العربية اتخبطت وهيا راكنة ياجدعان من الاكسدام للاكسدام ومنه لله اللي عمل كده

**prooo** · 02-03-2014 01:27 AM

المشاركة الأصلية كتبت بواسطة omar elgezeiry

معلش قدر الله و مشاء فعل .
هو حضرتك مش مأمن علي العربية؟

لا مش مأمن لاني مستحرم الموضوع تماما

**prooo** · 02-03-2014 01:30 AM

المشاركة الأصلية كتبت بواسطة ahmed.essam

قدر الله وما شاء فداك اي حاجة وعارف أد ايه محروق دمك لان انا اصلا لو العربية اتخدشت بفضل ييجي شهر لاوي بوزي
المهم الحمدلله حضرتك ظبطت مكان الخبطة خالص
لو تعرف تسأل في مركز خدمة محترم احسن ممكن يكون له رأي تاني ماشي ياريت
لو منفعش خليها كده دلوقتي لحد ما تهدي وتعرف تلاقي سمكري مضمون بيشتغل في عربيات جديدة وايده حنينة على العربيات دي
وممكن تسأل تاني في التوكيل بعد ما انت ظبطتها كده جايز الكلام يختلف

والله فعلا كلامك مظبوط الخبطه كان شكلها وحش فعلا ...... بس أنا متأكد ان في ناس بره ممكن ترجعهالي فابريكة تماما ... بس انا معرفش حد للاسف .... انا ان شاء الله قربت على ال 20000 كيلو لما اروح اعمل الصيانة هسئلهم تاني

**prooo** · 02-03-2014 01:37 AM

المشاركة الأصلية كتبت بواسطة temo85

أولا قدر الله و ماشاء قعل و ربنا يجازى اللى كان السبب
أولا لو حضرتك خايف على سعر إعاده البيع ((((عشان احنا فى مصر))) يبقي بلاش ترشها و يبقي قدامك حلين يا تسيبها زى ماهي كده يا إما تردها علي البارد بس هتسيب أثر مهما كان السمكرى محترف

ثانيا لو مش فارق مع حضرتك سعر إعاده البيع يبقي قدام حضرتك حلين برضه لو حضرتك مأمن عليها اعملها فى التوكيل أفضل طبعا لكن لو مش مأمن يبقي حضرتك تشوف حد بره يكون كويس فى السمكره و الدهان و يعملهالك و مش هتتعدى ال 1500 لأن اللي باين فى الصور ان الشغل كله فى البابين و بس مش فى الجنب كله

ملحوظه بس بلاش استعمال التنر عشان هيشيل طبقه الميتاليك اللى علي الدهان و هتكون المنطقة دى باهته عن بقيه العربيه فى الحالات دى استخدم البولش بتاع الخرابيش

انا روحت لواحد فعلا قاللي هتتكلف 1200 جنيه وانا فعلا قبل معملها بتينر عملتها ب بوليش وبعدين عملت بتينر وبعدين ببوليش تاني عشان الموضوع ده بس اللي يعرف سمكري كويس ياريت يقول ياجماعة عشان هيا هتترد على السخن ومش عاوز ابوظ فليتو الفابريكة

**omar-saad** · 02-03-2014 01:59 AM

انا بيتهيالى انها تيجى بارد
اسال كدة الاول قبل ماتفكر ترش
عندك الحرفيين ماليانة سمكرية شاطرين

**mahmoud_ali** · 02-03-2014 03:33 AM

قدر الله وما شاء فعل

**Gamal.Eid** · 02-03-2014 08:22 AM

المشاركة الأصلية كتبت بواسطة prooo

بسم الله الرحمن الرحيم

الحمدلله قدر الله وماشاء فعل العربية الريو بتاعتي اتخبطت وهيا راكنة ..... انا كنت بجيب حاجة من بي تك اللي في المعادي في شارع فلسطين وكنت راكن قصاد بي تك و كنت راكن لازق في الرصيف والشارع يعدي 3 عربيات جنب بعض المهم خرجت لقيت واحد معندوش ضمير واكيد ربنا هينتقم منه لاني انا مشفتوش انا خرجت لقيتها مخبوطة من الاكسدام للاكسدام من تحت عند الباب وجاية في السوكة وفي عضم الباب نيجي بقه للمهم انا روحت التوكيل قاللي هنغير بابين و هترش جنب كامل و هتتكلف 7000 جنيه طب انا خدت الكلمتين دول ومشيت ومعلقتش عشان كنت هقول كلام وحش ...... المهم روحت جبت تنر وقطن وقعدت ادعك في البابين والعتب والجنط 3 ساعات لغاية امما ظبطت الحمدلله انا بس عاوز رأيكوا .... اسيبها على الوضع ده خصوصا انها مش ماثرة على اي حاجة خالص غير اني كل امما اشوفها بتنكد بس .... ولا اعملها بره وعاوز كمان سمكري كويس لان الخبطة مش هينفع تترد على البارد فطبعا عاوزة سمكري صايع وصنايعي عشان ميبوظش الفليتو الفابريكة اللي في ضهر الباب ودي صور العربية وهيا مخبوطة وفي صورة للخبطه بعد امما نضفتها ...... وبعيدا عن كل ده فيها ايه لو كان وقف واعتذر عن اللي عمله انا والله كده او كده مكونتش هاخد منه فلوس او اقبل العوض لان ده اكيد فدا اي حاجة تانية خصوصا كمان ان مراتي وبنتي الصغيرة كانوا معايا بس كان اعتذر على الاقل بدل الدعاء اللي اتدعى عليه والنكد اللي نكده عليا

