف جدا مقارنه بالضغط القوي اللي مطلوب منه يحكمه و يمنع تسربه. اللي بيخلي الشنبر يقدر يحكم الضغط هوه ان الضغط اللي جايله من غرفه الاحتراق بيخلي الشنبر يندفع للخارج (كأن قطره بيزيد) و بكده بيقدر يحكم الضغط العالي الخارج من غرفه الاحتراق. لو حسست على الموتور الشنبر مش بيتمدد كفايه و بالتالي احكامه للغازات بيكون اقل
طيب النفخ اقصد القرص دا بيقصر علي عمر الموتور عموما ؟
و اية موضوع بلاش زيت تخليقي في التليين دا ؟
اللى بياثر على عمر الموتور هو اهمال الصيانة اكتر من اى حاجة فى الدنيا
قصة الزيت التخليقى دى ليس لها اساس من الصحة
MMamdouh
موضوع تفتتيح الموتور ده مش عارفه ليه حاسه انه وهم
مفيش حاجه اسمها كده
بالرغم من ان ناس كثير قالوا لى ان الموتور لما تعوديه على سرعه معينه خلاص بعد فتره العربيه متقدرش تجيب ازيد من السرعه دى
ولازم تقرصى على العربيه عشان تتعود على السرعه العاليه
لو موتور العربيه سليم تماما مفيش اى مشكله لو قرصت على الموتور بالسرعات هى فتره التليين ايه اصلا الا فتره تدريب للموتور فى اول الف كيلو
بصراحه كلام مش مقنع وجربته فى اول 3000 كيلو كنت بحسس على الموتور فعلا وعينى على عداد الار بى ام سرعتى 80 دائما
حفاظا على عمر الموتور الافتراضى
لكن لما حبيت اجرب قوه الموتور وسرعه العربيه عادى جدا جبت 160 وكان فيه اكثر من كده بسي انا خفت من السرعه مفيش حاجه اسمها تفتيح موتور من الاصل
والله إنتو حيرتونى نفتح ولا منفتحش؟؟؟
طيب حأسال سؤال
انا من 6 سنين اشتريت عربة اونو مستعملة عاملة 10 الاف ( اه ولاهي 10 بس ) و فابريقة و ملها حل و من ناس المفروض انهم ثقة
الا اني فوجئت بان الموتور عايز عمره بعد 5 الاف ك استخدام !!!!!!!!!!!!!!! و فعلا عملتها و الدنيا اتضبطت
يا تري دا بلقي من اية ؟
زيت ما اتغيرش؟
و لا الراجل فتج جامد شوية
و لا العربية اصلا نازله بعيب من المصنع
بالمناسبة صاحب العربية كان راجل كبير و حريص بشكل مقرف
حد عندة تفسير ؟
الموضوع مش top speed... المهم اخدتى وقت قد ايه عشان توصلى لل160... دا غير ان 160 مش سرعة عالية بالنسبة لعربية جديدة
دى محادثة بينى و بين مندوب خدمة عملاء شركة هاستنجز الامريكية لصناعة الشنابر و كان الحوار عن التليين لانى كنت قريت الكلام دة على علبة طقم الشنبر و حبيت بس يبقى الكلام موثق
http://i83.photobucket.com/albums/j3...uh/breakin.jpg
زمان ايام البيتلز لما كنت بروح بيها الكلية كل يوم و كان والدى يركبها مرة خلال الشهر يقولى "انت عملت حاجة فى العربية؟" اقولة لا... اشمعنى؟ "يقولى اصل سحبها تحسن اوى"... دة ان دل على شىء فهو يدل على ان الموتور اللى بيتحط تحت حمل و يشتغل على سرعة داءة بيفرق... دا انا مرة شديت مع زميل فى الكلية معاه بيتلز برضة و احنا الاتنين 1300 و هو افتكر عن عربيتى 1500
الموضوع صحيح و الشواهد بتاكدة... التحليل العلمى: انا مش قادر اوصل برضة لحاجة تسبب الموضوع دة "بعد" انتهاء فترة التليين
MMamdouh
اعتقد انك في جميع الاحوال لازم تقرص علي العربية شوية كل مدة علشان علي الاقل تنضف الموتور من رواسب الكربون الي بتتكون فية نتيجة city drive بس مش قرص وي يعني يعني مشوار طوالي علي ار بي ام عالي سنة
و ما يضرش لو قرصت علي العربية و هيا في مشوار طوالي شوية و ترجع تاني بدون ما الار بي ام يعلي منك قوي علشان عمر الموتور
