اقتباس المشاركة الأصلية كتبت بواسطة ashraf fawzy مشاهدة المشاركة
ربنا يبارك فيك و شكراً جزيلاُ على مساندتك

بالنسبة لسؤالك, الإجابة نعم, أنا سألت المهندس ماهر فى بيجو أبو رواش النهارده على نفس السؤال - لأنى بعتبر ده عيب فى تصميم العربية, رغم إنها مميزة بمواصفات كتير - و كانت إجابته إن اللمبة لما تنور - مافيش مؤشر حرارة تدريجى زى معظم العربيات بما فيها العربيات القديمة - يبقى لازم تقف فوراً لإن حرارة المحرك وصلت لفوق الـ 97 , ولو فضلت سايق ده ممكن يتسبب فى إحداث تلفيات فى المحرك.

و السؤال هنا, مش ممكن الشركة تضيف سوفت وير يضيف اوبشن يظهر درجة حرارة الماتور على شاشة كمبيوتر الرحلات؟

لإن نفس الشاشة ظهر عليها جملة "please stop the engine" لما عربيتى سخنت واللمبة الى فى التابلوه نورت, طيب ليه مايبقاش فى خاصية منها اقدر اشوف درجة حرارة المحرك فى أى وقت؟
اللي نفسي فه بجد بالنسبه للحراره في اي عربيه ان يبقى فيه تنبيه صوتي مستمر زي بتاع السرعه كده لما الحراره تزيد عن المطلوب عشان ممكن الواحد مياخدش باله من اللمبه أو العداد وهوه سايق أو يشوفها متأخر بعد فوات الاوان.