الموضوع: تعديل ازاز الابواب الخلفية كهربا

المشاركة الأصلية كتبت بواسطة maam

اتنين مكن خلفي 200
وحدة زراير رباعية 200
زرار لكل باب 100 *2= 200
إجمالي السعر 600 جنيه

استاذ محمود، نزلت لفيت علي تجار اسكندرية النهاردة كلهم كأنهم كانو متفقين علي سعر واحد
مكن خلفي 400 والزراير 200 ووحدة الزراير الرباعي 300 وده اقل سعر لاقيته عند واحد بس في ميامي
باقي الناس كلها اتكلمت في 900 جنيه ووحدة الزراير الرباعي لوحدها ب 300 جنيه.

ومرايات الكهربا اقل سعر لاقيته 500 للكهربا و750 للمرايات الضم وسمعت فيهم 900 برده بالاضافة ل100 جنيه للزرار بتاعها.

الاسعار اللي حضرتك بتقول عليها دي ممكن الاقيها فين؟. فرق السعر كبير ويستااهل السفر بصراحة ولا انت رأيك ايه؟

المشاركة الأصلية كتبت بواسطة maam

اللي هاتوفره في الشراء من القاهرة هاتصرفه في السفر
انت حدد احتياجاتك واحنا هنا تحت امرك
الاسعار ديه من اسلام عبد الشافي وهاني العايدي في الحرفيين
وفيه واحد تاني اسمه احمد حسن تقرببا من البراجيل عنده نفس الاسعار كان قالنا عليه زميلنا محمود الشافعي
بالمناسبة لو المنصورة قريبة منك فيه هناك الدكتور عبد الحميد كلمه كدا واساله وده رقمه 01006464882

sent from my htc

الفرق حوالي 400 او 500 جنيه اعتقد في السفر مش حاتكلف اكتر من 100 جنيه سواق مواصلات او بالعربية. الفكرة اني بعد ما اشتري الحاجة لو طلع فيها مشكلة حاضطر ارجع تاني :)

حاتصل بالدكتور بكرة، هو تاجر ولا عضو في المنتدي معلش عشان مش فاهم. ولو كده المنصورة اقرب فعلا لاسكندرية حوالي 150 كيلو.

متشكر يا أ محمود جدا :)

شكلها حاترسي اني اشتريها من اسكندرية فعلا، بكلم العايدي واسلام محدش فيهم بيرد
الوحيد اللي رد هو الدكتور وقال اشتريها من اسكندرية ارخصلك :)
الفكرة في اسكندرية انهم تجار كتير فعلا بس كأنهم متفقين علي قائمة اسعار محدش فيهم راضي ينزل جني او يقول سعر اقل من التاني.
وبالنسبة للمراية يبقي حاجيبها كهربا وخلاص بلاش ضم مدام مشاكلها كتير كده.