لانة من الثابت ان الارب بي ام العالي بيحدث تاكل في الموتور و بيقصر عمره
و موضوع التفتيح دا علشان تستمتع باقصي خرج للموتور و يبقي سلس معاك ( علي ما اعتقد )
ممكن الموتور كان اصلا فيه عيب صناعة
و ممكن العداد ملعوب فية
و ممكن العربية كانت قاطعة كاتينة و الموتور فيه مشاكل
القصة تعتمد على ايه اللى انت غيرتة فى العمرة و ايه اسباب تلفة.. يمكن الراجل الحريص دة ساب الزيت 5 سنين فى العربية و بعد كدة استعملها و الزيت طبعا رايح فى داهية فا جابت شمبر او يكون سير الكاتينة قطع و جابت صبابات
خللى بالك ان تراكم الاهمال فى الصيانة ممكن ميبانش فى ساعتها و بالتالى اهمالة ظهر لما انت بدات تستعمل العربية بشكل يومى
MMamdouh
هوا فعلا العربية غيرت طقم شنبر
يبقى الباشا الحريص مغيرش الزيت على اعتبار انه مشى عليه كيلوات قليلة فى حين ان الزيت تاثر بعامل الوقت و فقد معظم ان لم يكن كل خواصة
مش قولتلكم اهمال الصيانة اسواء الف مرة من القرص على الموتور؟؟
MMamdouh
طيب سؤال بقي بره الموضوع
انا حاطط موبيل1 في الموتور بقالي اكتر من 7 شهور بس مش عملت بية اكتر من 5 الاف و نص الزيت لونة مش وحش لسة و العربية صوت الموتور تمام و سحبة زي الفل و كله جميل دا انا حاسس يمكن كمان ان الزيت زي ما يكون طبع زيادة في الموتور اخر شهر او بعد الالف الخامسة حاسس بكدا منه سحب العربية و الدوران الصبح و ها باردة سريع جدا بس المشكلة انة بقالة دلوقتي او داخل في 8 شهور و براحة مستخسر انزلة
انا كان عندي واحد صحبي عمل بية قبل كدا 18 الف لحد الزيت ما هلك بس جا في الاخر و سحب العربية بقي وحش و صوت الموتور علا و الاهتزاز زاد جدا في الموتور نتيجة ان الزيت حل او داء يحل والكلام دا حصل بعد ال 15 الف تقريبا معاه
اية بقي النظام ؟
لو عايز تعمل طقم شمبر تانى يبقى اهمل تغيير الزيت فى مواعيدة
الزيت للموتور زى الدم للانسان... تعرف تعيش بدم ملوث او مفيهوش اكسجين؟؟؟ الموتور مش حيعرف يشتغل بزيت تالف و حيتاكل و يبوظ... انت ممكن تتطنش تغيير فلتر ولا بوجيهات لكن الزيت لا
و بعدين لو بتحسبها من الناحية الاقتصادية حتلاقى ان جركن الزيت ارخص من تغيير طقم شمبر
oil is cheaper than engines
MMamdouh
ايوا ما انا ما عملتش غير 5 و نص بس و انا باغيره علي 8 الاف
انا قريت الموضوع من اوله لاخره
بس لسه مش لقيت الكل متفق علي راي واحد
يعني الافضل ان الواحد يشد علي الموتور في فترة التليين و لا لا؟
و كمان عاوزة اسال كام سؤال اغبيا بس معلش استحملوني:smartass5:
ايه هو الار بي ام؟:g:
و الزيت المفروض يتغير كل اد ايه؟
و شكراااااااااا
بوســـــي
كان فى كذا موضوع اتكلموا عن موضوع التليين هنا فى المنتدى قبل كدة والموضوع دة فية اراء كتير فى ناس بتقول القرص علشان تفتيح الموتور وناس بتقول العكس
اية فكرة التليين؟؟
التليين هو تطبيع الاجزاء المتحركة على بعضها كأنك بتعملها صنفرة لأن ومع تقدم الصناعة وتطورها مفيش دقة بنسبة 100%
الاجزاء المتحركة او المحتكة ببعضها تشمل الشنابر والسلندرات وعمودى الكامة والكرنك وقواعدهم والصمامات ..... جميع الاجزاء المحتكة ببعض داخل الموتور
يعنى التليين مش مجرد شنبر وسلندر التليين يشمل جميع اجزاء الموتور لأن الموتور لسة جديد يعنى الاجزاء دى مطبعتش على بعض
