الموضوع: شيفورلية أوبترا (الجديدة) 2014 قريبا فى مصر

المشاركة الأصلية كتبت بواسطة د.عماد صلاح

حد عنده معلومات عن
اولا ...هل الموتور انتاج gm ولا صيني بتكنولوجي gm
ثانيا ...ايه بلد المنشأ للفتيس و هل اتجرب في عربيات تانيه
ثالثا...التكيف صيني ولا نظامه ايه

المعلومات اللى وصلتلها ان العربيه تم تصميمها وتطويرها بالكامل في الصين بالتعاون بين Shanghai-GM و SAIC , ومبنيه على شاسيه البويك إكسيل اللى هي الأوبترا القديمه الصينى مع إختلاف نظام التعليق الخلفى والعربيه بقت أطول وقاعدة العجلات أكبر

يعنى بنتكلم في عربيه صيني من الألف للياء , مش هانضحك على نفسنا

ولكن

ولا شركة SAIC ولا طبعا Wuling أو Baojun هما اللى عاملين الموتور ولا الفتيس , بالتأكيد هما واخدين من GM كل حاجه موتور وفتيس وعفشه

زى ما الكروز عربيه كورى بالكامل بس موتور وفتيس وعفشه أوبل

مع الفارق طبعا بين المثلين إن الكروز مبنيه على أسترا , لكن الأوبترا الجديده واخده مكوناتها الأساسيه من GM بس مش مبنيه على عربيه جامده ودا طبيعى لأن المفروض إنها عربيه إقتصاديه رخيصه وطبيعى إنها تبقى أقل من الأوبترا الحاليه , اللى ممكن تبقى أحسن فيه إنها شكل أحدث وفتيس أفضل وموتور ممكن يبقى إستهلاكه للبنزين أقل

عموما بالنسبه للأوبترا الجديده

الموتور واخد كود من أكواد GM وهو P-TEC لكن مكتوب إنه من تصنيع SAIC-GM-Wuling ولو دورنا شويه ممكن نعرف بينزل في عربيات تانيه من GM ولا لأ , اللى يحب يدور معايا الكود L2C أو B15D

والفتيس هو أحد موديلات GM ال 6 سرعات ومكتوب في أحد المواقع إن الكود بتاعه GF6

عموما العربيه لسه جديده ومفيش معلومات عنها كتير أكيد لما تنزل بعلامة شيفروليه هانعرف تفاصيل أكتر