زملائي في الكفاح
مرحباً بكم
للمره الثانيه على التوالي ذهبت إلى توكيل تويوتا بالأسكندريه
وده نتيجة لكمية الإستغراب اللي حصلت لي من المره اللي فاتت
http://www.nilemotors.net/Nile/406211-a.html
بس المردي إتعلمت من غلطي و قولت أنا لازم أحجز قبل ما أروح - علشان أقطع الشك باليقين و للأسف قطعته ...
ما علينا أتصلت علشان أحجز للإصلاح و و للأسف كانو مدخلين إسمي غلط على السيستم عندهم
الموضوع طول شويه بس ما علينا حجزت الصيانه يوم الأربعاء على أني هروح لهم يوم السبت 01/03/2014
و فعلاً رحت يوم السبت الساعه 9:50
و زي المره إللى فاتت بالظبط موظفة الإستقبال كتبت بيانات العربيه على بيان الحجز بتاعي و قالتلي اتفضل في الإستراحه
ربنا فرجها و ندهو على إسمي الساعه 10:20 أنا إتخضيت
روحت لمهندس الإستقبال و كان راجل جنتل زي الفل - ميتخيرش عن أخوه بتاع المره اللي فاتت - قولتلو حضرتكم غيرتلولي مسمار إستبليزر المره اللي فاتت و دفعتوني 139.00 جـ و لسه في تزيقه في العجل بص قدامه في الكمبيوتر و قعد يلعب في الزراير شويه و قالي طب نستلم العربيه
قولت ما علينا
سلمته العربيه و قالي في مهندس من الورشه هيجرب العربيه معاك ثواني و هننده على حضرتك
العربيه دخلت الورشة بالظبط الساعه 10:40
و بعدها بشويه لقيتهم بينهو على اسمي
روحت لمهندس الورشه بصراحه راجل جنتل - ميتخيرش عن زمايله - جربنا العربيه و أكتشف إن التزيقه من قدام و من وره
قولتله أنا مغير مسمار إستبليزر عندكو الإسبوع اللي فات و أدي الفاتورة و هنا كانت المفجأة
قالي الفاتورة مافيهاش مسمار إستبليزر دي فيها 123 كشف و 16 خامات
قولتلو طيب يبقى ال16 جـ دول المسمار
قالي لا ده ثمن غسيل العربيه
قولتلو بس الميه عندكو كانت قاطعه و العربيه متغسلتش
قالي دي فلوس بتتحط على اي فاتورة - بالطجه يعني - طبعاً انا كنت في قمه الإستغراب
رجعنا لمدير الإستقبال
قولتله إزاي أنتو مغيرتوش مسمار إستبليزر
بص في الفاتورة و قالي أحنا كشفنا على العربيه
قولتله يعني تكشفو على العربيه ب 139 و العطل زي ماهوه و كمان إيه ال16 جـ دي اللي في الفاتورة
قالي دي ثمن الشحم و الأدوات الهالكه اللي بنستخدمها في الإصلاح
قولتله طيب هي مش المفروض العربيه في الضمان - يعني الكشف بيكون مجاناً ده حتى حضراتكم عاملين حملة فحص مجاني
قالي بما إن المشكله اللي في العربيه نتيجة خبطه يبقى انت تدفع ثمن الكشف
قولتلو بس العربيه لسه فيها العطل يعني حضرتكم كشفتو على العربيه و معملتوش حاجه
قالي هوه النظام كده
ماعلينا
قولتله طب لو سمحت انا عاوز اخلص من الموضوع ده خلينا نصلح العربيه و أخلص
وسيبت العربيه ورحت مشوار و رجعتلهم الساعه 2:30
لقيت المهندس ده قولتلو العربيه خلصت
قالي من زمان هوه مسمار الإستبليزر مش موجود عندنا و لما يجي هنكلم حضرتك
قولتلو يعني انا جاي و سايب شغلي و في الأخر مالقيش قطع الغيار عندكو
طيب بزمتك لو مش هلاقي قطع الغيار في التوكيل أجيبها منين
مردش
و هوه ده توكيل تويوتا
و حسبي الله و نعم الوكيل في كل توكيل