يعنى فترة التليين كأنك بتعلم طفل صغير المشى مفيش طفل بيقوم يجرى مرة واحدة ولا طفل بيفضل طول عمرة ماشى على مهلة , يعنى تبدأ مع الموتور واحدة واحدة فى الاول على سرعات هادية ومن غير تحميل وبعد قترة تبدأ تزود وهكذا
ملحوظة: فكرة عمل الشنبر انة زى السوستة مع ضغط الغازات المحترقة علية بيفتح علشان يقفل على جدران السلندر و يحكم الغازات المحترقة , اللى اقصد اقولة ان دى فكرة عملة سواء فى التليين ولا بعدة يعنى مش محتاج قرص جامد فى فترة التليين علشان يحكم غرفة الحريق ويحسن الاداء مانا فى اى فترة فى عمر الموتور لو قرصت هيعمل كدة صحيح مش مطلوب التحسيس على الموتور بس بردو مش مطلوب القرص الزيادة اهم حاجة تعرف موتور عربيتك
موضوع التفتيح مش وهم ولا حاجة وفعلا دة بيحصل بس الحكاية مش قرص وكبس بنزين وخلاص لأ محتاجة احساس بموتور العربية وازاى تتعامل معاة -كل عربية مختلفة عن التانية- فى ناس ممكن تكون بتقرص وتحس ان العربية مخنوقة او بتجرى بس تحس انها مش مرتاحة صوت الموتور عالى وتحس انها مكلبشة وناس مش بتقرص بس العربية بتجرى وتجمع بسرعة وهادية , ممكن فى نفس العربية واحد يركبها يخنقها وواحد تانى يركبها تحس ان العربية هادية وبتجرى بالرغم ان نفس العربية والموتور ونفس ظبطة الموتور معدلتش ولا غيرت حاجة وممكن بعد ماتتفتح تتخنق تانى حسب اسلوب السواقة
الموضوع دة اتناقشت فية مع ناس كتير وموصلناش لسبب قاطع واتناقشت فية مع دكاترة احتراق ايام الكلية بس للأسف معرفتش اقنعهم بالظاهرة او يمكن معرفتش اوصلهم الموضوع صح :D
اعتقد ان الفكرة كلها فى رواسب الكربون وتكوينها داخل السلندرات لأن الموضوع ملهوش دعوة باساسيات الموتور والدليل على كدة انة متغير مش ثابت .
bosyfadl:
ال rpm اختصار revolution per minute وهو عداد فى التابلوة بيقيس عدد لفات الموتور فى الدقيقة
بالنسبة للزيت حسب نوعة فى بيتغير كل 10 الاف وفى بيتغير على فترات اقل بس عموما لا ينصح بترك الزيت اكتر من 6 شهور حتى لو العربية متحركتش لأن خواص الزيت يتتغير
ميرسي اوي لحضرتك علي ردك عليا
بجد افتدني
بوســـــي
انت عارف عداد عربيتى 200 يعنى 160 بالنسبه للعربيه سرعه عاليه خصوصا وانا معودها اول 3000 كيلو على سرعه قصوى 80 كيلومتر يبقى لما اضاعف السرعه دى شى جديد على الموتور
كمان مخدتش وقت على ما وصلت للسرعه دى
بس المشكله دلوئتى انت حيرتنى جدا
تفتتيح الموتور مش توب سبيد طيب تفتيح الموتور ايه عزم اعلى ؟؟
انا اعرف انه وصول الموتور الى عزم وسرعه اعلى يعنى تشد بالعربيه ولا انا غلط !!
لو دورت على اسباب تقدر تنسب لها موضوع تفتتيح الموتور مش هتلاقى لكن الظاهر ان الموتور الكويس واللى مش مهلوك ايا ما كان مش محتاج قرص فى فتره التليين او تفتيح
القرص بيعمل ضغط زيادة على الشنابر نتيجة زيادة قوة الانفجار داخل غرفة الحريق... لو مكنتش القوة الانفجارية دى بتزيد مع الضغط على دواسة البنزين مكانش حد قدر يزود لفات الموتور لان زيادة اللفات دى بتيجى من زيادة القوة الانفجارية من خلال ادخال كم اكبر من خليط الهواء و البنزين
الفكرة هنا هى ان لو الشنابر طبعت على احمال خفيفة... ممكن اوى ( و فى الغالب دة اللى بيحصل) ان مع زيادة الضغط الاحكام دة يقل و يحصل تسرب لبعض الغازات من داخل غرفة الحريق و بالتالى حيحصل ضعف فى القدرة اللى خارجة من الموتور
MMamdouh
الموضوع هنا نسبى مش مطلق... يعنى القصة مش فى اداء عربيتك و بس...
