استفسار : فين أحسن مكان لتعليم اللغة الفرنسية في مصر !!

**Y a r i s** · 03-03-2014 07:14 PM

السلام عليكم. يا اصدقائي ويا أحبابي
كنت بسئل وبستفسر فين. في كورسات لغة فرنساوي فيكي يا مصر ... ويكون مكان مميز كده وقوي. يشربك الفرنساوي. حرف حرف وكلمة كلمة. باسلوب مبسط. وهل حد يعرف مدرس فرنساوي خصوصي .

@@@@@@@
وتحياتي

**abo_salah** · 03-03-2014 11:12 PM

Cfcc
المركز الثقافي الفرنسي
موجود في الميرغني - ارض الجولف
والفرع الرئيسي في المنيره - جمب القصر العيني

**Y a r i s** · 04-03-2014 12:19 AM

طيب والاسعار ايه هناك ... وياريت لو في رقم تيلفون. اتصل عليهم وكده ... وتحياتي

**Y a r i s** · 04-03-2014 12:28 PM

المشاركة الأصلية كتبت بواسطة s o p h o s

بيرلس تقريبا المستوي ب 1500

ده فين يا بوحميد بالزبط .... وتحياتي

**ahmedteam** · 04-03-2014 01:17 PM

اعتقد فى Berlitz فى اكتوبر فى المنطقه امام سوبر ماركت مترو (المحور الموازى للحصرى) اللى فيه النادى

شوف كده و اسأل هناك

انا جربته فى الانجليزى و زبطنى بصراحه معرفش ظروفه فى الفرنساوى ايه

**egyboy** · 04-03-2014 02:40 PM

reach out

برضه مكان كويس وعنده مدربين اجانب

انا من وجهة نظرى الواحد يبدا فى مكان صغير يكتسب اللغة الاول زى ريتش اوت

وبعد كده عليك بالمركز الثقافى الفرنسى

علشان متكونش تايه فى اللغة وانت معاهم

انا برضه بدور

**Y a r i s** · 04-03-2014 03:40 PM

اتصلت بمركز برليز ده

مستويات بيرلتز - Berlitz Egypt بيرلتز مصر

لقيت عنوانوا في ٦ اكتوبر. الحي السابع منقطة الفيلات. ( فيلا ٣ - بجوار مسجد عمر ابن الخطاب )
سئلت عن سعر الدورة. قالولي حوالي ١٠٠٠ جنية وهيا تمن مستويات
والكورس شهر ونص. بس نسيت اسئل كام مره والحصة كام ساعه
المهم البت قالتلي حاجة حلوة قالت لي. لو ليك حد في نقابة المهندسين والاطباء اقارب درجة. اولى. هتاخد تخفيض ٣٥٪ يعني بدل الالف هيبقى ٦٥٠ جنية

بس الموضوع مش هنا. ... انا بصراحة اول مره اسمع عنوا
وكان ليا تجربة سيئة. مع نيو هرايزون فرع اكتوبر انو عامل زي الميكروباص مبيطلعش غير لمن يحمل ويكمل العدد يعني ممكن تقعد بالشهر مستني لمن يكملوا مجموعة علشان تبدء .... وليا تجربة اسوء واسوء مع اميركن اكادمي قدام خير زمان كانوا جايبين لنا مدرس على ما تفرج. وادارة مبتسئلش في الطلبة او الدارسين. ... يعني دخلت انا وبنتي قلت اخش معها منها اني اشجعها واقويها واتقوى معاها. فقلت خليني ادخل ليفل ون من البداية اتاسس معاها. من تاني. لقيت المدرس مش عارف ينطق. عدل فاكرين فيلم عسل اسود ... ده حتى المدرس بيقضي الحصة يستنطق العيال على نظام ألفٌ بااااء. تااااء خااااءٌ. يالله من اول باء فتحه بااااء. نون فتحه نووون . هههههه يعني ممكن سؤال. زي هاو اولد ار يووو . ده عادوا حصتين علشان يحفظوا للعيال وكزا مره امسكوا واقولوا انتا مش وظيفتك تقعد تحفظ العيال انتا اشرح والي يحفظ يحفظ والي ميحفظش عنو ما حفظ بس طبعاً مفيش فايدة كل شيخ وله طريقة بقه

بصراحة بعد البريتش كانسيل. كمستوى انا مشوفتيش بس المشكلة هو عدم التفرغ ... المهم نرجع لموضوعنا المركز ده الي بتقولوا عليه مركز محترم ولا مركز على ما تفرج ولا ماشي حالوا يعني تصنيفوا ايه من ضمن المراكز و الي فيه بيدرسوا متمكنين من اللغه. ومتخصصين تدريس ولا. بيجيبوا مدراسين. من على القهوة فاضين. او محاسبين و تعاله اضربلك حصتين. تحسين دخل . .. وتحياتي