العربيه مكتومه في السحب

**mostafa afifi** · 02-03-2014 03:43 PM

انا معايا 406 2002 2000سي سي ........انا نغير زيت و فلتر و زيت فتيس و طرمبه بنزين و حساسات فتيس و فلتر هوا و كبالن و بوجيهات و جلب مقصات و شداد موتور و مغير كانستر و منضف حساس البوابه و مغير فلتر بنزين من حوالي 7 الاف كيلو .......العربيه مكتومه في السحب و حاسس ان سحبها متأخر يعني حاسس ان في جزء فاضي في السحب و مابقتش ترضي تعدي 170 و ال rpm علي 4 و مش راضيه خالص تجيب اكتر .......واحد قالي انضف بوابه الايدل و حساس المانيفولد و انضف رشاشات و اكشف علي الموبينه و عندي رساله anti pollution fault ....مره واحد قالي موبينه و مره واحد تاني قالي علبه بيئه و قالي حساس شكمان .......انا احترت في العربيه ده ......ارجوكو حد يساعدني
العربيه كانت اسد بياكل الطريق عايز افوقها مع العلم ان الفتيس مظبوط و ضغطه مظبوط ....معلش عندي ونه كده في الجزء بتاع سير الكاتينه ده من ايه
اسف علي الاطاله

**mostafa afifi** · 02-03-2014 03:57 PM

و العربيه يا جماعه لو راكب فيها واحد بس معايا السحب بيتقل و لو 5 مع التكيف بحس انها 1000 سي سي

**a7medsh3rawi** · 02-03-2014 04:05 PM

السلام عليكم ورحمة الله
انت حطيت ايدك على المشكلتين اللى عندك وهم دول اللى أثروا على السحب بتاع الموتور ...
أولا: الرساله اللى جاتلك anti pollution fault معناها خطأ فى مضاد التلوث اللى هى علبة البيئه ودى حاول تغيرها بواحده جديده أصلى او استيراد وفى حل انك تشيلها خالص وتخلى بتاع شكمانات يلحم مكانها ماسوره وانا لاأفضل هذا الحل لانه ضار جدا بالبيئه وبيطلع دخان سام

ثانيا: الونه معناها ان بكرة سير الكاتينه بايظه وعايزه تغيير ولازم تكشف على السير ولو مشقق او ناشف يتغير والميكانيكى يظبطلك التقسيمه كويس جدا لان دى اهم نقطه فى توزيعه عامود الكرنك مع الكامات .
هذا والله أعلى وأعلم.

**J A G U A R** · 02-03-2014 04:52 PM

طقم دبرياج

**mostafa afifi** · 03-03-2014 01:25 AM

المشاركة الأصلية كتبت بواسطة engonear

السلام عليكم ورحمة الله
انت حطيت ايدك على المشكلتين اللى عندك وهم دول اللى أثروا على السحب بتاع الموتور ...
أولا: الرساله اللى جاتلك anti pollution fault معناها خطأ فى مضاد التلوث اللى هى علبة البيئه ودى حاول تغيرها بواحده جديده أصلى او استيراد وفى حل انك تشيلها خالص وتخلى بتاع شكمانات يلحم مكانها ماسوره وانا لاأفضل هذا الحل لانه ضار جدا بالبيئه وبيطلع دخان سام

ثانيا: الونه معناها ان بكرة سير الكاتينه بايظه وعايزه تغيير ولازم تكشف على السير ولو مشقق او ناشف يتغير والميكانيكى يظبطلك التقسيمه كويس جدا لان دى اهم نقطه فى توزيعه عامود الكرنك مع الكامات .
هذا والله أعلى وأعلم.

يعني اول حاجه دلوقتي هغير بكر سير الكاتينه...انا السير لسا مغيره
و تاني حاجه اغير علبه البيئه
و هل انضف حساس المانيفولد و حساس اليدل و الرشاشات ولا دول مالهومش تأثير
و هل الموبينه ممكن يكون ليها تأثير و لو في حاجه في الموبينه بتتغير
معلش ممكن بس توضح. توزيع عمود الكرنك مع الكامات عشان مش فاهمها