دلوقتي احنا ف الشتا و مش بشغل التكيف خالص لان مش بحب التكيف السخن هوا كدا غلط يعني المفروض اشغله كل فتره كدا ولا ايه ؟؟
تم تعديل العنوان
م ب 4
عرض للطباعة
دلوقتي احنا ف الشتا و مش بشغل التكيف خالص لان مش بحب التكيف السخن هوا كدا غلط يعني المفروض اشغله كل فتره كدا ولا ايه ؟؟
تم تعديل العنوان
م ب 4
لازم تشغله كل شوية...
أطول مدة تسيبه بدون تشغيل حوالي أسبوعين.. عشان الأجزاء الداخلية لنظام التكييف محتاجة تتزيت .. وده بيحصل لما التكييف بيشتغل.. وكمان علشان الفريون ما يتسربش.
على فكرة .. الدفاية بتاعت العربية ما بتشتغلش مع التكييف ﻹنها بتشتغل بالمية السخنة بتاعت دايرة التبريد.
بس حضرتك تقدر تظبط درجة الحرارة اللي تحبها من مؤشر الحرارة بتاع التكييف... يعني مش لازم تخلي الهوا ساقع قوي أو سخن قوي .. وتاخد برد
...
شكرا حضرتك يبقي لازم هشغله ان شاء الله شويه كدا ع الساخن
اصلا مش هيشتغل غير لما ادوس ع الزرار ده
انا عن نفسى فعلا باشغله كل عشره ايام او اسبوعين بالكتير لمده 15 دقيقه .
لازم يشتغل مرة علي الاقل كل شهر او ثلاث اسابيع
و لازم يشتغل على البارد مش السخن :)
لا مش لازم..
المهم إنك تتأكد إن الكمبريسور شغال، لإن الغرض هو تشغيل دايرة الفريون .. مش إنك تاخد هواء ساقع..
إلا إذا كنت عايز تختبر قوة تبريده، وده أساسا هيبقى اختبار خادع لإن الجو أصلا بارد، فالتكييف هيديلك هوا ساقع حتى لو ناقص كمية كبيرة من الفريون
على فكرة.. دايرة التكييف الساقع ودايرة التدفئة منفصلين عن بعض في حوالي 95% من السيارات إذا ما كانش أكتر، والمكان الوحيد اللي بيتقابلوا فيه هو وحدة خلط الهوا اللي متوصلة على الهوايات
لو عايز تعرف معلومات أكتر عن الموضوع ده.. ادخل على الرابط ده:
http://www.nilemotors.net/Nile/408701-a.html
...
شكرا على التذكير
فعلا انا بقالى شهر تقريبا ماشغلتوش
مجرد ضغط زر تشغيل المكيف ( اللي مكتوب عليه A/C أو مرسوم عليه نجمة الثلج ) يبقى معناه إن الكمبريسور شغال.. والمفروض ساعتها تحس إن صوت للموتور اتغير شوية أو ممكن يعلى حاجة بسيطة.. ولو مركز في الصوت كويس المفروض تسمع تكة كلتش الكمبريسور في لحظة ما تدوس الزرار.
بس حضرتك مش محتاج تخلي درجة الحرارة على السخن لحد الآخر.. مجرد ما تجيب المؤشر في المنتصف هتلاقي الدفاية جابت هوا دافي معقول...
ده طبعا بافتراض إن ثرموستات الكوعة شغال كويس ومش متشال من العربية
لو عايز تعرف معلومات أكتر عن فايدة ثرموستات الكوعة.. ادخل على اللينك ده
http://www.nilemotors.net/Nile/328708-a.html
...