حاجه غريبه

**محمد البحيري** · 11-07-2007 10:47 PM

انا اول مره اخش منتدي الفيات وبصراحه شايف الناس كلها بتتريق علي 128 وواخداها تهزيق والي يقولك فيها اختراع اسمه الدريكسيون بس مبيحودش وكلام كده من الي ملوش لزمه والي يقولك دي صندوق والي يقولك حط قطن في ودنك
واحب اوضح ان 128 عربيه محترمه جدا وهي اول عربيه تطبق نظام الكبالن وقطع غيارها الي عند البقال او بتاع اللفت زي مبيقولو دي حاجه متعيبهاش بالعكس ده دليل علي نجاحها المكتسح الاسواق وان كان اي حد بيصلحها فده دليل علي حسن تصميمها وسهولته

**ahmed1981** · 11-07-2007 11:21 PM

ما شي يا جعيدي
قول رأيك براحتك
وإقرأ آراء الناس التانية وناقشها براحتك

لكن متنساش إن فيه إحترام متبادل مفيش داعي للتعليقات!!!!!!!!!!!زي :
( ياما مش لاقين عجله حتي يركبوها ودي عقده نقص )
(ياما بابي ومامي جابولهم عربيه جديده بمناسبه الفطام ومش حاسين بالناس الي تعبت علشان تركب ال128 الوحشه دي )

تفتكر بعد الكلمتين دول حد هيناقشك في كلامك أو يجاريك في إستهزاءك

**memo_hefnawy** · 12-07-2007 07:40 AM

أستاذ جعيدى :
-----

برجاء الإلتزام بالنقد الموضوعى فى صميم السيارات وليس فى الأشخاص و حيث أنك أيضا لن تقبل أن ينقدك أى عضو فى شخصك و إن كان بعض الآراء مش عاجباك تقدر تنقد بدون ما تسفه أو تتكلم بأسلوب لا داعى له ولا فائدة منه غير المشاكل .

أرجوا الإلتزام بقواعد المنتدى و الجو العام من الود و التآلف.

**hazem_khidr** · 12-07-2007 08:41 AM

بص يا اخ جعيدي العربيه مهما كانت شويه صفيح مش بني ادم يعني يعني الواحد يتريق او يعيب ما فيهاش مشكله ولو تلاحظ محدش عمره قالي اللي راكبين ال 128 دول عالم ناقصه مثلا او بابي و مامي جابوهاله زي ما حضرتك اتكلمت و قولت
هنا في المنتدي اللي معاه 128 زي اللي معاه مرسيدس .
اللي يخلي الناس تحترمك هو اسلوبك مش انت عربيتك نوعها ايه؟؟؟

**حسام كرم** · 12-07-2007 09:23 AM

السيد الفاضل جعيدى
رجاء الالتزام بالحوار البناء والنقد الموضوعى
حتى وان كان باسلوب ساخر
دون التعرض للاشخاص بصورة غير لائقة
وشكراً

**محمد البحيري** · 12-07-2007 11:44 AM

مع اعتذاري لكل الي فهموني غلط بس انا اكيد مقصدش حد معين والله حتي معرف اسماء الي كاتبين المواضيع دي بس فعلا كان في كلام مستفز
وانا بالتاكيد مقصدش شخص معين ومره اخري بكرر اعتذاري

**حسام كرم** · 12-07-2007 12:12 PM

اعتذارك مقبول يا اخ جعيدى
طبعاً بعد اذن الاخوة الافاضل فى المنتدى
واهلا وسهلاً بك وبمشاركتك البناءة فى المنتدى
ونرجو عدم اخذ الامور بحساسية زائدة
فالسيارة فى الاول والاخر قطعة حديد زائلة
والباقى هو العلاقات الطيبة والخلوقة بين الافراد
وكما ترى جميع مشتركى المنتدى ناس محترمة زيك
وقد نقبل بعض النقد للسيارات من سبيل التوعية او ذكر المميزات
وقد تكون باسلوب ساخر احيانا
ولكن لانرضى بالاساءة الشخصية لاى عضو وانت طبعا منهم
وانا شخصيا كم اختلف فى وجهات النظر مع كثير من الاعضاء وكم احتدم الحوار معهم ولكن داخل نطاق الاحترام المتبادل ودون اى اساءة شخصية
واخيرا شكرا لك واهلا بك