معلش اعذرونى هاطول عليكم شوية لأن الحكاية طويلة
عربيتى بيجو 106 و كانت محتاجة موتوروالفتيس كان بيعض على التانى سقطتلها موتور جديد و طلبت تصليح الفتيس لكن الميكانيكى قال ان الفتيس عايز يتغير و غيرته شوية ولاقيت الفتيس الجديد مش حلو فى المرشدير وطلبت تغييرة تانى غيروه بس وهما بيظبطو العربية فوتوا الموتور اللى ركب و سقطولى واحد تانى طلبت انة يكون 1400سىسى بدل 1200 مشيت اسبوع والعربية وقفت رحت لميكانيكى قالى عايزة دسك واسطوانة غيرتهم استيراد ب300 جنية و 150 مصنعية ولكن كام يوم وباظو رحت اتخانق مع بتاع قطع الغيار قال العيب فى التركيب رحت لميكانيكى تالت عشان يحكم قال فعلا انهم كانوا راكبين غلط وباظوا وعايزين يتغيروا غيرتهم والدنيا مشيت اسبوع ولاقيت رجة فى العربية رحت للميكانيكى الاخير قالى هازبط الفتيس و بعدين قال ان الفتيس وهما بيفكوه اتكسر وركبلى واحد تانى و الحقيقة كان رافض يحاسبنى لكن انا خوفا من ربنا اديتة نص التمن 200 جنية وفعلا الفتيس الجديد احسن لكن فى نفس الوقت قال ان الديسك والاسطوانة اللى هو مركبهم من 10 ايام اتكلوا وباظوا و بيقول ان السبب ان الفتيس اللى كان راكب كان فية قاعدة مكسورة وملحومة غلط و بوظت الديسك و الاسطوانة وغيرهم للمرة التالتة و حتى بعد ماتغيروا دلوقتى فى صوت رفة كدة بتروح لما بادوس على الدبرياج و انا خلاص مش فاهم حاجة يعنى المحصلة فى خلال شهرين تم عمل الاتى:
1- تغيير الموتور مرتين
2- تغيير الفتيس 3 مرات
3- تغيير مجموعة الدبرياج 3 مرات
يا ترى اللى بيحصل دة طبيعى ولا الصنايعية بيشتغلونى يا ريت حد يفيدنى هل ممكن يكون تغيير الموتور بيبوظ الفتيس او مجموعة الدبرياج وهل ممكن يكون فىة حاجة بتاكل الديسك و الاسطوانة بالسرعة الرهيبة دى (خلال 10 ايام)