لخبراء المرور

**sunsonson** · 01-03-2014 11:52 AM

عندي مشكله يا جماعه ومحتاج مساعدتكم ضروري .
اشتريت العربيه من سنتين او اكتر وكانت مرور مدينه نصر وفحصت ونقلت ملكيه لفيصل واعدت سنه وجي اجدد لاقيت عليها ١٠٥٠ جنيه للرقم الي قبل الي فات يعني طلعت مخالفات من مدينه نصر لايوجد مخالفات وروحت فيصل فحصت ونقلت ملكيه ورخصت سنه وبعدين رخصت سنه تاني مفيش اي مشاكل دلوقتي بقي برخص قالولي عليها مخالفات لما كانت تبع الوايلي من ٢٠١٠
اعمممممممممممممل ايه برجاء الرد والمساعده
شكرا

**hugan** · 01-03-2014 12:00 PM

يعني المخالفات اللي كانت في الوايلي
اتنقلت لك علي فيصل بعد مانقلت ملكيه

**hugan** · 01-03-2014 01:21 PM

المشاركة الأصلية كتبت بواسطة sunsonson

بالظبط كده استاذي العزيز .لا وكمان دعد مارخصت مره وجي ارخص تاني لاقيت بقي موضوع المخالفات الي في الوايلي . دخلت لوكيل النيابه قالي اطلع علي الوايلي روحت الوايلي قالولي صور كل اثبات الملكيه والتوكيلات الي في الملف .

كده اتحلت بصور الرخص القديمه هاتثبت انك مالكش علاقه

**sunsonson** · 01-03-2014 03:17 PM

سؤال مهم يا جماعه هو الملف كامل بيبقي في المرور الي تابعها العربيه ولا ايه
بمعني : في مرور مدينه نصر العربيه كانت واخده رقم ولما نقلت فيصل خدت رقم تاني كده بقي الملف بالرقمين اصبحو في فيصل ولا فيه ملف تاني في مدينه نصر بالرقم القديم ؟؟؟؟؟؟؟؟؟
وا زاي الواحد يتفادي القرف ده وهو بيشتري مستعمل ..... لحسن ديه حاجه زفت علي الاخر ربنا مايكتبهاش عليكوا.....
ياريت الي يعرف يا جماعه ما يبخلش .........
شكرا

**jos116eph** · 01-03-2014 03:40 PM

انا حصل معايا نفس الى حصل معاك بعد ما اشتريت العربية واخد مخالصة من صاحبها بتاريخ 13-8-2013 ان معليهاش مخالفات لحد كدة تمام
رحت ارخص العربية وانقل اللوحات من مرور العجوزة الى السويس رحت اجيب شهادة المخالفات من العجوزة كانت المفاجئة مخالفة11-2-2010 و 28-11-2009 وانا شارى العربية فى 19 -8-2013
دخلت لوكيل النيابة وشرحت له الموقف قالى تعمل حاجة اسمها مالك سابق
اول حاجه بيان من شباك اللوحات بتاريخ صرف النمراالموجودة على العربيةحاليا
تاريخ المخالفات الموجودة على العربية
تروح المرور التابع له المخالفات وتثبت ان الخالفات للمالك السابق عن طريق عمل معارضة فى نيابة المرور وبعد اسبوع بتتشال المخالفات من عليك وتتحط على المالك السابق وبتاخد مخالصة من المرور
ونصيحة لكل مالك سيارة ان يكون عندك ملف كامل عن عربيتك صورة من كل شئ بتعملة فى المرور
زى عقد البيع - صورة من التوكيلات ان وجد- صورة من اخر فحص -- صورة من براءة الزمة-- يعنى اى ورقة تقدر تتحصل عليها تخص عربيتك صورها لان ليها وقت بتنفع فيه الصور دى
زى ماحص معايا اثناء الثورة المرور اتحرق وانا كان معايا دوسية كامل فى البيت مصورة وديتة المرور واخد الرخصة بعدها بساعة المهم ربنا معاك ويوفقك

**jos116eph** · 01-03-2014 03:57 PM

الملف كامل هتلاقية فى المرور الى انت واخد منه الرخصة

**MOHAMEDEBAID75** · 01-03-2014 06:47 PM

الاستاذ/جوزيف جاب من الاخر وممكن حضرتك تلاغى الموظف الى على الشباك يصور لك كل الورق الى انت عايزة وتريح دماغك وتعمل زى ما الاستاذ جوزيف قال لك

**sunsonson** · 01-03-2014 07:41 PM

انا شاااااااااكر جدا لكل الي رد .
وبالاخص الاستاذ الذي افاض.
طيب بالنسبه لموضوع بيان من شباك اللوح ده اجيبه انا من نفسي ؟؟؟ اصلي محدش قلي عليه في الوايلي ولا فيصل ؟؟؟
انا بكره انشاء العليم هروح فيصل اصور الورق واطلع علي الويلي فيه حاجه اعملها في فيصل قبل ما اروح ؟؟؟؟؟
شكرا