تسعير لانسر 2006

**Mohamed_abdo** · 01-03-2014 03:44 PM

السلام عليكم ورحمة الله وبركاته ... دى أول مشاركة ليا فى المنتدى المحترم ده ..... انا متابع من زمان .... بس قررت اكون من اعضاء نايل موتورز .... ولى الشرف طبعا
نبدأ الموضوع ....
أنا كان معايا هيونداى ماتريكس 2005 مانيوال وكانت قرفانى اخر حاجة فبعتعا وقررت ادخل عالم اليابانى ولكن فوجئت بارقام غريبة لعربيات المفروض انها بقت موديل قديم شوية

فعجبتنى سيارة لانسر 2006 اتوماتيك فابريكة جوة راشة بره حزام 1300 ماشية 92000 كيلو متر طالب فيها نهائى 75000 جنيه .... ايه رايكم فى السعر ..... ولو السعر كويس ايه رايكم فى الماتور 1300 انا بسافر كتير وبشغل التكييف كتير

وشكرا ليكم للمرة الثانية على السماح لى ان اكون من اسرتكم

**M.FOUAD** · 01-03-2014 04:37 PM

غالية جدا سعرها العادل لو راشة برة و دواخلها كلها سليمة 65-66

**Mohamed_abdo** · 01-03-2014 04:47 PM

شكرا ليك M.FOUAD انا برضه كنت حاسس انه مبالغ فيه بس قولت اسئل اهل الخبرة يمكن يكون ده سعرها

**halika76** · 01-03-2014 04:49 PM

مش هقدر أتكلم فى سعرها لإن كل عربية وحالتها ولكن رينج السعر من 65 إلى 75 لو 1300 سي سي .... ده بالنسبة للسعر ...
لكن بالنسبة للسفر والتكييف وال1300 سي سي مفيش مشكله لو مش محمل العربية شنط تقيله المشكلة بتبقى فى الطلعه الأولى ولما بتفتح ع الطريق مش هتحس أوى بال سي سي ...

لكن نصيحة أخوية أنا معايا ال 1300 لو بتتحرك بيها داخل البلد كتير وبتحملها وفاتح التكييف ومطالع الكبارى والجراجات وخلافه سحبها بيبقى زباله بجد وساعتها هتحتاج ال 1600 سي سي ...

وطبعا لو سواقتك سحب و شد وجرى والذى منه :) إنسى نهائى ال 1300 سي سي

**jojojojo** · 01-03-2014 06:24 PM

اولا السعر عالي جدا ثانيا بلاش في الابوما 1300 لو كانت كورولا كنت قلتلك مش هتحس بفرق في السحب وغيره بس البوما 1300 التكيف بيأثر جدا علي السحب وفي الطرق السريعه بتحس فعلا بفرق كبير جدا بينها وبين 1600 شوف حاجه تانيه افضل