مشروع العمر فلازم عربية تستحمل ؟؟؟؟؟؟؟

**Ghost2** · 01-03-2014 10:04 AM

نصيحتي ليك ال بي واي دي سيارة التاكسي الاولى في مصر .. قطع الغيار الخارجية معظمها تويوتا كورولا .. الابواب و الرفارف و خلافه .. عدا الفوانيس و بعض القطع الصغيرة . القطع الداخلية رخيصة الثمين و منتشرة و سيارة حمالة للعمل كتاكسي و مريحة و صالونها نسخة من صالون الكورولا بالكامل لا يوجد فروقات سوى الوان الاضاءة .. بلاش لوجان تاكسي في مصر و بلاش افيو عشان مشاكلها كتير . و لا تنسى الاستخارة

**Ahmed sahab** · 02-03-2014 07:17 AM

المشكلة انى مبحبش الصيني نهائيا بس انا نفسي فى افيو وخايف منها ومن اعطالها ناس كتير اشتكت بس انا هجيب زيرو وهل عالجوا الاعطال ولا لا طيب ليه لا اتوماتيك وبعدين انا مش عايز سحب اصلها زحمة فى زحمة ومطبات ومفيش جري اساسا فاريح دماغي تبقي اتو حتي لو سحبها ضعيف مش مهم ولا ايه رايكم

**hugan** · 02-03-2014 08:53 PM

المشاركة الأصلية كتبت بواسطة ahmed sahab

المشكلة انى مبحبش الصيني نهائيا بس انا نفسي فى افيو وخايف منها ومن اعطالها ناس كتير اشتكت بس انا هجيب زيرو وهل عالجوا الاعطال ولا لا طيب ليه لا اتوماتيك وبعدين انا مش عايز سحب اصلها زحمة فى زحمة ومطبات ومفيش جري اساسا فاريح دماغي تبقي اتو حتي لو سحبها ضعيف مش مهم ولا ايه رايكم

شوف ياباشا
هي النصيجه المفترض لمره واحده
وبعد كده انت صاحب القرار
الافيو لاتصلح لمشروع تاكسي نهائي
الموضوع مالوش علاقه بصيني وهندي
هي الافيو الماني يعني
دي عربيه من الورق المقوي
سواي هي او اللوجان
ال بي واي دي
هي الانسب والاصلح والاجود والاقوي والاوسع والاعلي
يعني حضرتك سواقين تاكسي القاهره
مثلا مابيفهموش في العربيات علشان يشترو المدعوه افيو او لوجان ويقلبوها تاكسي
ال بي واي دي
فهيا الاوتو فتيس ياباني بالكامل
انت صاحب القرار

**Ahmed sahab** · 03-03-2014 08:00 AM

كلامكم معقول والله طيب محدش عنده فكرة عن اسعار الاتوامتيك كاااااااااااام من بي واي دي

**Ghost2** · 03-03-2014 08:27 AM

هي في تقريبا عاملة من 88 الي 90 الف زيرو اوتوماتيك .. و مانيوال 80 الي 82 على حسب المعرض و الخصم اللي هتاخده

**M_SALLAM** · 03-03-2014 08:14 PM

طالما هتشغلها تاكسى بلاش اوتو .
و رأيى byd تكسب و ربنا يوفق لما فيه الخير ....

**abohend** · 03-03-2014 09:00 PM

تاكسي يبقى مانيوال أسعار قطع غياره رخيصة و عالية عن اﻷرض ....يبقى ايه byd
ملاكي يبقى أوتو و جودة في التقفيل و أبشنز معقولة يبقى ايه.....لوجان

بس واضح إنك مصر على اﻷوتو عشان تريح دماغك و متتعبش فالزحمة
كراحة عصبية و بدنية كلامك صح لكن من الناحية اﻹقتصادية تكاليف التشغيل و الصيانة هتزيد معاك
التشغيل بسبب البنزين
و الصيانة ﻷن اﻷوتو مشاكله أكتر

بس لو مصمم و مستعد تضحي بجزء من مكسبك في سبيل راحتك يبقى byd automatic
إستخير ربنا و بالتوفيق إن شاء الله
تحياتي