المشاركة الأصلية كتبت بواسطة mr.elegant
السلام عليكم يا أعضاء المنتدى المحترمين...
دى أوى مشاركة ليا فى المنتدى و أنا لسة مستلم العربية بقالى 3 أيام و لسة مش عارف إيه عيوب العربية. أنا كنت راكب لانوس 2012 قبل الإمجراند و قررت أجيبها بناءً على مميازتها اللى كلنا عارفنها و كمان علشان اللى كنت بغيره قبل كدة فى اللانوس كان بيبقى صينى و أنا شوفت ده بعينى لعربية بيتقال عليها إنها كورى.
اللى عاوز أتكلمفيه النهاردة إنى بشتغل مدير إستيراد فى شركة إستيراد مرموقة فى إسكندرية و بسافر الصين من 2009 حتى الآن (أنا أصلاً دلوقتى فى الصين)... اللى شوفته هناك إن الصين كلها بتركب عربيات 100% صينى مهما كانت الماركة. إزاى؟؟
** الصين عاملة مصنع فولكس فاجن و مصنع سكودا و مصنع أودى و مصنع مرسيدس فى شنغهاى
** الصين عاملة مصنع هوندا فى جوانزو
المستهلك الصينى بيركب عربية بنفس مواصفات العربية الألمانى أو اليابانى و لكن بمكونات صينية و أيدى عاملة صينية 100%. الميزة إنه بيركب العربية و بيوفر أكتر من 75% من تمنها... أنا مثلاً ركبت أودى a4 هناك بما يعادل 375000 جنيه مصرى و أكيد إنتو عارفين سعرها عندنا كام!!!
الملاحظة الأخيرة إن الصين فيها شوارع كتيييييييييييييير أوى مليانة حفر مش مطبات (بس ماعندهومش مطبات صناعية زى اللى عندنا طبعا). المهم السواقة هناك مش زى عندنا كدة إنك ممكن تحسس على المطب. و الله أنا شوفت بعينى و ركبت بنفسى مع السواقين و شوفت بياخدوا الحفر دى إزاى بالعربيات الصينى دى كلها.
النقطة اللى تخص الإمجراند بتاعتنا إن ياريت كان يبقى فى أحسن منها بنفس سعرها و إحنا ماكوناش نتأخر عن شراها. ياريت اللى بينتقد لمجرد الانتقاد أو بيقارن بعربيات تانية يشوف كمان موضوع السعر معاه فى المقارنة بتاعته...
*** آسف على الإطالة و أتمنى أكون صديق ليكم..[/font][/font][/font]