انصحوني اشتري عربية جديدة لانوس ولا فيرنا بعيداً عن فرق الموتور
يعني العفشة ومساحة الصالون والفرامل والكماليات بالنسبة للسعر وصاج العربية
ياريت تفيدوني
عرض للطباعة
انصحوني اشتري عربية جديدة لانوس ولا فيرنا بعيداً عن فرق الموتور
يعني العفشة ومساحة الصالون والفرامل والكماليات بالنسبة للسعر وصاج العربية
ياريت تفيدوني
لانوس
لانوس توكل علي الله ..
صراحة الاتنين راحت عليهم لانوس شكل قدم جدا جدا جدا جدا و كمليات قليلة اوووى اوووووى يعتبر الاساسية بس و الفيرنا نفس الكلام متبص كدا على الامجراند عالم تانى خاالص الفيرنا والانوس تتفوق عليهم بس فى قطع الغيار
لا تؤاخذني انا كنت فاكر حضرتك بتتكلم عن المستعمل طب ماتبص علي البي واي دي ولا اسبرانزا انفي ع الاقل الاتنين تقفيل صيني مش مصري
لا ولا يهمك لان فعلاً اللانوس بقت علامة مسجلة بالمستعمل لان محدش بيفكر يشتريها جديده غير قليل قوي
البي واي دي صراحة مفكرتش فيها لاني شايفها تاكسي بس يعني مش متخيلها ملاكي ومعرفش عنها أي حاجه ومحاولتش اعرف
الانفي شفتها وركبتها وعجبتني قوي بس للأسف عدم انتشارها ولأنها كمان تقفيل صيني خلى قطع غيارها غير متوفره حتى في التوكيل وفي ناس كتير للأسف منتظره قطع الغيار لشهور
بى واى دى عربية جميلة اوكبها تاكسى وشوف وسعها وراحتها وعفشتها واسال عليها السواق وشوف هيشكر فيها ازاى
بص في الاخر هتلاقي العربييتين واحد
بالنسبه للعفشه فالفيرنا احسن بكتير العفشه طريه ومعمره اكتر بكتير من اللانوس
بالنسبه للفرامل الاتنين زفت
بالنسبه للصاج الفيرنا مفيهاش صاج والدايو احسن بكتير
بالنسبه للكماليات الاتنين واحد مفيهومش كماليات لان التكييف والباور والسنتر مش كماليات
بالنسبه لقطع الغيار الاتنين نفس السعر
بالنسبه لتوافر قطع الغيار الاتنين هتلاقي قطع غيارهم عند كشك السجاير وهتلاقي في الاتنين كل الدرجات صيني وتايواني وكوري وشركة وتوكيل مفيهومش اي مشكلة
بالنسبه لمحرك اللانوس معمر عن الفيرنا لان ماتور الفيرنا بتاع وقته وبيروح بسرعه
بس ماتور الفيرنا تكنولوجيا اعلى جيل خامس من المحركات
بالنسبه للصالون فاللانوس صالونها اوسع قليلا واجمل
بالنسبه لزاويا الرؤيه للعربيتن فالفيرنا تعطي مساحة رؤيا للسائق افضل من اللانوس
بالنسبه للهدوء اثناء القيادة فالفيرنا صوتها عالى ومزعج وبتجعر انما اللانوس ماتورها هادي وصوته حنين
بالنسبه للثبات اللانوس افضل بكتير
بالنسبه لاعادة البيع وسعر البيع فالاتنين هتلاقي زبون لهم بمجرد ما تفكر تبيع حتى لو ما اعلنتش هتلاقي ناس عاوزة تشتري وانت اصلا مش عاوز تبيع
بالنسبه لمقاس الكاوتش نفس المقاس الاتنين
بالنسبه لخدمات التوكيل من غبور لمنصور يا قلبي لا تحزن
بالنسبه للسعر الاتنين واحد
بالنسبه لارتفاع السياره من الارض فالفيرنا ابتداء من موديلات 2010 ارتفعت عن الارض شوية وبقت تماماوكده كده لو عاوز تعلى كمان ركب بطاحات بس العربيه هتبقى مراجيح
