سؤال بخصوص اوبل فيكترا 1998

**hossam_elwani** · 30-09-2008 07:09 AM

معروض عليا اوبل فيكترا 98 حالة جيدة (مدهونة من الخارج بستثناء السقف)
1600cc جميع الكماليات فارجو الاجابة على اسئلتى:
1 ـ ماهى الكماليات الى موجودة فى هذا الموديل بالتفصيل (مع ذكر هل يوجد بها فرامل Abs ام لا )
2ـ ما نوع الموتور الخاص بها هل هو عادى ام ايكوتيك ؟
3ـ كم سعرها اذا كان المحرك عادى ؟ وكم سعرها اذا كان ايكوتيك؟
4ـماهى الاشياء التى ادقق فيها اثناء معاينة ماقبل الشراء؟
5ـ ما هى عناوين مراكز الخدمة التى ممكن ان اكشف من خلالها على السيارة بالكمبيوتر (ارجو ذكر مراكز مجربة ذات سمعة طيبة)؟
مع العلم انا من اسكندرية

ارجو الرد من الاعضاء لكى استفيد من خبراتكم
مع جزيل الشكر

**Ahmad Allawy** · 30-09-2008 05:12 PM

الكماليات هي غالبا زيما هاقولك..
لحد ما حد من اللي معاها لعربية يرد عليك.. و يأكد المعلومة..
زجاجكهربا قدام بس.. و مرايات كهربا بدون ضم..
تكييف و باور هيدروليك..
ايه بس اس.. فيها ايوة..
و مفتاح مشفر.. (ايموبيلايزر)
بيتهيألي مفيش حاجة تانية...
بس ممكن تركب فيها حاجات كتير جدا..
زي المرايات الضم و الكومبيوتر للرحلات.. و كومبيوتر اعطال..
و حاجات كتير قوي محمد مختار يفيدك فيها.. و في موضوع اسمه تعديلات عملتها في عربيتي.. فيه كل الكلام ده..
الموتور بتاعها عادي سينجل بوينت انجيكشن.. اس بي اي.. مش ايكوتك..
الايكو تك مش موجود غير في ال1600 اوتوماتيك بعد سنة 2000..
السعر بيتهيألي والله اعلم.. بيتراوح بين 55-58 علي ما اعتقد..
و برضه استني رأي الناس اللي معاهم فيكترا اكتر..
شوف بقي تدقق علي ايه لما تروح تكشف عليها.. تدقق علي انها محدش بيلعب فيها مش بيفهم في اوبل..
تعرف مين الميكانيكي اللي كان بيتعامل معاه.. و تشوفق متخصص ولا لأ.. و قطع الغيار اصلية ولا لأ.. و روح بيها التوكيل طبعا.. و هيجيبلك قرار العربية..
اهم حاجة تكون العربية دي بيتي.. محدش لعب فيها مش بيفهم في اوبل..
دي بقي انا مش عارف هتعرف تضمنها ازاي.. نصيب بقي..
بس افضل مكان التوكيل طبعا تكشف فيه..

**ENG\AHMED** · 30-09-2008 06:32 PM

المرايات عادية مش كهربا اللا اذا كانت صاحبها غيرها , درج التابلوة مكيف , تحكم فى مستوى الكشافات , ريموت طبعا , شاشة للوقت والتاريخ ودرجة الحرارة وبيانات الكاسيت

الاسعار مش متابع اوى الفترة دى

الكشف فى التوكيل وتكشف على كل حاجة

**hossam_elwani** · 30-09-2008 09:30 PM

معقولة مفيهاش كمبيوتر رحلات او كمبيوتر اعطال !! هل المعلومة دى اكيدة؟؟
وكمان عندى سؤال تانى ...
العربية راكب فيها جنوط 15 كاوتش رفيع هل له اضرار ؟
والكاوتش العادى الى فيها مواصفاته ايه؟