ودي صورة للخبطه بعد امما نضفتها

قدر الله وما شاء فعل

الحمد لله على سلامتك وسلامة الاولاد وفعلا ممكن تكون الخبطة فداء اى شىء اخر كان ممكن يحصل الحمد لله على كل شىء
وده اكيد شكله ميكروباص باين من اللون الازرق بتاع البوية قول حسبى الله ونعم الوكيل وربنا يعوض عليك
وارى انك تسال على سمكري كويس وه هيظبطها لك وابعد عن التوكيل فى الحاجات دى

**eng_abdou** · 02-03-2014 11:59 AM

المشاركة الأصلية كتبت بواسطة prooo

بسم الله الرحمن الرحيم

الحمدلله قدر الله وماشاء فعل العربية الريو بتاعتي اتخبطت وهيا راكنة ..... انا كنت بجيب حاجة من بي تك اللي في المعادي في شارع فلسطين وكنت راكن قصاد بي تك و كنت راكن لازق في الرصيف والشارع يعدي 3 عربيات جنب بعض المهم خرجت لقيت واحد معندوش ضمير واكيد ربنا هينتقم منه لاني انا مشفتوش انا خرجت لقيتها مخبوطة من الاكسدام للاكسدام من تحت عند الباب وجاية في السوكة وفي عضم الباب نيجي بقه للمهم انا روحت التوكيل قاللي هنغير بابين و هترش جنب كامل و هتتكلف 7000 جنيه طب انا خدت الكلمتين دول ومشيت ومعلقتش عشان كنت هقول كلام وحش ...... المهم روحت جبت تنر وقطن وقعدت ادعك في البابين والعتب والجنط 3 ساعات لغاية امما ظبطت الحمدلله انا بس عاوز رأيكوا .... اسيبها على الوضع ده خصوصا انها مش ماثرة على اي حاجة خالص غير اني كل امما اشوفها بتنكد بس .... ولا اعملها بره وعاوز كمان سمكري كويس لان الخبطة مش هينفع تترد على البارد فطبعا عاوزة سمكري صايع وصنايعي عشان ميبوظش الفليتو الفابريكة اللي في ضهر الباب ودي صور العربية وهيا مخبوطة وفي صورة للخبطه بعد امما نضفتها ...... وبعيدا عن كل ده فيها ايه لو كان وقف واعتذر عن اللي عمله انا والله كده او كده مكونتش هاخد منه فلوس او اقبل العوض لان ده اكيد فدا اي حاجة تانية خصوصا كمان ان مراتي وبنتي الصغيرة كانوا معايا بس كان اعتذر على الاقل بدل الدعاء اللي اتدعى عليه والنكد اللي نكده عليا

ودي صورة للخبطه بعد امما نضفتها

لو انت من سكان المعادى فى سمكرى جامد فى المعادى - عند مساكن صقر قريش رحلة وهو هينصحك وهيقلك على الصح ... وورشتة بتتدخل جواها 4 عربيات - يعنى عربيتك مش هتبات فى الشارع لو حبيت كلمنى على الخاص وانا هبعتلك عنوانة بالضبط

**aouelfotouh** · 02-03-2014 01:30 PM

قول الحمد الله انا حصل معى كده فى شارع رمسيس ركنت اتكلم فى التليفوان وى وحد مسطول من بتوع الفسبا دخل فى العربيه وانا وقف كسر الد فى المريه وطب حته من الباب بس الحمد الله نزلة من العربيه مسحة بكرمة الارض لاانى فى مربع سكان واصحاب المحلات تعرفنى قولة حسبى الله ونعم الوكيل

**prooo** · 02-03-2014 04:07 PM

المشاركة الأصلية كتبت بواسطة eng_abdou

لو انت من سكان المعادى فى سمكرى جامد فى المعادى - عند مساكن صقر قريش رحلة وهو هينصحك وهيقلك على الصح ... وورشتة بتتدخل جواها 4 عربيات - يعنى عربيتك مش هتبات فى الشارع لو حبيت كلمنى على الخاص وانا هبعتلك عنوانة بالضبط

ان شاء الله اول مرجع من السفر هتواصل معاك ....... وشكرا لحضرتك على ردك