بالنسبه للشد والحرق فالفيرنا افضل بكتير بس المواتير الكوري مش حمل شد وحرق لانك هتلاقي المكنه خفت على طول وادخل في مووايل طقم شنبر وعمره وده غير مجدي حتى بالنسبه للعربيات الجديده يعنى ماتور جديد على طول وبختك يا ابو بخيت
بالنسبه لمصاريف الترخيص واحد
بالنسبه لاستهلاك البنزين فالفيرنا موفرة اكتر بكتير من اللانوس في البنزين
بالنسبه لقطع الغيار الى حد ما اللانوس معمر بالنسبه للفيرنا بس الفرق مش كبير باستثناء طقم السيور الاتني في التوكيل بيعملوا حوالى 650 جنيه (طقم سيور مجموعة وكاتينه وبلي ) بس في الفيرنا بيقعد 60 االف واللانوس 40 الف وده نتيجه طبيعه فرق المرحكات بين اتنين كامه في الفيرنا وكامة واحده لانوس
دورة التبريد في الفيرنا مشاكلها اقل كتير نتيجة وجود غطاء للرادتير وخرطوم فايس في القربه انما في اللانوس مفيش غطاء راديتر وده مشكلته في وجود هواء في دورة التبريد في حالة نقص المياه ولازم تروح للميكانيكي يسحب هواء بعكس الفيرنا مابتاخدش هواء في دورة التبريد لو المياه نقصت بتزود عادي وتكمل وبالنسبه لقربه المياه فالانوس فالفايز في القربه عن طريق صمام ضغط وده عيبه انه ممكن يضرب وانت ماشي هيوقفك بس ده مش بيحصل الا كل فين وفين الصمام الاصلي بالميت بيقعد 120 الف كم اما الفيرنا مفيهاش صمام اصلا وشغالة خرطوم فايز مش بيجرا له حاجة
ده بعض اللى انا فاكره وانا ركبت العربيتن وحافظهم وفي النهايه عندى قناعه ان الاتنين واحد مفيش فرق بس هي مزاجات
متابع
لانوس تكسب
اللانوس افضل من الفرنا...
و الاتنين افضل من اى عربية صينى... الا اذا كانت ناوى تحتفظ بالعربية 3 شهور فقط و تبيعها بعد كدة هنا ممكن تفكر فى الصينى
اللانوس تتفوق فى الثبات و الفرامل... اه الاتنين فراملهم زفت لكن الفرنا رايحة فى 60 داهية و عن تجربة عملية
اذا كان الناس بتعتبر ان موتور الفرنا القوى ميزة فيها انا بعتبرة اخطر عيب... ايه معنى انك تركب عربية بموتور عفى و انت معندكش فرامل توقفك ولا عفشة تخلليك تعرف تسيطر على العربية و تناور بيها على سرعة عالية؟؟؟
اللانوس كمان تتفوق فى الوسع الداخلى... مع ان الاتنين نفس الحجم تقريبا بس الفرنا ديقة من جوة
الشكل الخارجى مسالة اذواق بس انا شايف ان اللانوس احلى بكتير... الفرنا مربعة و خطوطها حادة زى متكون فيات قديمة و متقيفة
قطع الغيار و اعادة البيع اخر حاجة تشغلك... الاتنين من اسهل العربيات فى اعادة البيع و سهولة الصيانة و توافر قطع الغيار بسعر رخيص و لو جبت الاصلى العربية هتعمر معاك كتيييير
دا طبعا عكس الصينى اللى فى خلال اول 10 الاف كيلو هتلاقى نص الكماليات اللى انت اشتريت العربية عشانها باظت و نص مكونات العربية الاساسية باظت... و الاظرف لما تشترى قطع غيار التاجر هيديك قطعة غيار صينى و انت مش هتبقى عارف دى اصلية ولا مضروبة... مهو كلة صينى
MMamdouh
