ايه رايكم فى الليبرتى 2006 مستعمل

**Ahmed_m7md_A5** · 03-03-2014 10:53 PM

1) انا اسمع ان موديلات من 2005 حتى 2008 فيه عيب بتغير عفشة كتيير
2) بالنسبة لاستهلاك البنزين فى الاربعة سلندر و السته سلندر بيعمل كام كل 100كيلو
3) سمعت و دى غريبة اوى ان ثباتها وحش بعد 140 و البعض بعد 120
4) هل ليها عيوب اخرى ؟؟
5) انا بفكر ابعد عنها عشان دعم البنزين فى المستقبل فى الاغلب هيتشال ايه رأيكم ؟؟؟؟
6) مش عارف اسعار قطع غيارها و العقل بيقول انها نار لكن مثلا , ايه هو سعر الاكصدام الامامى الاصلى ؟ وهل يوجد استيراد ؟؟

**kar!m** · 03-03-2014 11:13 PM

أنا بيتهيألي الموديل ده في مشكلة في التكييف .. و غالبا التلاجة الداخلية.

**ahmedalaahosny** · 04-03-2014 12:11 AM

لا هو عامة الفور باي فور معمول عشان يدي عزم مش تسارع وجري ففعلا ارتفاع العربية عن الارض اكيد عامل كبير يخلي العربية بعد 140 مراجيح خاصة لو العفشه مش مظبوطه كمان الجيب معظمه عفشته ناشفه ده غير ان العربية دي صوتها عالي الي حد ما وكمان الجيب عموما قطع غيارها ليها ناس معينة ف قطع الغيار والصيانة بالاخص عشان محدش يعك فيها (دي برده مش فيرنا ) انا من رايي لو مش لازمك حاجة فور باي فور هات حاجة موديل قريب وانعم