يعنى ال 160 دول فى عربيتك ممكن تجيبيهم فى 30 ثانية مثلا و تلاقى عربيتك اخرها 180 كيلو
و تلاقى عربية اخت بتاعتك تمام... نفس النوع و الموديل و الموتور و الوزن و عاملة نفس الكيلوات بتاعتك و معمول لها نفس الصيانات و الخ الخ الخ لكن بتجيب ال 160 دول فى 28 ثانية و اخرها 189 كيلو
الفروق دى بتيجى من حاجات زى فترة التليين للموتور و تفتيح الموتور
تفتيح الموتور يعنى تقليل زمن التسارع (الكبس) و المشى على سرعات عالية شوية... يعنى باختصار تخللى موتورك يعمل شوية مجهود زيادة
MMamdouh
كلام مضبوط بس فيه نقطة
الشمايز و الشنابر مبتتعملش لساء 100%... دى بتبقى فيها زى درجة خشونة محسوبة عشان عملية التليين... دى بتبقى زى خطوط عالى وواطى دقيقة جدا على سطح الشميز و طبقة معينة على سطح الشمبر عشان يحصل التاكل بينهم او زى ما بنقول (التطبيع)
اول ما الخشونة دى تروح و الطبقة بتاعت الشنبر تروح بتنتهى عملية التليين و مينفعش يحصل (تطبيع ) بعد كدة... اللى بيحصل بعد كدة هو تاكل طبيعى للاجزاء التلامسة مع بعضها
انا قصدى من الكلام دة ان فيه فرق بين انك تعلم واحد المشى او تدربة على الجرى (طالما بتكلم فى اداء عالى) و ببين التليين... اى واحد ممكن يروح يتمرن و هو عندة عشرين سنة و يرفع لياقتة البدنية و يجرى اسرع... لكن فى الموتور لو الاسطح بتاعت السنبر و البستم طبعت (يعنى العالى و الواطى راح) خلاص كدة مش حينفع تعمل حاجة تانى
MMamdouh
يعني انا عربيتي عاملة 20 الف و لينتها ب 3 الاف كيلو اقصي سرعة جبتها كانت 160 كلم لاني باخاف اعديها و العربية عندي خفيفية و مش باحتاج اعديها و جبتها مرتين تقريبا و لمدة بسيطة رغم اني عربيتي فيرنا 1600 و الار بي ام عمره ما بيعدي عندي ال 2,6 الا كل ملوين سنة بس انا مشي كدا طول عمري دا انا و العيلة و بالمناسبة انا كل مشيي هنا في اسكندرية مرور و زحمة وحاجات كدا اخري البحر و برضة مش باعدي ال 100 علية غير نادر جدا
و بانقل بدري زي الدليل العربية ما بيقول علشان تحافظ علي الموتور علي السرعات الي هوا محددها
يبقي كدا خلاص بقي مفيش فايدة اني اعود العربية تعدي ال 160 كلم دية بدون خساير و لا ينفع اني اقرص ؟ و لا اية الدنيا بالضبط لان الي طول عمري اعرفة اني طريقتي دية بتحافظ علي مواتير العربيات
انا مجرب موضوع التفتيح ده ....
و تجربه فعلا محسوسه....
زمان قبل ما اجيب عربيه و اقبل ما اطلع رخصه اساسا...كنت باخد عربيه والدي كورولا 2002 ...و طبعا كنت صغير و طايش:)
كنت علطول بشد بيها و مفتح الموتور احلي تفتيح لدرجه ان كان فيه ناس صحابي فكرنها 1600 سي سي و هي 1300....
بعد ما جبت الاكسنت و خلاص ما بقتش اخد الكورولا فتره طويله....
ومره كنت مسافر مع والدي و اخدنا الكورولا.....
حسيت اني راكب موتوسكل....سحبها بقي وحش جدا علي الطريق و بالاخص في المطالع و ميته جدا....
و حسيت بالموضوع ده اكثر لما رجعت و اخدت الاكسنت....فرق جامد بينهم في السحب....
وايام بعد تلين الاكسنت رحت قارص علي العربيه لحد ماجبت 160كم...
اعدت فتره كبيره....المره اللي بعديها جابتها في وقت اقل...و هكذا لحد 180كم