لا بس البي واي دي مكنة ميتسوبيشي وهي اساسا كورولا ماعدا الاكسسورات الخارجية يعني مش مساله قطعه غيار صيني ولا مضروب ماانت كده كده لوفكيت الحاجة ولفيت عند بتوع قطع الغيار الياباني بس شوية هتطلع مشتركه في كذا عربية وده ف حد ذاته ميزه مش عيب اينعم توكيل الامل ده مع احترامي اعفن ورشة ف مصر برقبته بس انت مش محتاجه غير ف الاول عشان عيوب الصناعه والضمان لكن دلوقتي بقت تقفيل صيني يعني عيوب التقفيل ف الموديلات السابقة تقريبا اتحسنت من عضة الفتيس وفرش السقف اللي كان بيقع كانه ملزوق بكوله واسال برده ف قسم بي واي دي الناس اللي استلمت التقفيل الصيني واقرا التقارير بتاعتهم عن التقفيل جايز البعض يقول ان عضه الفتيس لسة موجوده بس دي ليها 60 الف حل وبرده هتلاقيهم ف القسم بتاعها
انا معايا دايو لانوس ... واخويا معاه فيرنا ... من وجهة نظري الانوس احسن .... بس اخويا بيقول الفيرنا احسن .... وانت حر
ما تشوف لوجان
لو هاتشتريها دايو مستعملة استعمال راقى يبقى هات لانوس لو هتجيب زيرو هات فيرنا لان لانوس 2014 بقت شخليلة
لو هتجيب زيرو ... رأيي حرام تدفع في لانوس او فيرنا او حتى اي عربية صيني زيرو لو تقدر تصبر وتزود مبلغك او تدفع اللى معاك مقدم وتقسط الباقي على سنتين تلاتة هاتلك بيجو 301 ولا نيسان صني ولا سي ايليزيه عربيات زيرو ويبان عليها الزيرو ... لكن لو امكانياتك متجبش غير اللانوس او الفيرنا ... هات لانوس .... ده رأيي المتواضع
ا/ محمود العربيات اللي حضرتك بتتكلم فيها جميلة ونفسي فيها خصوصاً الستروين اليزية لانها روعة بس للأسف ملهاش سعر بيع سواء الستروين او البيجو او الصني خصوصاً أني مش بئني عربية يعني انا مضطر اني اغير كل 5 سنوات لظروف عملي
لكن انا لو بشتري عربية العمر كله كنت ممكن افكر في حاجه منهم
لكن كده يدوب اخلص قسطها يبقى دفعت فيها 20 الف مثلاً زياده وبعدين ابيعها بسعر بخس عشان ملهاش سوق فاللي حيطلع مقدرش اشتري بيه عربية تانية فحرجع احطه مقدمة وادفع أقساط والف في نفس الدايرة تاني
لكن انا دلوقتي معايا فيفا 2008 التقفيل الهندي وعايز ابيع ومخسرتش كتير لاني حبيع بـ50 وكنت شاري بـ 62 وركبت العربية 5 سنين ونص
لو فكرت في اعلى من كده ممكن اروح لحاجه شعبي بردوا يعني افيو او اوبترا عشان اعرف ابيعها بعد 5 سنين
مهو دة فرق جوهرى بين اللانوس و البى واى دى...
احنا عربياتنا اساسياتها اوبل استرا 92 بس محدش فينا لما بتبوظ عربيتة بيروح يشترى قطع غيار اوبل لان صناعة عربياتنا نضيفة و قطع الغيار معمرة... انما فى الصينى اول ما تبوظ قطعة بيروحوا يشتروا القطعة اللى نزلت فى العربية اليابانى اللى تمشى مع العربية الصينى
MMamdouh
أللوجان مش وحشة خالص على فكرة... اعتراضى عليها هو شكلها بس دى مسالة اذواق انما كركوبة هى حلوة... فراملها تمام و ثابتة و موتورها مش وحش خالص
MMamdouh
فيرنا لو زيرو
والعكس مستعمل