عندي الياريس مفيهاش المحبس دا...الخط واصل للسربتينة السخن علي طول !!!
عرض للطباعة
عندي الياريس مفيهاش المحبس دا...الخط واصل للسربتينة السخن علي طول !!!
انا عندي فورد اسكورت ، تكييفها كان اداؤه متواضع بالنهار لكن بالليل بيبقى حلو ، فني التكييفات لغى لي وصله السخن وفعلا بعدها التكييف بقى تلاجة.
فى عربيات اوروبى السخن ليه محبس قفل وفتح
بالمناسبة الاوبل فكترا "اللى الناس بتسب وتلعن فى تكييفها " فيها محبس لقفل دورة السخن
واعتقد لو الموضوع كده (ولو انى مش مقتنع بفكرة ان الكورى واليابانى اشد على المطلق) فا باقى المصنعين مش اغبيا علشان يوفروا حتة محبس يحللهم المشكلة
ملحوظة مهمة وجارى التحقق من الوصلة فى العربية الديهاتسو بس فعلا تكيف اليابنى اقوى بكتيرررررر من الاوربى حتى العربيات الى اقل من 1600 سى سى
موضوع يستحق الدراسة...لكن فعلا فيه سيارات أوروبى تكييفها تلاجة زى الفورد فوكس مثلا عن تجربة..بس ماعرفش فيها محبس ولا لأ..ياريت حد يفيدنا
لو عايز تتأكد من وجود محبس الدفاية... بص على خرطوم المية اللي داخل على الدفاية .. لو لقيت الخرطوم داخل مباشرة من غير أي وصلات معدنية في النص... يبقى مش موجود.. ولو عايز تحسن مستوى التكييف هتحتاج تفصل المية
إنما لو لقيت وصلات معدنية عليها توصيلات ميكانيكية أو كهربية... ده أكيد المحبس ، وساعتها مش هتحتاج تقطع المية نهائي... إلا إذا كان المحبس نفسه فيه مشكلة بسبب صدا أو تسريب الجوان الداخلي بتاعه
غالبا هتقدر تشوفه من ورا الموتور.. يعنى ما هواش داخل التابلوه... زي كده:
http://www.mdxers.org/forums/attachm...l-assembly.jpg
http://0.tqn.com/d/autorepair/1/0/r/5/78721688.gif
http://www.indfloorcoating-repair.co...ntrolvalve.jpg
http://forums.aaca.org/attachments/f...e-img_6268.jpg
...
بصراحة يا باشمهندس موضوع اكتر من رائع ارفع لك القبعة تحية واعجاب بالموضوع الجميل انت رديت على سؤال كان مجنن الواحد وتروح عند بتاع التكييف يقول لى الكومبريسور بتاع الاوبل اقوى من اليابانى اركب اليابانى الاقى تكييف تلاجة بمعنى الكلمة بس هنا السؤال يا هندسة هل ممكن نشترى وحدة التحكم فى الدفاية ونركبها على ايى عربية ولو ممكن ياريت الطريقة
متفق مع حضرتك تماما إن مفيش حاجة مطلقة... ممكن جدا تلاقي عربيات أوروبية تكييفها ممتاز والعكس صحيح.
بس أنا هنا بتكلم على الغالبية العظمى من تصميم السيارات الأوروبية والغالبية العظمى من تصميم السيارات اليابانية
زي ما قلنا قبل كده... معظم مصنعي السيارات الأوروبية ما عملوش الموضوع ده لبرودة الجو في أوروبا طول السنة تقريبا.. تخيل لما تبقى طول الشتا درجة الحرارة في حدود الصفر ..ودرجة الحرارة في الصيف ما بتزيدش عن 25.. تحتاج تكييف قوي ليه.. بالعكس .. انت محتاج دفاية شغالة باستمرار.
خلي بالك إنك علشان تركب ميكانيزم يحرك المحبس يدويا (في العربيات القديمة والعربيات الرخيصة حاليا) محتاج تعديل شوية أجزاء يمكن تكون بالنسبة للمصممين مش مستاهلة تعب قصاد الشغل اللي هيتعمل
...
تركيب المحبس في رأيي ممكن يركب بطريقتين..
أول واحدة.. محبس يدوي عادي جدا زي بتاع البيوت... وأنا شارح الكلام ده في مشاركة رقم 5
تاني واحدة.. تركيب محبس وعليه كنترول كهربائي (سولينويد).. وممكن يتركب على زرار ضبط درجة الحرارة في التابلوه.. بحيث يفتح بمجرد تحريك الزرار ناحية أول شرطة بعد أقصى نقطة في الخط الأزرق.
الحل التاني ده محتاج دراسة شوية.. ومش هقدر دلوقتي أوصفلك ازاي يتعمل لإني ما جربتوش ولا أعرف حد عمله.. بس الطريقة دي معتمدة في العربيات الحديثة دلوقتي بشكل أو بآخر.