ارجو المساعده ضروري جدا

**kago tito** · 05-03-2014 10:38 PM

انا رحت اتفرجت علي لانسر كلاسك اتومتك 2006 رشه بره لكن فبريكه جوه المعرض عايز في 69000 هيا هاتخلص باققل من كده اه وهيا ماشيه 145000 اشتر ي ولا لا انا معايا 70000 وممكن يزيدو الفين كمان ممكن تجبلي حاجه اعلي من كده ولا لا وايه رائيكم اشتري العربيه دي ولا لا

**MAHMOUD MOHAMD** · 05-03-2014 11:25 PM

انا مبحبش المعارض بتاعت المستعمل ولو العربيه 1300 يبقى كتير عليها ولو 1600 يبقى معقول وكويس بس اكشف كويس اوى على العربيه عشان العربيه متكونش مجتاجه مصاريف كتير واكشف كويس على الدواخل والموتور والفتيس وربنا يوفقك

**a7medsh3rawi** · 05-03-2014 11:46 PM

العربيه عداد الكيلومترات كتير وهتحتاج صيانات ولو 1300 يبقى السعر عالى عليها
نصيحه تستنى ليوم الجمعه الجايه وتنزل سوق السيارات (الجمعه) وتتفرج على كل الانواع والاسعار ولو عجبك حاجه ممكن تكشف عليها عند اى بنزينه جنب السوق وربنا يوفقك فى حاجه كويسه

انا اشتريت الجولييت اللى معايا من هناك وهى موديل 99 وعامله 109000 كم بس وعملت فحص فى البنزينه عند مهندس وكلفنى حوالى 70 جنيه
فحاول تلاقى عربيه موديلها عالى وكيلومتر قليل تحت ال 100000 كم

**kago tito** · 06-03-2014 09:41 AM

انا متشكر جدا علي الرد هيا العربيه 1600 انا خايف بس علي الفتيس ليكون كده بيلعب في الوقت الضايع بتاعه و ﻻ هوا الفتتيس اليابني االاتومتك ممكن يستحمل فتره طويله

**kago tito** · 06-03-2014 01:36 PM

هوا نزل السعر الي 77000 وانا حاسس انو ممكن ينزل خمسيه كمان ﻻنو هوا قال ان جايبها ب66000 انتو ايه رائيكم

**kago tito** · 06-03-2014 02:59 PM

ااقصد 67000

**hhhhhm** · 07-03-2014 01:13 AM

المشاركة الأصلية كتبت بواسطة kago tito

ااقصد 67000

عفوا أخى الفاضل الرجاء التأكد من حالة العربيه لأن ال 67 دول سعر مكوه أوتوماتيك فى نفس الحاله أو سعر بومه1300 2003 2004 راشه بره مانوال السعر اللى حضرتك كاتبه غير منطقى بالمره أكشف على العربيه تانى عن طريق سمكرى محترم من طرفك وخليه يتأكد أنها مفيهاش نص أو ربع و أتأكد من الورق ورقم الشاسيه وأكشف على الموتور فى أى بنزينه
ال 2006 1600 أوتوماتيك راشه بره شركه جوه (سليمه) 3000000 كم مستحيل تقل عن 75 ألف جنيه وكمان تبقى لقطه وأى حد يقولك غير كده قوله هاتلى