جولف ٤ اخرها ١٤٠ ازاي بس يا جماعة

**ghost_hamdi** · 04-03-2014 06:56 PM

هي مش بتسخن يا جماعة انا قصدي وانا بسخن العربية الصبح بلاحظ ان عداد الار بي ام بيرقص لحد ما العربية بتسخن درجة الحرارة العادية. العداد بيتظبط
ولو ديسك واسطوانة ، لو انا غيرت الفتيس الفتيس الجديد بيجيي معام ديسك واسطوانة ؟؟

**windows9x** · 06-04-2014 12:49 AM

ممكن تفيدنى انت عملت ايه فى المشكله دى؟

**ghost_hamdi** · 06-04-2014 08:43 PM

بص يا باشا انا عارف انتا محتار ازاي بسبب المشكلةً دي ، بس انا اصلا كنت هاقلب العربيةً اوتوماتيك فالمشكلة راحت لان الفتيس الجديد اللي راكب اتوماتيك مش مانيوال والله انا كان نفسي اساعدك واقولك المشكله فينًً. بس انا برجح ان المشكله. في طقم الدبرايج

**windows9x** · 06-04-2014 10:13 PM

انا بخمن كده برضه، شكراً يا باشا

بس قللى انت قلبتها ازاى؟ وكلفتك كام بالمصنعيه؟

**ghost_hamdi** · 07-04-2014 03:02 AM

حوالي ٦٠٠٠ بتغير الفتيس بالبدلات بالعصايه بالعداد بكبالن خلفيه
وكمبيوتر بتاع الفتيس

**windows9x** · 07-04-2014 02:14 PM

ليه كبالن خلفيه طيب مش فاهم معلش :)

انت عملتها عند هانى سمير بتاع حديقة بدر؟

**ghost_hamdi** · 07-04-2014 07:51 PM

بص انا مشًً فاكر ايه في العفشة من الجزء الخلفي. بيتعدل ، وانا عملتها عند محمد ابراهيم اللي. في الحرفينً. شارع الجولفً متفرع من شارع المرسيدس

**sala7** · 09-04-2014 01:06 PM

المشاركة الأصلية كتبت بواسطة ghost_hamdi

السلام عليكم
انا محتاج حد يقولي ده اسمه ايه
عربيتي جولف ٤ موتور ١٨٠٠٠ عادي مش تربو
واخرها بتجيب ١٤٠ بطلوع الروح والار بي ام علي ٥ طبعا انا بخاف اقرص اكتر من كدة
المهم انا محتاج اعرف ده اسمه ايه وممكن يكون العيب من ايه وهي اخرها المفروض سرعة قد ايه يعني بالبلدي اخرها كام سرعة
انا لاحظت لما بدورها الصبح وهي واقفة بلاقي عداد الار بي ام بيرقص لوحده من غير ما ادوس بنزين وبعد ما تسخن بريع يتظبط
هي ده ليه علاقة بمشكله السحب
انا عملت كبس بساتم والحمد لله ٧٠٪ ولسه مغير كل الفلاتر ومغير طرمبة البنزين
يا ريت حد يفيدني علشان انا خلاص قرفت

- المتور ده متسقط ولا الاصلي ؟؟؟ لان لو الموتور ده متسقط في احتمال ان الكمبيور اللي راكب على المكنة دي يبقا ش بتعها .. طيب يعني ايه الكلام ده ؟؟؟ هو معقول يبقا مش بتاعه و يشغل المكنة بردو ؟؟؟؟؟؟!!!! الاجابة آآه يشغلها لكن مش بال default adaptation بتعها فبيدي قريات غلط للمكينة تقوم تطلع العزم الغير مطلوب و بالخطأ
-كمان ممكن تكشف كمبيوتر (على اساس ان ده فعلاً مكونه اصلية) فاحتمال يكون حساس الكرنك قاري غلط و ده بسبب اتساخه او عطل .

طبعا دي الاحتمالات الاكثر تاثيرا .

**shery128** · 14-04-2014 10:44 AM

انا كان عندي نفس الموضوع ده العربيه كانت معموله اوتوماتيك م هي مانوال و تاني حاجه العداد بتاع ال 1600 مش 1800

**nesr6060** · 30-04-2014 09:41 AM

انا عندى نفس المشكله فى موتور 1600 aee ولما كشفت على الكمبيوتر لاقيت البوابه مبتقراش

ممكن حد يقولى بقى ايه هو حساس الكامه والمشكله دى بوابه ولا حساس كامه علشان ماصرفش فلوس على الفاضى