الموضوع: تقرير مشكلة ضعف شحن الدينمو والحل، وتركيب كلاكس ابيزا 94

السلام عليكم ورحمة الله وبركاته

وحشتونى يا سيتاوية

بعمل صيانه دورية عند غطاطى لبطارية فارتا وكذا شهر يعلم عليا ان الدينمو ضعيف

روحت المقطم من آخر بلاد العالم إلى أولها عشان انفذ وصية أخونا الجميل م.حسام الصادق انى اروح للاسطى هشام ابو سماح الكهربائى فى المقطم وصراحة الراجل استقباله ممتاز وشغله كويس.

فتح الدينمو ولاقى ان الكونترولر بتاعه متكحت بسبب ان كان فى باقى شربون مقطوم جوه الدينمو عمال يحك فى الكونترول، وبعد التنظيف المستمر شغلنا الدينمو وبيطلع 14 امبير من غير نور، لكن قبل الشغل ده بالنور كان بيجيب بالعافية 13 او اقل كمان، دلوقتى بالنور اصبح 13.5 او اكتر سنة وعموما هو قالى قضى بيه الفترة ده لحد ما يجيب آخرة ونجيبلك واحد استيراد ..


تانى شئ ركبت فردة كلاكس على القديمة لأن كان في فرده باظت لما دخلت ف الرصيف، وزود صوت الفردة الباقية
ودى صورة علبة الكلاكس والفردة ب 26.5 جنيه وهو صناعة فرنسية .

http://nileup.com/up/watermark.php?s...595482.jpg&p=c

والصوت بقى ممتاز